ភ្នំពេញ៖ ស្ថានទូតសហព័ន្ធរុស្សីប្រចាំនៅកម្ពុជា បានរៀបចំការដង្ហែក្បួនកងវរសេនាធំអមតៈអន្តរជាតិ ដែលបានប្រព្រឹត្តទៅនៅថ្ងៃទី៩ ខែឧសភា ឆ្នាំ២០២៦ នៅស្ថានទូត ស្ថិតក្នុងរាជធានីភ្នំពេញ មហាវិថីសម្តេចសុធារស ផ្លូវលេខ២១៣ ដើម្បីរួបរួមគ្នាប្រឆាំងនឹងហ្វាស៊ីសនិយម។លោក អាណាតូលី បូរ៉ូវីក (Anatoly Borovik) ឯកអគ្គរដ្ឋទូតសហព័ន្ធរុស្ស៊ីប្រចាំនៅកម្ពុជា មានប្រសាសន៍ថា ការដើរដង្ហែមានគោលបំណងបន្តចងចាំអំពីវីរភាពរបស់បុព្វបុរសរបស់យើង ដែលបានឈរការពារមាតុភូមិរបស់ពួកគេប្រឆាំងនឹងការឈ្លានពានរបស់អាល្លឺម៉ង់ណាស៊ី និងបានអំពាវនាវដល់ប្រទេសដែលមានអាវុធនុយក្លេអ៊ែរ ចូលរួមទប់ស្កាត់កុំឲ្យមានសង្គ្រាមលោកលើកទី៣។លោកឯកអគ្គរដ្ឋទូត បានសង្កត់ធ្ងន់ថា ឆ្នាំនេះគឺជាខួបលើកទី៨១ នៃការបញ្ចប់សង្គ្រាមលោកលើកទី២ ដែលជាជម្លោះបានឆក់យកជីវិតមនុស្សជាង ៧៥លាននាក់នៅទូទាំងពិភពលោក និងបានសម្លាប់ទាំងទាហាននិងពលរដ្ឋរុស្ស៊ីជិត ២៧លាននាក់ផងដែរ។ ឯកអគ្គរដ្ឋទូត បានរំឮកពីរបៀបដែលប្រជាជននៃប្រទេសជាច្រើន ធ្លាប់បានលះបង់នូវការយល់ច្រឡំផ្សេងៗ ដើម្បីរួបរួមគ្នាប្រឆាំងនឹងហ្វាស៊ីសនិយម សំដៅធានានូវអនាគតដ៏ល្អប្រសើរសម្រាប់មនុស្សជំនាន់ក្រោយ។លោកឯកអគ្គរដ្ឋទូត បានសម្តែងការព្រួយបារម្ភចំពោះកិច្ចខិតខំប្រឹងប្រែងក្នុងសម័យបច្ចុប្បន្ន ដើម្បីបកស្រាយប្រវត្តិសាស្ត្រនៃសង្គ្រាមឡើងវិញ និងកាត់បន្ថយតួនាទីរបស់សហភាពសូវៀត ក្នុងការយកឈ្នះលើរបបណាស៊ី។ ឯកអគ្គរដ្ឋទូត បានបន្តថា ជាការសោកស្តាយជាទីបំផុត មិនមែនគ្រប់គ្នាសុទ្ធតែបានរៀនសូត្រពីមេរៀនប្រវត្តិសាស្ត្រនោះទេ។ ការគំរាមកំហែងនៃការរស់ឡើងវិញនៃមនោគមវិជ្ជាស្អប់ខ្ពើម ដែលធ្លាប់បាននាំមកនូវទុក្ខវេទនា ដែលមិនអាចទ្រាំទ្របានដល់មនុស្សជាតិ គឺមានកម្រិតខ្ពស់ជាងពេលណាៗទាំងអស់៕
ព័ត៌មានគួរចាប់អារម្មណ៍
សម្ដេចតេជោ ហ៊ុន សែន ជំរុញឲ្យកម្ពុជា-វៀតណាម សហការគ្នាធានាសន្ដិសុខតាមព្រំដែន រួមគ្នាប្រយុទ្ធនឹងព័ត៌មានក្លែងក្លាយ ពិសេសចៀសវាងកុំឲ្យមានការប្រើប្រាស់កម្លាំងក្នុងប្រទេសណាមួយប្រឆាំងនឹងប្រទេសមួយទៀត រវាងកម្ពុជា-ឡាវ-វៀតណាម ()
សម្តេចតេជោ ហ៊ុន សែន សម្តែងការទទួលខុសត្រូវ និងសូមអភ័យទោសប្រជាពលរដ្ឋទូទាំងប្រទេស ដោយសារជឿទុកចិត្តប្រទេសថៃពេក និងមិនបានត្រៀមខ្លួនគ្រប់គ្រាន់ សម្រាប់ការប្រយុទ្ធ ()
សម្តេចធិបតី ហ៊ុន ម៉ាណែត អញ្ជើញបំពេញទស្សនកិច្ចផ្លូវការ នៅសាធារណរដ្ឋសង្គមនិយមវៀតណាម ()
អភិបាលខេត្តប៉ៃលិន អញ្ជើញបួងសួងសុំសេចក្តីសុខចម្រើនក្នុងឱកាសលើករូបសំណាកព្រះវិស្ណុធ្វើពីថ្មភ្នំដាក់លើរង្វង់មូលថ្មី ដើម្បីលើកកម្ពស់សោភណភាព និងសុវត្ថិភាព ក្នុងការធ្វើដំណើររបស់ប្រជាពលរដ្ឋ ()
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
វីដែអូ