បន្ទាយមានជ័យ៖ សម្ដេចតេជោ ហ៊ុន សែន ប្រមុខរដ្ឋស្ដីទីកម្ពុជា បានថ្លែងថា បានពន្យល់ពីការដោះស្រាយបញ្ហាព្រំដែនជាមួយថៃ ដោយសន្ដិវិធី និងការដោះស្រាយដោយកម្លាំង ដោយសម្ដេចតេជោ បានបញ្ជាក់ថា កម្ពុជាជ្រើសការដោះស្រាយដោយសន្ដិវិធិ និងជារដ្ឋដែលគោរពច្បាប់ ហើយប្រសិនបើកម្ពុជាផ្ទុះអាវុធមុន នោះកម្ពុជានឹងត្រូវបរាជ័យ លើផ្នែកនយោបាយ និងការទូត ដោយជាការបំពានបទឈប់បាញ់ ហើយអន្ដរជាតិ នឹងដាក់កំហុសមកកម្ពុជា ដោយចាត់ទុកថា កម្ពុជាជាអ្នកបង្កហេតុ ដូចនេះកម្ពុជាមិនត្រូវផ្ទុះអាវុធមុនជាដាច់ខាត។ថ្លែងបែបនេះ នាឱកាសដែលសម្ដេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីកម្ពុជា អញ្ជើញចុះជួបសំណេះសំណាលសួរសុខទុក្ខ ប្រជាពលរដ្ឋជនភៀសសឹកចំនួន ២៨០៥គ្រួសារ នៅព្រឹកថ្ងៃទី៩ ខែមិថុនា ឆ្នាំ២០២៦ ក្នុងស្រុកស្វាយចេក ខេត្តបន្ទាយមានជ័យ។សម្ដេចតេជោ បានបន្ដថា ការបរាជ័យខាងនយោបាយ និងការទូត គឺធ្ងន់ធ្ងរជាងការបរាជ័យ ខាងកម្លាំងប្រដាប់អាវុធទៅទៀត។ ក្នុងន័យនេះ ប្រសិនបើមានការផ្ទុះអាវុធ លទ្ធផលដែលអាចទាយទុកមុនបាន នោះគឺ កងទ័ព ប្រជាជន នឹងត្រូវស្លាប់ ឬរបួស សូម្បីតែភូមិបណ្ដោះអាសន្ន ដែលពលរដ្ឋភៀសសឹកកំពុងរស់នៅ អាចនឹងខូចខាតជាក់ជាពុំខាន ដែលនេះជាអ្វីយើងដែលយើងមិនចង់បាន ហើយការដោះស្រាយដោយកម្លាំង នឹងមិនអាចដោះស្រាយទៅរួចបានទេ។ស្របជាមួយគ្នានេះ សម្ដេចតេជោ បានបញ្ជាក់ថា ការដោះស្រាយដោយសន្ដិវិធី បើទោះជាត្រូវការពេលវេលា ក៏ពិតមែន តែគឺជាការដោះស្រាយមួយ ដែលផ្ដល់ផលប្រយោជន៍ទាំងសងខាង ហើយកម្ពុជាត្រូវតែគោរព និងថ្នាក់ថ្នមបទឈប់បាញ់ជាចាំបាច់ ដើម្បីទ្រទ្រង់សភាពការណ៍៕
ព័ត៌មានគួរចាប់អារម្មណ៍
សម្ដេចតេជោ ហ៊ុន សែន ជំរុញឲ្យកម្ពុជា-វៀតណាម សហការគ្នាធានាសន្ដិសុខតាមព្រំដែន រួមគ្នាប្រយុទ្ធនឹងព័ត៌មានក្លែងក្លាយ ពិសេសចៀសវាងកុំឲ្យមានការប្រើប្រាស់កម្លាំងក្នុងប្រទេសណាមួយប្រឆាំងនឹងប្រទេសមួយទៀត រវាងកម្ពុជា-ឡាវ-វៀតណាម ()
សម្តេចតេជោ ហ៊ុន សែន សម្តែងការទទួលខុសត្រូវ និងសូមអភ័យទោសប្រជាពលរដ្ឋទូទាំងប្រទេស ដោយសារជឿទុកចិត្តប្រទេសថៃពេក និងមិនបានត្រៀមខ្លួនគ្រប់គ្រាន់ សម្រាប់ការប្រយុទ្ធ ()
សម្តេចធិបតី ហ៊ុន ម៉ាណែត អញ្ជើញបំពេញទស្សនកិច្ចផ្លូវការ នៅសាធារណរដ្ឋសង្គមនិយមវៀតណាម ()
អភិបាលខេត្តប៉ៃលិន អញ្ជើញបួងសួងសុំសេចក្តីសុខចម្រើនក្នុងឱកាសលើករូបសំណាកព្រះវិស្ណុធ្វើពីថ្មភ្នំដាក់លើរង្វង់មូលថ្មី ដើម្បីលើកកម្ពស់សោភណភាព និងសុវត្ថិភាព ក្នុងការធ្វើដំណើររបស់ប្រជាពលរដ្ឋ ()
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
វីដែអូ