សៀមរាប៖ នៅព្រឹកថ្ងៃទី៦ ខែមិថុនា ឆ្នាំ២០២៦ លោកជំទាវអ្នកឧកញ៉ា ម៉ៅ ចំណាន គិតម៉េង ប្រធានសមាគមសិល្បករខ្មែរ បានចាត់តំណាងដឹកនាំដោយ ឧកញ៉ា គិត លីច័ន្ទផាន់ណា អនុប្រធានសមាគមសិល្បករខ្មែរ នាំយកថវិកាចំនួន ២០លានរៀលដើម្បីឧបត្ថម្ភជូនមន្ទីរពេទ្យកុមារអង្គរ ក្នុងស្មារតីរួមចំណែកជួយដល់ដំណើរការមន្ទីរពេទ្យប្រកបដោយនិរន្តរភាព ពិសេសដើម្បីរួមចំណែកជួយដល់កុមារដែលជាអនាគតនៃប្រទេសជាតិ។ការនាំយកថវិកានេះត្រូវបានរៀបចំឡើងតែ៣ថ្ងៃ បន្ទាប់ពីសមាគមសិល្បករខ្មែរ ទើបតែនាំយកថវិកាចំនួន ២០លានរៀលបរិច្ចាគជូនមូលនិធិមន្ទីរពេទ្យគន្ធបុប្ផា តាមរយៈយុទ្ធនាការ «១ម៉ឺនរៀល ១ម៉ឺននាក់» កាលពីព្រឹកថ្ងៃទី៣ ខែមិថុនា ឆ្នាំ២០២៦ កន្លងមកថ្មីៗនេះ។ឧកញ៉ា គិត លីច័ន្ទផាន់ណា បានបញ្ជាក់ថា ទិសដៅរបស់សមាគមសិល្បករខ្មែរ គឺជាចលករមួយក្នុងការរួមចំណែកអភិរក្ស ថែរក្សា អភិវឌ្ឍ និងលើកកម្ពស់វិស័យសិល្បៈ វប្បធម៌កម្ពុជា ដែលសមាគមបាននិងកំពុងធ្វើយ៉ាងសកម្មទាំងនៅក្នុងប្រទេស និងក្រៅប្រទេស។ឧកញ៉ាអនុប្រធាន បានបន្ថែមថា ទន្ទឹមនឹងនោះ សមាគម និងសិល្បករសិល្បការិនីទាំងអស់ក៏មានស្មារតី និងបេះដូងរួមគ្នាមួយ គឺរួមចំណែកគ្រប់មធ្យោបាយក្នុងការជួយដល់កិច្ចការងារសង្គម។ជាក់ស្តែងការរួមចំណែកជួយដល់សុខមាលភាពកុមារនៅពេលនេះ ជាការគិតគូរប្រកបដោយចក្ខុវិស័យមួយសម្រាប់អនាគត។ កុមារគឺជាអ្នកស្នង អ្នកបន្តវេន និងទទួលខុសត្រូវលើអនាគតប្រទេសជាតិ។គួររំលឹកផងដែរថា កាលពីថ្ងៃទី១៥ សីហា ឆ្នាំ២០២៤ កន្លងមក លោកជំទាវអ្នកឧកញ៉ា ម៉ៅ ចំណាន គិត ម៉េង ប្រធានសមាគមសិល្បករខ្មែរ ក៏ធ្លាប់បានដឹកនាំក្រុមការងារ នាំយកថវិកាចំនួន២៥លានរៀល ឧបត្ថម្ភដល់មន្ទីរពេទ្យកុមារអង្គរ នៅខេត្តសៀមរាប ផងដែរ។ នៅក្នុងនោះ ថវិកាចំនួន៥លានរៀល ជាថវិការបស់សមាគមសិល្បករខ្មែរ។ រីឯថវិកាចំនួន២០លានរៀលទៀត ជាថវិការបស់លោកជំទាវអ្នកឧកញ៉ាផ្ទាល់ខ្លួន៕
ព័ត៌មានគួរចាប់អារម្មណ៍
គណៈរដ្ឋមន្ត្រីប្រជុំពិនិត្យរបាយការណ៍វឌ្ឍនភាពនៃការអនុវត្តវិធានការគន្លឹះក្នុងការពង្រឹងសមត្ថភាពរដ្ឋបាលសាធារណៈ ដើម្បីជំរុញនិងលើកកម្ពស់ការអនុវត្តការងារកែទម្រង់រដ្ឋបាលសាធារណៈ ឱ្យមានប្រសិទ្ធភាពខ្ពស់ ()
សម្ដេចតេជោ ហ៊ុន សែន ជំរុញឲ្យកម្ពុជា-វៀតណាម សហការគ្នាធានាសន្ដិសុខតាមព្រំដែន រួមគ្នាប្រយុទ្ធនឹងព័ត៌មានក្លែងក្លាយ ពិសេសចៀសវាងកុំឲ្យមានការប្រើប្រាស់កម្លាំងក្នុងប្រទេសណាមួយប្រឆាំងនឹងប្រទេសមួយទៀត រវាងកម្ពុជា-ឡាវ-វៀតណាម ()
សម្តេចតេជោ ហ៊ុន សែន សម្តែងការទទួលខុសត្រូវ និងសូមអភ័យទោសប្រជាពលរដ្ឋទូទាំងប្រទេស ដោយសារជឿទុកចិត្តប្រទេសថៃពេក និងមិនបានត្រៀមខ្លួនគ្រប់គ្រាន់ សម្រាប់ការប្រយុទ្ធ ()
សម្តេចធិបតី ហ៊ុន ម៉ាណែត អញ្ជើញបំពេញទស្សនកិច្ចផ្លូវការ នៅសាធារណរដ្ឋសង្គមនិយមវៀតណាម ()
អភិបាលខេត្តប៉ៃលិន អញ្ជើញបួងសួងសុំសេចក្តីសុខចម្រើនក្នុងឱកាសលើករូបសំណាកព្រះវិស្ណុធ្វើពីថ្មភ្នំដាក់លើរង្វង់មូលថ្មី ដើម្បីលើកកម្ពស់សោភណភាព និងសុវត្ថិភាព ក្នុងការធ្វើដំណើររបស់ប្រជាពលរដ្ឋ ()
វីដែអូ