បារាំង៖ លោក កើត រិទ្ធ ឧបនាយករដ្ឋមន្ត្រី និងជារដ្ឋមន្ត្រីក្រសួងយុត្តិធម៌ បានដឹកនាំគណៈប្រតិភូក្រសួងយុត្តិធម៌ អញ្ជើញចូលរួមសន្និសីទអន្តរជាតិលើកទី៩ ស្ដីពីការលុបបំបាត់ទោសប្រហារជីវិត ដែលប្រព្រឹត្តទៅចាប់ពីថ្ងៃទី៣០ ខែមិថុនា ដល់ថ្ងៃទី២ ខែកក្កដា ឆ្នាំ២០២៦ នៅទីក្រុងប៉ារីស ប្រទេសបារាំង។សន្និសីទនេះ មានការចូលរួមពីតំណាងជាន់ខ្ពស់មកពីប្រទេស និងអង្គការអន្តរជាតិសំខាន់ៗចំនួន ១៩ ដោយមានអ្នកចូលរួមសរុបប្រមាណ ៧០០ រូប។ ក្នុងនោះ ក៏មានសុន្ទរកថាបើកដោយលោក Emmanuel Macron ប្រធានាធិបតីនៃប្រទេសបារាំង ផងដែរ។ក្នុងវេទិកាអន្តរជាតិនេះ លោកឧបនាយករដ្ឋមន្ត្រី កើត រិទ្ធ បានបញ្ជាក់ជំហរយ៉ាងច្បាស់របស់រាជរដ្ឋាភិបាលកម្ពុជា ក្នុងការគាំទ្រ និងកំពុងរៀបចំនីតិវិធីផ្ដល់សច្ចាប័នលើ ពិធីសារបន្ថែមទី២ នៃកតិកាសញ្ញាអន្តរជាតិស្ដីពីសិទ្ធិពលរដ្ឋ និងសិទ្ធិនយោបាយ ដែលមានគោលបំណងលុបបំបាត់ទោសប្រហារជីវិត។លោកបានបញ្ជាក់ថា ការផ្ដល់សច្ចាប័ននេះ គឺជាជំហានដ៏សំខាន់មួយ ដែលស្របតាមរដ្ឋធម្មនុញ្ញកម្ពុជា និងការអនុវត្តជាក់ស្ដែងរបស់កម្ពុជាអស់រយៈពេលជាង ៣ ទសវត្សរ៍កន្លងមក។ ទន្ទឹមនឹងនេះ វាក៏ជាការបង្ហាញពីការប្តេជ្ញាចិត្តដ៏មោះមុតរបស់កម្ពុជា នៅលើឆាកអន្តរជាតិ ក្នុងការលុបបំបាត់ទោសប្រហារជីវិត លើកកម្ពស់សិទ្ធិមនុស្ស យុត្តិធម៌ និងការគោរពសេចក្ដីថ្លៃថ្នូររបស់មនុស្សគ្រប់រូប។បន្ទាប់ពីការផ្ដល់សច្ចាប័នលើពិធីសារបន្ថែមនេះ កម្ពុជា នឹងមានកាតព្វកិច្ចជាអន្តរជាតិ មិនអនុញ្ញាតឱ្យមានការបង្កើត ឬអនុវត្តទោសប្រហារជីវិតឡើងវិញនាពេលអនាគតឡើយ។សូមជម្រាបថា កម្ពុជា គឺជាប្រទេសមួយក្នុងចំណោមប្រទេសតែ ២ ប៉ុណ្ណោះនៅតំបន់អាស៊ីអាគ្នេយ៍ ដែលបានលុបចោលទោសប្រហារជីវិត។ កម្ពុជាបានលុបទោសនេះតាំងពីឆ្នាំ១៩៨៩ ដោយមានការធានាទុកក្នុងរដ្ឋធម្មនុញ្ញរដ្ឋកម្ពុជា ឆ្នាំ១៩៨៩ និងបន្តបញ្ចូលក្នុងរដ្ឋធម្មនុញ្ញនៃព្រះរាជាណាចក្រកម្ពុជា ឆ្នាំ១៩៩៣។ ការលុបបំបាត់ទោសប្រហារជីវិត ត្រូវបានចាត់ទុកជាគោលការណ៍រដ្ឋធម្មនុញ្ញ ដែលឆ្លុះបញ្ចាំងពីការគោរពសិទ្ធិរស់រានមានជីវិត សេចក្ដីថ្លៃថ្នូររបស់មនុស្ស និងស្របតាមច្បាប់អន្តរជាតិ ព្រមទាំងបរិបទប្រវត្តិសាស្ត្ររបស់កម្ពុជា ដែលធ្លាប់ឆ្លងកាត់សោកនាដកម្មរបបប្រល័យពូជសាសន៍ បណ្ដាលឱ្យប្រជាជនរាប់លាននាក់បាត់បង់ជីវិត៕
ព័ត៌មានគួរចាប់អារម្មណ៍
សម្ដេចតេជោ ហ៊ុន សែន ជំរុញឲ្យកម្ពុជា-វៀតណាម សហការគ្នាធានាសន្ដិសុខតាមព្រំដែន រួមគ្នាប្រយុទ្ធនឹងព័ត៌មានក្លែងក្លាយ ពិសេសចៀសវាងកុំឲ្យមានការប្រើប្រាស់កម្លាំងក្នុងប្រទេសណាមួយប្រឆាំងនឹងប្រទេសមួយទៀត រវាងកម្ពុជា-ឡាវ-វៀតណាម ()
សម្តេចតេជោ ហ៊ុន សែន សម្តែងការទទួលខុសត្រូវ និងសូមអភ័យទោសប្រជាពលរដ្ឋទូទាំងប្រទេស ដោយសារជឿទុកចិត្តប្រទេសថៃពេក និងមិនបានត្រៀមខ្លួនគ្រប់គ្រាន់ សម្រាប់ការប្រយុទ្ធ ()
សម្តេចធិបតី ហ៊ុន ម៉ាណែត អញ្ជើញបំពេញទស្សនកិច្ចផ្លូវការ នៅសាធារណរដ្ឋសង្គមនិយមវៀតណាម ()
អភិបាលខេត្តប៉ៃលិន អញ្ជើញបួងសួងសុំសេចក្តីសុខចម្រើនក្នុងឱកាសលើករូបសំណាកព្រះវិស្ណុធ្វើពីថ្មភ្នំដាក់លើរង្វង់មូលថ្មី ដើម្បីលើកកម្ពស់សោភណភាព និងសុវត្ថិភាព ក្នុងការធ្វើដំណើររបស់ប្រជាពលរដ្ឋ ()
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
វីដែអូ