រតនគិរី៖ ដើម្បីរួមចំណែកលើកកម្ពស់បរិស្ថាន និងជំរុញការស្រឡាញ់ធម្មជាតិ លោក ថាវ យ៉េន សមាជិកក្រុមប្រឹក្សាខេត្តរតនគិរី បានដឹកនាំយុទ្ធនាការដាំកូនឈើជាង នៅតាមបណ្តោយផ្លូវបេតុងដែលទើបស្ថាបនាថ្មី ស្ថិតក្នុងភូមិកាជូត ឃុំញ៉ាង ស្រុកអណ្តូងមាស នៅព្រឹកថ្ងៃទី១ ខែកក្កដានេះ។សកម្មភាពដ៏មានអត្ថន័យនេះ មានការអញ្ជើញចូលរួមពីលោក ចាង ជឺយាន ប្រធានក្រុមប្រឹក្សាស្រុក, លោក មាស សារ៉េត អភិបាលស្រុកអណ្តូងមាស ព្រមទាំងកងកម្លាំងប្រដាប់អាវុធ និងប្រជាពលរដ្ឋក្នុងសហគមន៍ សរុបប្រមាណ ៤០នាក់។គោលបំណងសំខាន់ៗនៃការដាំកូនឈើនេះ គឺដើម្បីបង្កើនសម្រស់ធម្មជាតិ ដោយសារ ប្រភេទកូនឈើដែលបានដាំរួមមាន ដើមគគីរ និងដើមក្ងោក ដែលជាប្រភេទឈើផ្ដល់ម្លប់ត្រជាក់ និងមានផ្កាលម្អដងផ្លូវយ៉ាងស្រស់ស្អាត។ ជាមួយនេះ ក៏បង្ហាញពីចក្ខុវិស័យរបស់អាជ្ញាធរ ដែលមិនត្រឹមតែស្ថាបនាផ្លូវដើម្បីសម្រួលការធ្វើដំណើរប៉ុណ្ណោះទេ ប៉ុន្តែថែមទាំងប្រែក្លាយទៅជា «ផ្លូវបៃតង» នាពេលអនាគតព្រមទាំងរួមចំណែកបង្កើតគម្របបៃតង និងកាត់បន្ថយការឡើងកម្តៅក្នុងតំបន់ ក្រោមចក្ខុវិស័យ «ការដាំកូនឈើនៅថ្ងៃនេះ គឺដើម្បីអនាគតបៃតងនៅថ្ងៃស្អែក»។នាឱកាសនោះដែរ អាជ្ញាធរមូលដ្ឋាន ក៏បានអំពាវនាវយ៉ាងទទូចដល់បងប្អូនប្រជាពលរដ្ឋទាំងអស់ មេត្តាជួយរួមគ្នាថែរក្សា ការពារកូនឈើទាំងនេះ ឱ្យលូតលាស់បានល្អ ដើម្បីក្លាយជាទ្រព្យសម្បត្តិរួម និងជាមរតកបៃតងសម្រាប់កូនចៅជំនាន់ក្រោយ៕
ព័ត៌មានគួរចាប់អារម្មណ៍
សម្ដេចតេជោ ហ៊ុន សែន ជំរុញឲ្យកម្ពុជា-វៀតណាម សហការគ្នាធានាសន្ដិសុខតាមព្រំដែន រួមគ្នាប្រយុទ្ធនឹងព័ត៌មានក្លែងក្លាយ ពិសេសចៀសវាងកុំឲ្យមានការប្រើប្រាស់កម្លាំងក្នុងប្រទេសណាមួយប្រឆាំងនឹងប្រទេសមួយទៀត រវាងកម្ពុជា-ឡាវ-វៀតណាម ()
សម្តេចតេជោ ហ៊ុន សែន សម្តែងការទទួលខុសត្រូវ និងសូមអភ័យទោសប្រជាពលរដ្ឋទូទាំងប្រទេស ដោយសារជឿទុកចិត្តប្រទេសថៃពេក និងមិនបានត្រៀមខ្លួនគ្រប់គ្រាន់ សម្រាប់ការប្រយុទ្ធ ()
សម្តេចធិបតី ហ៊ុន ម៉ាណែត អញ្ជើញបំពេញទស្សនកិច្ចផ្លូវការ នៅសាធារណរដ្ឋសង្គមនិយមវៀតណាម ()
អភិបាលខេត្តប៉ៃលិន អញ្ជើញបួងសួងសុំសេចក្តីសុខចម្រើនក្នុងឱកាសលើករូបសំណាកព្រះវិស្ណុធ្វើពីថ្មភ្នំដាក់លើរង្វង់មូលថ្មី ដើម្បីលើកកម្ពស់សោភណភាព និងសុវត្ថិភាព ក្នុងការធ្វើដំណើររបស់ប្រជាពលរដ្ឋ ()
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
វីដែអូ