សម្តេចមវរធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជា អញ្ជើញជាអធិបតីបើកកិច្ចប្រជុំកិច្ចសហប្រតិបត្តិការអាស៊ាន ស្តីពីកិច្ចការមុខងារសាធារណៈលើកទី២៣ (23rd ACCSM) កិច្ចប្រជុំកិច្ចសហប្រតិបត្តិការអាស៊ានបូកបី ស្តីពីកិច្ចការមុខងារសាធារណៈលើកទី៨ (8th ACCSM+3) និងព្រឹត្តិការណ៍ពាក់ព័ន្ធ នៅខេត្តសៀមរាប នាព្រឹកថ្ងៃទី ៥ ខែសីហា ឆ្នាំ២០២៦នេះ។ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារ សាធារណៈ និងជាប្រធាននៃកិច្ចប្រជុំបានថ្លែងអំពីអត្ថប្រយោជន៍សំខាន់ៗចំនួនសម្រាប់កម្ពុជា សមាជិកអាស៊ាន និងប្រទេសបូក ពោលគឺកិច្ចប្រជុំនឹងពង្រឹងសមត្ថភាពមន្ត្រីរាជការ តាមរយៈវគ្គបណ្តុះបណ្តាល និងការផ្លាស់ប្តូរបទពិសោធន៍។លើកកម្ពស់កិត្យានុភាព និងតួនាទីរបស់កម្ពុជានៅលើឆាកតំបន់។ជំរុញការផ្តល់សេវាសាធារណៈឱ្យកាន់តែមានគុណភាព ប្រសិទ្ធភាព និងឆ្លើយតបតម្រូវការរបស់ប្រជាពលរដ្ឋកាន់តែល្អប្រសើរ។សូមជម្រាបថា កម្ពុជាបានចូលជាសមាជិកអាស៊ាននៅឆ្នាំ១៩៩៩ និងបានចូលជាសមាជិក ACCSM នៅឆ្នាំ២០០១។ កម្ពុជា ធ្លាប់ធ្វើជាប្រធានប្តូរវេន ACCSM លើកទី១ ក្នុងអាណត្តិឆ្នាំ២០០៥-២០០៦ ហើយអាណត្តិឆ្នាំ២០២៤-២០២៦នេះ គឺជាលើកទី២ ដែលកម្ពុជាទទួលធ្វើជាប្រធាន និងរៀបចំកិច្ចប្រជុំថ្នាក់តំបន់នេះ។ ពេលនេះ កម្ពុជាបានក្លាយជាម្ចាស់ផ្ទះ នៃកិច្ចប្រជុំនេះ សារជាថ្មី ដោយក្រសួងមុខងារសាធារណៈ បានរៀបចំធ្វើជាម្ចាស់ផ្ទះ នៃកិច្ចប្រជុំកិច្ចសហប្រតិបត្តិការអាស៊ាន ស្តីពីកិច្ចការមុខងារសាធារណៈ លើកទី២៣ (23rd ACCSM) និង កិច្ចប្រជុំអាស៊ានបូកបី ស្តីពីកិច្ចការមុខងារសាធារណៈ លើកទី៨ (8th ACCSM+3) ព្រមទាំងព្រឹត្តិការណ៍ពាក់ព័ន្ធ សម្រាប់អាណត្តិឆ្នាំ២០២៤-២០២៦ ។កិច្ចសហប្រតិបត្តិការអាស៊ាន ស្តីពីកិច្ចការមុខងារសាធារណៈ (ACCSM) ត្រូវបានបង្កើតឡើងក្នុងឆ្នាំ១៩៨១ បន្ទាប់ពីសន្និសីទអាស៊ានស្តីពីការកែទម្រង់មុខងារសាធារណៈ ដែលបានចាប់ផ្តើមនៅឆ្នាំ១៩៨០។ ក្រៅពីក្របខណ្ឌ កិច្ចសហប្រតិបត្តិការអាស៊ាន ស្តីពីកិច្ចការមុខងារសាធារណៈ (ACCSM ) ក៏មានក្របខណ្ឌ កិច្ចសហប្រតិបត្តិការអាស៊ានបូកបី ស្តីពីកិច្ចការមុខងារសាធារណៈ (ACCSM+3 )ដែលពង្រីកកិច្ចសហប្រតិបត្តិការជាមួយ ចិន ជប៉ុន និងកូរ៉េខាងត្បូង ព្រមទាំងដៃគូសន្ទនាអាស៊ានមួយចំនួន ដូចជា អូស្ត្រាលី កាណាដា និងឥណ្ឌា ដើម្បីចែករំលែកបទពិសោធន៍ក្នុងការគ្រប់គ្រង និងអភិវឌ្ឍវិស័យមុខងារសាធារណៈ។សម្រាប់ឆ្នាំ២០២៤-២០២៦នេះ គឺជាលើកទី២ កម្ពុជាទទួលធ្វើជាប្រធានប្តូរវេនរៀបចំកិច្ចប្រជុំនេះជាថ្មីក្រោមមូលបទ «នវានុវត្តន៍សម្រាប់ការផ្តល់សេវាសាធារណៈឱ្យកាន់តែប្រសើរឡើង (Innovation for Better Service Delivery)» ដែលទទួលបន្ទុករៀបចំដោយក្រសួងមុខងារសាធារណៈ។ ការជ្រើសរើសមូលបទនេះ គឺក្នុងគោលបំណងប្រមូលផ្តុំ និងចែករំលែកនូវពុទ្ធិ និងឧត្តមានុវត្តន៍ពាក់ព័ន្ធនឹងនវានុវត្តន៍ ក្នុងការគ្រប់គ្រង និងការផ្តល់សេវាសាធារណៈ សម្រាប់ប្រទេសសមាជិកអាស៊ាន និងដៃគូ បង្កើនប្រសិទ្ធភាពក្នុងការអនុវត្តឯកសារណែនាំអាស៊ានស្តីពី ការផ្តល់សេវាសាធារណៈ និង ជំរុញការអនុវត្តនវានុវត្តន៍ក្នុងរដ្ឋបាលសាធារណៈ ដើម្បីបង្កើនគុណភាពនិងប្រសិទ្ធភាពសេវាដែលផ្តល់ជូនដល់ប្រជាពលរដ្ឋ និងនាំអាស៊ាននិងដៃគូសម្រេចឱ្យបាននូវ៖ គោលបំណងរបស់ផែនការការងារ៕
ព័ត៌មានគួរចាប់អារម្មណ៍
គណៈរដ្ឋមន្ត្រីប្រជុំពិនិត្យរបាយការណ៍វឌ្ឍនភាពនៃការអនុវត្តវិធានការគន្លឹះក្នុងការពង្រឹងសមត្ថភាពរដ្ឋបាលសាធារណៈ ដើម្បីជំរុញនិងលើកកម្ពស់ការអនុវត្តការងារកែទម្រង់រដ្ឋបាលសាធារណៈ ឱ្យមានប្រសិទ្ធភាពខ្ពស់ ()
សម្ដេចតេជោ ហ៊ុន សែន ជំរុញឲ្យកម្ពុជា-វៀតណាម សហការគ្នាធានាសន្ដិសុខតាមព្រំដែន រួមគ្នាប្រយុទ្ធនឹងព័ត៌មានក្លែងក្លាយ ពិសេសចៀសវាងកុំឲ្យមានការប្រើប្រាស់កម្លាំងក្នុងប្រទេសណាមួយប្រឆាំងនឹងប្រទេសមួយទៀត រវាងកម្ពុជា-ឡាវ-វៀតណាម ()
សម្តេចតេជោ ហ៊ុន សែន សម្តែងការទទួលខុសត្រូវ និងសូមអភ័យទោសប្រជាពលរដ្ឋទូទាំងប្រទេស ដោយសារជឿទុកចិត្តប្រទេសថៃពេក និងមិនបានត្រៀមខ្លួនគ្រប់គ្រាន់ សម្រាប់ការប្រយុទ្ធ ()
សម្តេចធិបតី ហ៊ុន ម៉ាណែត អញ្ជើញបំពេញទស្សនកិច្ចផ្លូវការ នៅសាធារណរដ្ឋសង្គមនិយមវៀតណាម ()
អភិបាលខេត្តប៉ៃលិន អញ្ជើញបួងសួងសុំសេចក្តីសុខចម្រើនក្នុងឱកាសលើករូបសំណាកព្រះវិស្ណុធ្វើពីថ្មភ្នំដាក់លើរង្វង់មូលថ្មី ដើម្បីលើកកម្ពស់សោភណភាព និងសុវត្ថិភាព ក្នុងការធ្វើដំណើររបស់ប្រជាពលរដ្ឋ ()
វីដែអូ