សៀមរាប៖ ក្នុងបេសកកម្មពង្រឹងការទូតសភា និងកិត្យានុភាពជាតិ ថ្មីៗនេះ សភាកម្ពុជា តាមរយៈ ឯកឧត្តម អ៊ុច បូររិទ្ធ ប្រធានស្តីទីព្រឹទ្ធសភា និងជាប្រធានក្រុមសភាជាតិកម្ពុជានៃ APF, ឯកឧត្តម ឈាង វុន ប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម នៃរដ្ឋសភា និងជាអនុប្រធានក្រុមសភាជាតិកម្ពុជានៃសភាប្រើភាសាបារាំង, ឯកឧត្តម ខៀវ កាញារីទ្ធ អនុប្រធានគណៈកម្មការនយោបាយនៃក្រុមសភាជាតិកម្ពុជានៃសភាប្រើភាសាបារាំង និង ឯកឧត្តមបណ្ឌិត ម៉ុក ម៉ារ៉េត សមាជិកគណៈកម្មការក្រុមសភាជាតិកម្ពុជានៃសភាប្រើភាសាបារាំង បានដើរតួនាទីយ៉ាងសំខាន់ក្នុងការជំរុញឱ្យបណ្តាប្រទេសប្រើភាសាបារាំង គាំទ្រជាឯកច្ឆន្ទលើសេចក្តីព្រាងសេចក្តីសម្រេចចិត្តរបស់កម្ពុជា ក្នុងកិច្ចប្រជុំគណៈកម្មការនយោបាយនៃសភាប្រើភាសាបារាំង (APF)។នៅក្នុងវេទិកាអន្តរជាតិដែលមានសមាសភាពចូលរួមពីក្រុមសភាជាតិចំនួន ១៦ មកពីទ្វីបទាំងបួនជុំវិញពិភពលោកនេះ ឥស្សរជនសភាកម្ពុជាបានបង្ហាញនូវវត្តមានយ៉ាងសកម្មក្នុងការពិភាក្សាលើរបៀបវារៈនយោបាយសកលសំខាន់ៗជាច្រើន។តាមរយៈការសម្របសម្រួល និងការបង្ហាញទឡ្ហីករណ៍ច្បាស់លាស់ ឥស្សរជនសភាកម្ពុជាទាំងអស់ បានធ្វើឱ្យបណ្តាប្រទេសដែលមានឥទ្ធិពលក្នុងគ្រួសារហ្វ្រង់កូហ្វូនី រួមមាន បារាំង ស្វីស បែលហ្ស៊ិក និងបណ្តាប្រទេសអាហ្វ្រិក សម្រេចផ្តល់ការគាំទ្រពេញទំហឹងដល់សេចក្តីព្រាងសេចក្តីសម្រេចចិត្តដែលស្នើឡើងដោយកម្ពុជា។ នេះគឺជាជោគជ័យដ៏ធំធេងក្នុងការបញ្ជាក់ថា សំឡេងរបស់កម្ពុជាត្រូវបានគេវាយតម្លៃខ្ពស់ និងមានទម្ងន់លើឆាកអន្តរជាតិ។ឥស្សរជនសភាកម្ពុជា ក៏បានឆ្លៀតឱកាសនេះបង្ហាញដល់ប្រតិភូអន្តរជាតិអំពី «ភាពត្រឹមត្រូវ» របស់កម្ពុជាក្នុងការដោះស្រាយជម្លោះតាមផ្លូវសន្តិវិធី និងការទូត។ បន្ថែមលើនេះ ឯកឧត្តម ក៏បានជំរុញការយល់ដឹងអំពីសន្តិភាពតាមរយៈភស្តុតាងប្រវត្តិសាស្ត្រនៃកាកសំណល់យុទ្ធភណ្ឌមិនទាន់ផ្ទុះ ដើម្បីផ្ញើសារទៅកាន់ពិភពលោកអំពីតម្លៃនៃសន្តិភាពដែលកម្ពុជាកំពុងមានផងដែរ។ក្នុងកិច្ចពិភាក្សាដែលដឹកនាំដោយប្រធានគណៈកម្មការនយោបាយមកពីព្រឹទ្ធសភាបារាំង ឥស្សរជនកម្ពុជាបានចូលរួមផ្តល់មតិយោបល់លើប្រធានបទរសើបៗ ដូចជា យុត្តិធម៌អន្តរកាល ការលុបបំបាត់ទោសប្រហារជីវិត និងតួនាទីរបស់សមាជិកសភាក្នុងការធ្វើឱ្យសន្តិភាពក្លាយជាកម្លាំងចលករនៃការអភិវឌ្ឍប្រកបដោយចីរភាព៕
ព័ត៌មានគួរចាប់អារម្មណ៍
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
ឯកឧត្តម សុខ លូ អញ្ជើញជាអធិបតីក្នុងកិច្ចប្រជុំស្ដីពីការពង្រឹងលើការសម្របសម្រួលព័ត៌មាន និងដោះស្រាយសាធារណមតិក្នុងបណ្ដាញសង្គមស្ថិតក្នុងដែនសមត្ថកិច្ចខេត្តបាត់ដំបង ()
អភិបាលរាជធានីភ្នំពេញ៖ គិតត្រឹមថ្ងៃទី១២ ខែឧសភា ឆ្នាំ២០២៦ គណបក្សប្រជាជនកម្ពុជារាជធានីភ្នំពេញ មានសមាជិកគណបក្សជាង៧៨ម៉ឺននាក់ ស្មើនឹងចំនួន ៧៨,៨១% នៃចំនួនប្រជាពលរដ្ឋ ក្នុងបញ្ជីបោះឆ្នោតសរុប ()
សម្តេចធិបតី ផ្ញើសារយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាត ពីព្រោះនេះគឺជាមុខមាត់របស់ប្រទេសជាតិ ()
សម្តេចធិបតី ណែនាំក្រសួងសុខាភិបាល ត្រូវបន្តខិតខំត្រៀមវិធានការបង្ការនិងទប់ស្កាត់នូវការផ្ទុះឡើងនៃជំងឺអេបូឡា និងវីរុសហាន់តា ()
វីដែអូ