ម៉ិកស៊ិកកូ៖ គ្រោះអគ្គិភ័យដ៏គួរឱ្យរន្ធត់មួយ បានកើតឡើងនៅក្នុងរដ្ឋ ពូអេប្លា (Puebla) ប្រទេសម៉ិកស៊ិកកូ កាលពីថ្ងៃព្រហស្បតិ៍ បន្ទាប់ពីមានករណីផ្ទុះដ៏ខ្លាំងក្លានៅឯទីតាំងឃ្លាំងស្តុកឧស្ម័នរាវមួយកន្លែង ដោយបានរាលដាលបង្កជាការផ្ទុះឆេះឡានដឹកឧស្ម័នធំៗចំនួន ៤ គ្រឿងភ្លាមៗ ដែលបង្កើតបានជាដុំភ្លើងដ៏ធំសម្បើម និងផ្សែងខ្មៅក្រាស់ឃ្មឹកគ្របដណ្តប់ពាសពេញផ្ទៃមេឃ ។ភ្លាមៗបន្ទាប់ពីកើតហេតុការណ៍ កងកម្លាំងពន្លត់អគ្គិភ័យ រួមជាមួយមន្ត្រីការពារស៊ីវិល និងក្រុមអ្នកសង្គ្រោះបន្ទាន់ជាច្រើននាក់ បានបើកប្រតិបត្តិការសង្គ្រោះ និងបាញ់ទឹកដើម្បីទប់ស្កាត់អណ្តាតភ្លើងដ៏សន្ធោសន្ធៅ កុំឱ្យរាលដាលកាន់តែខ្លាំង ដែលអាចបង្កហានិភ័យខ្ពស់ដល់អាយុជីវិតប្រជាពលរដ្ឋនៅក្នុងតំបន់ ។ជាវិធានការការពារសុវត្ថិភាពជាបន្ទាន់ និងទុកជាមុន អាជ្ញាធរមូលដ្ឋានបានសម្រេចចិត្តជម្លៀសមនុស្សម្នាប្រមាណ ២,០០០ នាក់ចេញពីទីតាំងគ្រោះថ្នាក់ រួមមានការជម្លៀសចេញពលរដ្ឋពីមន្ទីរពេទ្យ សាលារៀន និងផ្ទះសម្បែងដែលស្ថិតនៅក្នុងរង្វង់រងផលប៉ះពាល់ ។តាមការបញ្ជាក់ពីអភិបាលរដ្ឋ លោក អាឡេហាន់ដ្រូ អារមិនតា (Alejandro Armenta) ឱ្យដឹងថា របាយការណ៍បឋមបានបង្ហាញថា គ្រោះថ្នាក់នេះបានបណ្តាលឱ្យមនុស្សចំនួន ៣ នាក់រងរបួស ខណៈដែលកម្លាំងសមត្ថកិច្ច និងអ្នកពន្លត់អគ្គិភ័យ នៅតែបន្តតស៊ូយ៉ាងស្វិតស្វាញក្នុងការគ្រប់គ្រងអណ្តាតភ្លើង ៕
ព័ត៌មានគួរចាប់អារម្មណ៍
សម្ដេចតេជោ ហ៊ុន សែន ជំរុញឲ្យកម្ពុជា-វៀតណាម សហការគ្នាធានាសន្ដិសុខតាមព្រំដែន រួមគ្នាប្រយុទ្ធនឹងព័ត៌មានក្លែងក្លាយ ពិសេសចៀសវាងកុំឲ្យមានការប្រើប្រាស់កម្លាំងក្នុងប្រទេសណាមួយប្រឆាំងនឹងប្រទេសមួយទៀត រវាងកម្ពុជា-ឡាវ-វៀតណាម ()
សម្តេចតេជោ ហ៊ុន សែន សម្តែងការទទួលខុសត្រូវ និងសូមអភ័យទោសប្រជាពលរដ្ឋទូទាំងប្រទេស ដោយសារជឿទុកចិត្តប្រទេសថៃពេក និងមិនបានត្រៀមខ្លួនគ្រប់គ្រាន់ សម្រាប់ការប្រយុទ្ធ ()
សម្តេចធិបតី ហ៊ុន ម៉ាណែត អញ្ជើញបំពេញទស្សនកិច្ចផ្លូវការ នៅសាធារណរដ្ឋសង្គមនិយមវៀតណាម ()
អភិបាលខេត្តប៉ៃលិន អញ្ជើញបួងសួងសុំសេចក្តីសុខចម្រើនក្នុងឱកាសលើករូបសំណាកព្រះវិស្ណុធ្វើពីថ្មភ្នំដាក់លើរង្វង់មូលថ្មី ដើម្បីលើកកម្ពស់សោភណភាព និងសុវត្ថិភាព ក្នុងការធ្វើដំណើររបស់ប្រជាពលរដ្ឋ ()
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
វីដែអូ