ភ្នំពេញ៖ រាជរដ្ឋាភិបាល ដែលមានក្រសួងការងារ និងបណ្ដុះបណ្ដាលវិជ្ជាជីវៈជាសេនាធិការ នឹងធ្វើឱ្យកម្ពុជាមានភាពម្ចាស់ការលើការបណ្ដុះបណ្ដាល និងផ្គត់ផ្គង់កម្លាំងពលកម្មផ្នែកយានយន្តគ្រប់ប្រភេទទាំងស្រុងចាប់ពីចុងឆ្នាំ២០២៧នេះតទៅ ដើម្បីធ្វើយ៉ាងណា ធានាលើការផ្គត់ផ្គង់កម្លាំងពលកម្មឱ្យបានគ្រប់គ្រាន់ ស្របទៅតាមតម្រូវការជាក់ស្ដែង និងខ្សែសង្វាក់ផលិតកម្មក្នុងស្រុក។លោក ហេង សួរ រដ្ឋមន្រ្តីក្រសួងការងារ និងបណ្ដុះបណ្ដាលវិជ្ជាជីវៈ បានលើកឡើងក្នុងពិធីអបអរសាទរទិវាជាតិអប់រំបណ្ដុះបណ្ដាលបច្ចេកទេស និងវិជ្ជាជីវៈ លើកទី៩ ឆ្នាំ២០២៦ នាព្រឹកថ្ងៃទី១៥ ខែមិថុនានេះថា តាមរយៈការបង្កើតមជ្ឈមណ្ឌលឧត្តមភាពយានយន្តកម្ពុជា(ACE-C) ដោយបានសហការជាមួយវិទ្យាស្ថាន Bendigo Kangan Institute (BKI)នៃប្រទេសអូស្ត្រាលី និងក្រុមហ៊ុន RMA Cambodia បានបង្កើតមជ្ឈមណ្ឌលឧត្តមភាពយានយន្តកម្ពុជា ដើម្បីបណ្តុះបណ្តាលជំនាញដល់ប្រជាជនកម្ពុជាក្លាយជាអ្នកជំនាញផ្នែកយានយន្ត មេកានិច និងជួសជុលដែលមានសមត្ថភាពខ្ពស់។លោកបន្តថា “តាមរយៈការដាក់ឱ្យដំណើរការមញ្ឍមណ្ឌលយានយន្តទាំងនេះ នឹងធ្វើឱ្យកម្ពុជាមានភាពម្ចាស់ការលើការបណ្ដុះបណ្ដាល និងផ្គត់ផ្គង់កម្លាំងពលកម្មកម្ពុជា ផ្នែកយានយន្តគ្រប់ប្រភេទទាំងស្រុងចាប់ពីចុងឆ្នាំ២០២៧នេះតទៅ ដែលនេះ គឺជាមោទនាភាពមួយរបស់កម្ពុជារបស់យើង ហើយក្រសួង នឹងខិតខំសហការជាមួយដៃគូ ហើយនឹងក្រុមហ៊ុនឯកជនបន្ថែមទៀត ដើម្បីធ្វើយ៉ាងណា ធានាម្ចាស់ការ និងផ្គត់ផ្គង់កម្លាំងពលកម្ម ឱ្យស្របទៅតាមតម្រូវការជាក់ស្ដែង ខ្សែសង្វាក់ផលិតកម្មមួយ”។លើសពីនេះ ក្នុងឆ្នាំ២០២៧ខាងមុខនេះ ក្រសួងការងារ ក៏ទទួលបានការគាំទ្រពីធនាគាអភិវឌ្ឍអាស៊ី ក្នុងការបំពាក់ឧបករណ៍ សម្ភារៈសិក្សានៅវិទ្យាស្ថានបណ្ដុះបណ្ដាលបច្ចេកទេសខេត្តកំពង់ធំ ដើម្បីជំនាញមួយដែលពាក់ព័ន្ធផលិតកម្មផលិតផលស្វាយចន្ទី ដែលអាចបង្កើនតម្លៃបន្ថែមដល់ផលិតផលស្វាយចន្ទីនៅកម្ពុជា ដែលស្របទៅតាមការអភិវឌ្ឍ និងលើកកម្ពស់ផលិតកម្មស្វាយចន្ទីនៅកម្ពុជា៕
ព័ត៌មានគួរចាប់អារម្មណ៍
សម្ដេចតេជោ ហ៊ុន សែន ជំរុញឲ្យកម្ពុជា-វៀតណាម សហការគ្នាធានាសន្ដិសុខតាមព្រំដែន រួមគ្នាប្រយុទ្ធនឹងព័ត៌មានក្លែងក្លាយ ពិសេសចៀសវាងកុំឲ្យមានការប្រើប្រាស់កម្លាំងក្នុងប្រទេសណាមួយប្រឆាំងនឹងប្រទេសមួយទៀត រវាងកម្ពុជា-ឡាវ-វៀតណាម ()
សម្តេចតេជោ ហ៊ុន សែន សម្តែងការទទួលខុសត្រូវ និងសូមអភ័យទោសប្រជាពលរដ្ឋទូទាំងប្រទេស ដោយសារជឿទុកចិត្តប្រទេសថៃពេក និងមិនបានត្រៀមខ្លួនគ្រប់គ្រាន់ សម្រាប់ការប្រយុទ្ធ ()
សម្តេចធិបតី ហ៊ុន ម៉ាណែត អញ្ជើញបំពេញទស្សនកិច្ចផ្លូវការ នៅសាធារណរដ្ឋសង្គមនិយមវៀតណាម ()
អភិបាលខេត្តប៉ៃលិន អញ្ជើញបួងសួងសុំសេចក្តីសុខចម្រើនក្នុងឱកាសលើករូបសំណាកព្រះវិស្ណុធ្វើពីថ្មភ្នំដាក់លើរង្វង់មូលថ្មី ដើម្បីលើកកម្ពស់សោភណភាព និងសុវត្ថិភាព ក្នុងការធ្វើដំណើររបស់ប្រជាពលរដ្ឋ ()
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
វីដែអូ