កណ្ដាល៖ នៅព្រឹកថ្ងៃទី១៤ ខែកញ្ញា ឆ្នាំ២០២៦ ឯកឧត្តម គួច ចំរើន អភិបាល នៃគណៈអភិបាលខេត្តកណ្ដាល បានអញ្ជើញដឹកនាំកិច្ចប្រជុំ ពិនិត្យ និងសម្របសម្រួលករណីវិវាទដីធ្លី រវាងភាគីដើមបណ្តឹង ឈ្មោះ អេង សេងងួន និងភាគីឈ្មោះ គង់ ប៊ុនឆាយ ពាក់ព័ន្ធនឹងការចោទប្រកាន់ពីការរំលោភ និងគ្រប់គ្រងលើទីតាំងដីកម្មសិទ្ធិដោយខុសច្បាប់ ដែលមានទីតាំងស្ថិតនៅក្នុងភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្ដាល កិច្ចប្រជុំនេះមានការចូលរួមពីអាជ្ញាធរក្រុងតាខ្មៅ មន្ទីរជំនាញ និងអ្នកពាក់ព័ន្ធជាច្រើនរូប។នៅក្នុងកិច្ចប្រជុំសម្របសម្រួលនេះ ក្រោមការសម្របសម្រួលយ៉ាងយកចិត្តទុកដាក់ និងផ្អែកលើស្មារតីយោគយល់អធ្យាស្រ័យគ្នាទៅវិញទៅមក ភាគីទាំងពីរបានឈានដល់ការព្រមព្រៀងបញ្ចប់ទំនាស់ដោយសន្តិវិធី និងទទួលយកដំណោះស្រាយរួមគ្នា ជាមួយនឹងលទ្ធផលជាផ្លែផ្កា។ក្នុងនោះភាគី គង់ ប៊ុនឆាយ បានយល់ព្រមធ្វើការរុះរើផ្ទះ ព្រមទាំងសម្ភារផ្សេងៗដែលនៅលើទីតាំងដីវិវាទនោះចេញឱ្យអស់ យ៉ាងយូរត្រឹមថ្ងៃទី១ ខែមីនា ឆ្នាំ២០២៧ ហើយភាគី អេង សេងងួន នឹងចាប់ផ្តើមធ្វើរបងការពារព្រំដីរបស់ខ្លួនជាបណ្តើរៗ ទៅតាមការព្រមព្រៀងរវាងភាគីទាំងពីរ។អ្វីដែលជាចំណុចសំខាន់ និងគួរឱ្យកោតសរសើរនោះគឺ ភាគីទាំងពីរបានយល់ព្រមបន្តរក្សានូវមនោសញ្ចេតនាបងប្អូន និងការរាប់អានគ្នាដ៏ល្អប្រសើរដដែល ដោយគ្មានការខឹងសម្បារ ឬប្រកែកប្រកាន់គ្នាបន្តទៀតឡើយ។ការដោះស្រាយទំនាស់ក្រៅប្រព័ន្ធតុលាការនាពេលនេះ បានបង្ហាញយ៉ាងច្បាស់អំពីប្រសិទ្ធភាពនៃការដឹកនាំសម្របសម្រួលរបស់ ឯកឧត្តម គួច ចំរើន អភិបាលខេត្តកណ្ដាល ដែលតែងតែយកចិត្តទុកដាក់ដោះស្រាយទុក្ខធុរៈ និងបង្កើតនូវបរិយាកាសឈ្នះ-ឈ្នះ ជូនដល់ប្រជាពលរដ្ឋនៅក្នុងមូលដ្ឋាន៕
ព័ត៌មានគួរចាប់អារម្មណ៍
គណៈរដ្ឋមន្ត្រីប្រជុំពិនិត្យរបាយការណ៍វឌ្ឍនភាពនៃការអនុវត្តវិធានការគន្លឹះក្នុងការពង្រឹងសមត្ថភាពរដ្ឋបាលសាធារណៈ ដើម្បីជំរុញនិងលើកកម្ពស់ការអនុវត្តការងារកែទម្រង់រដ្ឋបាលសាធារណៈ ឱ្យមានប្រសិទ្ធភាពខ្ពស់ ()
សម្ដេចតេជោ ហ៊ុន សែន ជំរុញឲ្យកម្ពុជា-វៀតណាម សហការគ្នាធានាសន្ដិសុខតាមព្រំដែន រួមគ្នាប្រយុទ្ធនឹងព័ត៌មានក្លែងក្លាយ ពិសេសចៀសវាងកុំឲ្យមានការប្រើប្រាស់កម្លាំងក្នុងប្រទេសណាមួយប្រឆាំងនឹងប្រទេសមួយទៀត រវាងកម្ពុជា-ឡាវ-វៀតណាម ()
សម្តេចតេជោ ហ៊ុន សែន សម្តែងការទទួលខុសត្រូវ និងសូមអភ័យទោសប្រជាពលរដ្ឋទូទាំងប្រទេស ដោយសារជឿទុកចិត្តប្រទេសថៃពេក និងមិនបានត្រៀមខ្លួនគ្រប់គ្រាន់ សម្រាប់ការប្រយុទ្ធ ()
សម្តេចធិបតី ហ៊ុន ម៉ាណែត អញ្ជើញបំពេញទស្សនកិច្ចផ្លូវការ នៅសាធារណរដ្ឋសង្គមនិយមវៀតណាម ()
អភិបាលខេត្តប៉ៃលិន អញ្ជើញបួងសួងសុំសេចក្តីសុខចម្រើនក្នុងឱកាសលើករូបសំណាកព្រះវិស្ណុធ្វើពីថ្មភ្នំដាក់លើរង្វង់មូលថ្មី ដើម្បីលើកកម្ពស់សោភណភាព និងសុវត្ថិភាព ក្នុងការធ្វើដំណើររបស់ប្រជាពលរដ្ឋ ()
វីដែអូ