កំពត៖ អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពត លោក តេង វ៉ាន់ធឿន បានឱ្យដឹងថា ពីមួយឆ្នាំទៅមួយឆ្នាំ ផ្ទៃដីដាំទុរេនក្នុងខេត្តកំពតមានការកើនឡើងជាលំដាប់ ដោយសារគុណភាពទុរេនកំពត មានរស់ជាតិឆ្ងាញ់ ទទួលបានការគាំទ្រ និងនិយមទទួលទានពីសំណាក់ប្រជាពលរដ្ឋ ភ្ញៀវទេសចរជាតិ និងអន្តរជាតិ។ ចំពោះផ្ទៃដីដាំទុរេនមានប្រមាណជិត ៣ពាន់ហិកតា ខណៈការប្រមូលផលគិតមកដល់ថ្ងៃនេះបានប្រមាណរង្វង់ ៣៥% ហើយតាមការប៉ាន់ស្មាន ទិន្នផលទុរេនកំពតឆ្នាំនេះអាចនឹងប្រមូលផលបានប្រមាណជាង ២ម៉ឺន ៤ពាន់តោន។ ក្រុមអាជីវករ និងជាម្ចាស់ចំការទុរេនក្នុងស្រុកទឹកឈូ បានបញ្ជាក់ថា ការប្រមូលផលទុរេនឆ្នាំនេះលឿនជាងឆ្នាំមុន ហើយពួកគាត់លក់តែទុរេនខ្លួនឯង និងទិញពីចម្ការអ្នកជិតខាង គឺមិនបានទិញទុរេនពីបណ្ដាខេត្តផ្សេង ឬពីប្រទេសជិតខាងយកមកលក់នោះទេ ព្រោះគុណភាព និងរសជាតិទុរេនខេត្តកំពត មានភាពខុសប្លែកពីទុរេនតាមបណ្ដាខេត្តផ្សេងៗ ពិសេសទុរេនពីក្រៅប្រទេស។ ក្រុមអាជីវករបានបន្តថា ប្រសិននាំយកទុរេនពីខេត្តផ្សេងៗមកលក់នៅកំពត វាអាចនឹងធ្វើឱ្យប៉ះពាល់ដល់កិត្តិយសទុរេនកំពត។ ពួកគាត់ក៏បានបង្ហាញពីលក្ខណៈសម្គាល់របស់ទុរេនកំពតនូវចំណុចពិសេសមួយចំនួន ដូចជា ទុរេន “ម៉ាន់ថង” ផ្លែស្អាត មានគូថរាងស្រួច សណ្តង់វែង, ទុរេន “ឪខាក់” មានផ្លែស្អាត តែគូថមិនស្រួចនោះទេ សណ្តង់វែង, ទុរេន “ម៉ូសាំងឃីន” ផ្លែមានលក្ខណៈតូចៗ ហើយបើធំបំផុតអាចមានទម្ងន់ ៣គីឡូ ហើយមានសណ្តង់វែង, ទុរេន “សណ្តង់កិត” ផ្លែធំ ហើយសណ្តង់របស់វាខ្លីជិតគល់, ការបង្ហាញនេះគឺជាសំណេះដឹង និងធ្វើឱ្យអ្នកទិញអាចសម្គាល់ច្បាស់ថាតើទុរេនណាជារបស់ខេត្តកំពតពិតប្រាកដ ដើម្បីកុំឱ្យមានការភាន់ច្រឡំ។ បើតាមការបញ្ជាក់ពីមន្ត្រីជំនាញ និងក្រុមអាជីវករម្ចាស់ចម្ការថា រដូវប្រមូលផលទុរេនអាចអូសបន្លាយដល់ខែសីហា ខណៈដែលចម្ការមួយចំនួនទៀតក៏មានទុរេនផ្លែខុសរដូវផងដែរ។ តែទោះចាយ៉ាងណាក៏ដោយ ពួកគាត់បានស្នើសុំឱ្យអ្នកលក់ទុរេនទាំងអស់ក្នុងខេត្ត បង្ហាញពីភាពស្មោះត្រង់ និងសេចក្តីថ្លៃថ្នូរ ហើយកុំភូតកុហក់ដល់អ្នកទិញទុរេន ដែលធ្វើឱ្យប៉ះពាល់ដល់កិត្តិស័ព្ទរបស់ទុរេនកំពត៕
ព័ត៌មានគួរចាប់អារម្មណ៍
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
ឯកឧត្តម សុខ លូ អញ្ជើញជាអធិបតីក្នុងកិច្ចប្រជុំស្ដីពីការពង្រឹងលើការសម្របសម្រួលព័ត៌មាន និងដោះស្រាយសាធារណមតិក្នុងបណ្ដាញសង្គមស្ថិតក្នុងដែនសមត្ថកិច្ចខេត្តបាត់ដំបង ()
អភិបាលរាជធានីភ្នំពេញ៖ គិតត្រឹមថ្ងៃទី១២ ខែឧសភា ឆ្នាំ២០២៦ គណបក្សប្រជាជនកម្ពុជារាជធានីភ្នំពេញ មានសមាជិកគណបក្សជាង៧៨ម៉ឺននាក់ ស្មើនឹងចំនួន ៧៨,៨១% នៃចំនួនប្រជាពលរដ្ឋ ក្នុងបញ្ជីបោះឆ្នោតសរុប ()
សម្តេចធិបតី ផ្ញើសារយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាត ពីព្រោះនេះគឺជាមុខមាត់របស់ប្រទេសជាតិ ()
សម្តេចធិបតី ណែនាំក្រសួងសុខាភិបាល ត្រូវបន្តខិតខំត្រៀមវិធានការបង្ការនិងទប់ស្កាត់នូវការផ្ទុះឡើងនៃជំងឺអេបូឡា និងវីរុសហាន់តា ()
វីដែអូ