អ៊ីរ៉ង់៖ នៅក្នុងកិច្ចសម្ភាសន៍មួយ កាលពីថ្ងៃអង្គារ សមាជិកសភាអ៊ីរ៉ង់ លោក ម៉ានូឆេ មុតតាក់គី (Manouchehr Mottaki) បានលើកឡើងយ៉ាងដាច់អហង្ការថា ច្រកសមុទ្រ ហ័រមូស (Hormuz) គឺជាដែនអធិបតេយ្យភាពដែលមិនអាចរំលោភបាន ឬជា «ខ្សែបន្ទាត់ក្រហម» របស់អ៊ីរ៉ង់ ។បន្ថែមពីនេះ លោកបានបញ្ជាក់ពីការបាញ់ព្រមានទៅលើនាវាចម្បាំងអាម៉េរិកនាពេលថ្មីៗនេះ ព្រមទាំងគំរាមថា បើកងទ័ពអាម៉េរិកនៅតែបន្តព្យាយាមឆ្លងកាត់ច្រកទឹកនេះដោយគ្មានការអនុញ្ញាត នោះអ៊ីរ៉ង់នឹងបើកការបាញ់ប្រហារចំគោលដៅដោយផ្ទាល់ ដែលអាចឈានទៅរកសង្រ្គាមទ្រង់ទ្រាយធំ ។ទោះបីជាមានការព្រមានផ្នែកយោធាយ៉ាងខ្លាំងក្លាក៏ដោយ ប៉ុន្តែភាគីអ៊ីរ៉ង់បានព្យាយាមបន្ធូរបន្ថយក្ដីបារម្ភលើផ្នែកសេដ្ឋកិច្ច ដោយអះអាងថាខ្លួនមិនមានបំណងរារាំងការដឹកជញ្ជូនប្រេងសកលនោះទេ។ លោក មុតតាក់គី (Mottaki) បានលើកឡើងថា អ៊ីរ៉ង់យល់ច្បាស់ពីសារៈសំខាន់នៃថាមពលសម្រាប់ទីផ្សារពិភពលោក ប៉ុន្តែការរក្សាការគ្រប់គ្រងលើច្រកសមុទ្រយុទ្ធសាស្ត្រនេះ គឺជារឿងដែលត្រូវធ្វើជាចាំបាច់ ទោះក្នុងតម្លៃណាក៏ដោយ ។ចំពោះដំណោះស្រាយវិបត្តិវិញ អ៊ីរ៉ង់បានជម្រុញឱ្យសហរដ្ឋអាម៉េរិកដកខ្លួនចេញពីជម្លោះនេះដោយស្ងប់ស្ងាត់ ដើម្បីបញ្ចៀសភាពអាម៉ាស់មុខជាសាធារណៈ។ លោកបានផ្តល់យោបល់ថា អាម៉េរិកមិនចាំបាច់ចេញមុខទទួលស្គាល់បរាជ័យជាផ្លូវការនោះទេ គ្រាន់តែបញ្ឈប់សកម្មភាពយោធាគឺគ្រប់គ្រាន់ហើយ ខណៈដែលពិភពលោកនឹងក្លាយជាអ្នកវិនិច្ឆ័យចំពោះលទ្ធផលនៃជម្លោះនេះដោយខ្លួនឯង ៕
ព័ត៌មានគួរចាប់អារម្មណ៍
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
ឯកឧត្តម សុខ លូ អញ្ជើញជាអធិបតីក្នុងកិច្ចប្រជុំស្ដីពីការពង្រឹងលើការសម្របសម្រួលព័ត៌មាន និងដោះស្រាយសាធារណមតិក្នុងបណ្ដាញសង្គមស្ថិតក្នុងដែនសមត្ថកិច្ចខេត្តបាត់ដំបង ()
អភិបាលរាជធានីភ្នំពេញ៖ គិតត្រឹមថ្ងៃទី១២ ខែឧសភា ឆ្នាំ២០២៦ គណបក្សប្រជាជនកម្ពុជារាជធានីភ្នំពេញ មានសមាជិកគណបក្សជាង៧៨ម៉ឺននាក់ ស្មើនឹងចំនួន ៧៨,៨១% នៃចំនួនប្រជាពលរដ្ឋ ក្នុងបញ្ជីបោះឆ្នោតសរុប ()
សម្តេចធិបតី ផ្ញើសារយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាត ពីព្រោះនេះគឺជាមុខមាត់របស់ប្រទេសជាតិ ()
សម្តេចធិបតី ណែនាំក្រសួងសុខាភិបាល ត្រូវបន្តខិតខំត្រៀមវិធានការបង្ការនិងទប់ស្កាត់នូវការផ្ទុះឡើងនៃជំងឺអេបូឡា និងវីរុសហាន់តា ()
វីដែអូ