បង់ក្លាដេស្ហ៖ ប្រទេសបង់ក្លាដេស្ហ កំពុងខិតខំប្រឹងប្រែងដោះស្រាយវិបត្តិអគ្គិសនីតាមរយៈគម្រោង ធីសា សូឡា លីមីតធីត (Teesta Solar Limited) ដែលជារោងចក្រថាមពលពន្លឺព្រះអាទិត្យធំជាងគេក្នុងប្រទេស។ គម្រោងនេះ ផលិតថាមពលបានប្រហែល ១,០០០ មេហ្គាវ៉ាត់ម៉ោងជារៀងរាល់ថ្ងៃ ដើម្បីជួយបំពេញចន្លោះប្រហោងនៃតម្រូវការប្រើប្រាស់ដែលកំពុងកើនឡើងខ្លាំង ។គោលដៅចម្បងនៃការពង្រីកថាមពលកកើតឡើងវិញនេះ គឺដើម្បីកាត់បន្ថយការពឹងផ្អែកលើការនាំចូលថាមពលពីបរទេស ដែលបច្ចុប្បន្នមានរហូតដល់ ៦៥%។ ការកាត់បន្ថយការប្រើប្រាស់សាំង និងម៉ាស៊ូត ត្រូវគេរំពឹងថា នឹងជួយឱ្យសេដ្ឋកិច្ចជាតិមានស្ថិរភាព និងភាពរឹងមាំជាងមុន ។ទោះបីជាមានសក្តានុពលខ្ពស់ ប៉ុន្តែបញ្ហាដីធ្លីនៅតែជាឧបសគ្គដ៏ធំបំផុតសម្រាប់បង់ក្លាដេស្ហក្នុងការអភិវឌ្ឍន៍វិស័យនេះ ខណៈការស្វែងរកដីទំនេរដ៏ធំធេងដែលមិនប៉ះពាល់ដល់ការដាំដុះ ដើម្បីដាក់ផ្ទាំងសូឡារាប់សែនផ្ទាំង គឺជាកិច្ចការដ៏លំបាកបំផុតក្នុងប្រទេសដែលមានដីកំណត់មួយនេះ ។វិបត្តិនៅមជ្ឈិមបូព៌ា ជាពិសេសជម្លោះរវាងអាម៉េរិក អ៊ីស្រាអ៊ែល និងអ៊ីរ៉ង់ រួមទាំងការបិទច្រកសមុទ្រ Hormuz បានជម្រុញឱ្យបង់ក្លាដែស្ហ ត្រូវតែពន្លឿនការផលិតថាមពលដោយខ្លួនឯង។ ការកើនឡើងនៃតម្លៃថាមពលអន្តរជាតិ បានធ្វើឱ្យសេដ្ឋកិច្ចបង់ក្លាដែស្ហរងសម្ពាធយ៉ាងខ្លាំង ដែលធ្វើឱ្យថាមពលពន្លឺព្រះអាទិត្យក្លាយជាជម្រើសយុទ្ធសាស្ត្រមិនអាចខ្វះបាន ។គម្រោង ធីសា សូឡា (Teesta Solar) ដែលមានតម្លៃប្រមាណជា ៣០០ លានដុល្លារនេះ មិនត្រឹមតែជាមោទនភាពជាតិប៉ុណ្ណោះទេ ប៉ុន្តែវាគឺជាសសរស្តម្ភថាមពលសម្រាប់តំបន់ រ៉ាំងព័រ (Rangpur) ដោយផ្គត់ផ្គង់ដល់ទៅ ២០% នៃតម្រូវការក្នុងតំបន់នោះ។ ការប្រើប្រាស់ផ្ទាំងសូឡាជាងកន្លះលានផ្ទាំងលើផ្ទៃដីជាង ២០០ ហិកតា សបញ្ជាក់ពីការប្តេជ្ញាចិត្តរបស់បង់ក្លាដែស្ហឆ្ពោះទៅរកថាមពលបៃតង ៕
ព័ត៌មានគួរចាប់អារម្មណ៍
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
ឯកឧត្តម សុខ លូ អញ្ជើញជាអធិបតីក្នុងកិច្ចប្រជុំស្ដីពីការពង្រឹងលើការសម្របសម្រួលព័ត៌មាន និងដោះស្រាយសាធារណមតិក្នុងបណ្ដាញសង្គមស្ថិតក្នុងដែនសមត្ថកិច្ចខេត្តបាត់ដំបង ()
អភិបាលរាជធានីភ្នំពេញ៖ គិតត្រឹមថ្ងៃទី១២ ខែឧសភា ឆ្នាំ២០២៦ គណបក្សប្រជាជនកម្ពុជារាជធានីភ្នំពេញ មានសមាជិកគណបក្សជាង៧៨ម៉ឺននាក់ ស្មើនឹងចំនួន ៧៨,៨១% នៃចំនួនប្រជាពលរដ្ឋ ក្នុងបញ្ជីបោះឆ្នោតសរុប ()
សម្តេចធិបតី ផ្ញើសារយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាត ពីព្រោះនេះគឺជាមុខមាត់របស់ប្រទេសជាតិ ()
សម្តេចធិបតី ណែនាំក្រសួងសុខាភិបាល ត្រូវបន្តខិតខំត្រៀមវិធានការបង្ការនិងទប់ស្កាត់នូវការផ្ទុះឡើងនៃជំងឺអេបូឡា និងវីរុសហាន់តា ()
វីដែអូ