ភ្នំពេញ៖ លោកស្រីកិត្តិបណ្ឌិត អុឹង កន្ថាផាវី រដ្ឋមន្ត្រីក្រសួងកិច្ចការនារី នៅព្រឹកថ្ងៃទី១០ ខែមិថុនា ឆ្នាំ២០២៦ បានអញ្ជើញជាអធិបតី បើកសិក្ខាសាលាតម្រង់ទិសសម្រាប់ការរៀបចំថវិកាឆ្នាំ២០២៧ របស់ក្រសួងកិច្ចការនារី ក្នុងគោលបំណងកំណត់នូវសូចនាករសមិទ្ធកម្មគន្លឹះ និងគោលដៅតាមឆ្នាំជាក់លាក់ នៅកម្រិតកម្មវិធីនីមួយៗ ក្នុងដំណើរការផ្លាស់ប្តូរឆ្ពោះទៅ «គណនេយ្យភាពសមិទ្ធកម្ម» ដែលជាមូលដ្ឋានសម្រាប់អង្គភាពថវិកា រៀបចំផែនការយុទ្ធសាស្ត្រថវិកា ឆ្នាំ២០២៧-២០២៩ គម្រោងថវិកាឆ្នាំ២០២៧ និងផែនការសមិទ្ធកម្មឆ្នាំ២០២៧ ដែលរៀបចំដោយក្រុមការងារថវិកា នៃក្រសួងកិច្ចការនារី សណ្ឋាគារកាំបូឌីយ៉ាណា រាជធានីភ្នំពេញ។ នាឱកាសនោះ លោកស្រីកិត្តិបណ្ឌិតរដ្ឋមន្រ្តី បានផ្តល់នូវអនុសាសន៍តម្រង់ទិស៥ចំណុច ជូនថ្នាក់ដឹកនាំ ក្រុមការងារបច្ចេកទេស និងមន្ទីរកិច្ចការនារី រាជធានី ខេត្ត៖ ទី១. កំណត់លើសកម្មភាពអាទិភាព ដោយផ្តោតលើការងារដែលមានលក្ខណៈជាប្រព័ន្ធនិងការពង្រឹងការផ្សារភ្ជាប់គ្នាទៅវិញមកទី២. ការរៀបចំ និងធ្វើឱ្យសម្រេច KPIs រួម ត្រូវពឹងផ្អែកលើសពីប្រភពថវិកាជាតិ ដោយភ្ជាប់ជាមួយប្រភពផ្សេងៗទៀត ទី៣. ការពង្រឹងការផ្សព្វផ្សាយនិងការបង្ហាញសមិទ្ធផលដល់សាធារណៈជន តាមរយៈបញ្ចូលរួមគ្នា នៅក្នុងកម្មវិធី ពុកម៉ែល្អ គ្រួសារល្អ កូនល្អ ដែលជាកម្មវិធីរួមរបស់ក្រសួង ទី៤. សូមថ្នាក់ដឹកនាំនិងក្រុមការងារទាំងអស់ បន្តយោគយល់ លើស្ថានភាពសេដ្ឋកិច្ចរបស់កម្ពុជា និងតម្រូវការអាទិភាពរបស់រដ្ឋ សម្រាប់កិច្ចការអាទិភាព ឆ្នាំ២០២៦ និងឆ្នាំ២០២៧ ទី ៥. ពង្រឹងប្រព័ន្ធគ្រប់គ្រងទិន្នន័យការងារផ្អែកលើសមិទ្ធកម្ម៕
ព័ត៌មានគួរចាប់អារម្មណ៍
សម្ដេចតេជោ ហ៊ុន សែន ជំរុញឲ្យកម្ពុជា-វៀតណាម សហការគ្នាធានាសន្ដិសុខតាមព្រំដែន រួមគ្នាប្រយុទ្ធនឹងព័ត៌មានក្លែងក្លាយ ពិសេសចៀសវាងកុំឲ្យមានការប្រើប្រាស់កម្លាំងក្នុងប្រទេសណាមួយប្រឆាំងនឹងប្រទេសមួយទៀត រវាងកម្ពុជា-ឡាវ-វៀតណាម ()
សម្តេចតេជោ ហ៊ុន សែន សម្តែងការទទួលខុសត្រូវ និងសូមអភ័យទោសប្រជាពលរដ្ឋទូទាំងប្រទេស ដោយសារជឿទុកចិត្តប្រទេសថៃពេក និងមិនបានត្រៀមខ្លួនគ្រប់គ្រាន់ សម្រាប់ការប្រយុទ្ធ ()
សម្តេចធិបតី ហ៊ុន ម៉ាណែត អញ្ជើញបំពេញទស្សនកិច្ចផ្លូវការ នៅសាធារណរដ្ឋសង្គមនិយមវៀតណាម ()
អភិបាលខេត្តប៉ៃលិន អញ្ជើញបួងសួងសុំសេចក្តីសុខចម្រើនក្នុងឱកាសលើករូបសំណាកព្រះវិស្ណុធ្វើពីថ្មភ្នំដាក់លើរង្វង់មូលថ្មី ដើម្បីលើកកម្ពស់សោភណភាព និងសុវត្ថិភាព ក្នុងការធ្វើដំណើររបស់ប្រជាពលរដ្ឋ ()
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
វីដែអូ