ត្បូងឃ្មុំ៖ ដោយអនុវត្តតាមបទបញ្ជាដ៏ម៉ឺងម៉ាត់របស់ លោក ប៉ែន កុសល្យ អភិបាលនៃគណៈអភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តត្បូងឃ្មុំ និងមានការសម្របសម្រួលនីតិវិធីពីតំណាងអយ្យការអមសាលាដំបូងខេត្ត នៅថ្ងៃទី ២៩ ខែឧសភា ឆ្នាំ ២០២៦ កម្លាំងគណៈបញ្ជាការឯកភាពរដ្ឋបាលខេត្ត សហការជាមួយកម្លាំងនាយកដ្ឋាននគរបាលព្រហ្មទណ្ឌ បានបន្តចុះធ្វើរដ្ឋបាលចំហរយ៉ាងសកម្មដូចភ្លៀងរលឹម។ប្រតិបត្តិការនេះធ្វើឡើងក្នុងគោលបំណងត្រួតពិនិត្យតាមផ្ទះវីឡា ផ្ទះសំណាក់ និងបន្ទប់ជួល ដើម្បីស្វែងរកជនបរទេសស្នាក់នៅខុសច្បាប់ ដែលអាចលួចលាក់ប្រព្រឹត្តបទល្មើសបច្ចេកវិទ្យា (Online Scams) បទល្មើសគ្រឿងញៀន និងសកម្មភាពក្មេងទំនើង ក្នុងភូមិសាស្ត្រខេត្ត។កម្លាំងសមត្ថកិច្ច បានធ្វើការត្រួតពិនិត្យផ្ទះសំណាក់ចំនួន ២ ទីតាំង (ស្មើនឹង ១០៨បន្ទប់) ដោយរកឃើញមានជនជាតិបរទេសស្នាក់នៅសរុប ២០នាក់ (ស្រី ២នាក់) ដែលមានលិខិតឆ្លងដែនត្រឹមត្រូវ ក្នុងនោះរួមមាន ជនជាតិចិន ចំនួន ១៧នាក់ (ប្រុស) ជនជាតិវៀតណាម ចំនួន ២នាក់ (ស្រី ១នាក់) និងជនជាតិរុស្ស៊ី ១នាក់ (ស្រី)។ជាវិធានការចំពោះមុខ កម្លាំងសមត្ថកិច្ចបានធ្វើការអប់រំណែនាំ និងធ្វើកិច្ចសន្យាជាមួយម្ចាស់ទីតាំងទាំង ២ ព្រមទាំងជនបរទេសទាំង ២០ នាក់ ឱ្យអនុវត្តស្របតាមអនុក្រឹត្យលេខ ៣ របស់រាជរដ្ឋាភិបាល និងច្បាប់ស្តីពីការប្រឆាំងការឆបោកតាមប្រព័ន្ធបច្ចេកវិទ្យា។គណៈបញ្ជាការឯកភាពរដ្ឋបាលខេត្ត នឹងបន្តចាត់វិធានការស្រាវជ្រាវ ត្រួតពិនិត្យ និងស្វែងរកទីតាំងសង្ស័យផ្សេងៗ ដែលមានការលួចលាក់ប្រព្រឹត្តបទល្មើស និងការរស់នៅប្រមូលផ្តុំខុសច្បាប់ ឱ្យបានទូទាំង ៧ ក្រុង/ស្រុក នៃខេត្តត្បូងឃ្មុំ ព្រមទាំងបន្តផ្សព្វផ្សាយអនុក្រឹត្យលេខ ០៣ របស់រាជរដ្ឋាភិបាល ឱ្យបានទូលំទូលាយបន្ថែមទៀត ដើម្បីធានាសន្តិសុខ និងសណ្តាប់ធ្នាប់សង្គមជូនប្រជាពលរដ្ឋ៕
ព័ត៌មានគួរចាប់អារម្មណ៍
សម្ដេចតេជោ ហ៊ុន សែន ជំរុញឲ្យកម្ពុជា-វៀតណាម សហការគ្នាធានាសន្ដិសុខតាមព្រំដែន រួមគ្នាប្រយុទ្ធនឹងព័ត៌មានក្លែងក្លាយ ពិសេសចៀសវាងកុំឲ្យមានការប្រើប្រាស់កម្លាំងក្នុងប្រទេសណាមួយប្រឆាំងនឹងប្រទេសមួយទៀត រវាងកម្ពុជា-ឡាវ-វៀតណាម ()
សម្តេចតេជោ ហ៊ុន សែន សម្តែងការទទួលខុសត្រូវ និងសូមអភ័យទោសប្រជាពលរដ្ឋទូទាំងប្រទេស ដោយសារជឿទុកចិត្តប្រទេសថៃពេក និងមិនបានត្រៀមខ្លួនគ្រប់គ្រាន់ សម្រាប់ការប្រយុទ្ធ ()
សម្តេចធិបតី ហ៊ុន ម៉ាណែត អញ្ជើញបំពេញទស្សនកិច្ចផ្លូវការ នៅសាធារណរដ្ឋសង្គមនិយមវៀតណាម ()
អភិបាលខេត្តប៉ៃលិន អញ្ជើញបួងសួងសុំសេចក្តីសុខចម្រើនក្នុងឱកាសលើករូបសំណាកព្រះវិស្ណុធ្វើពីថ្មភ្នំដាក់លើរង្វង់មូលថ្មី ដើម្បីលើកកម្ពស់សោភណភាព និងសុវត្ថិភាព ក្នុងការធ្វើដំណើររបស់ប្រជាពលរដ្ឋ ()
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
វីដែអូ