ភ្នំពេញ៖ លោកឧបនាយករដ្ឋមន្ត្រី ហ៊ុន ម៉ានី ប្រធានសហភាពសហព័ន្ធយុវជនកម្ពុជា (ស.ស.យ.ក) នឹងដឹនាំយុទ្ធនាការ «ដាស់ស្មារតីជាតិ» នៅល្ងាចថ្ងៃទី២៨ ខែឧសភា នៅពហុកីឡដ្ឋានជាតិអូឡាំពិក។យុទ្ធនាការ «ដាស់ស្មារតីជាតិ» គឺជាយុទ្ធនាការថ្នាក់ជាតិមួយដែលត្រូវបានរៀប ចំឡើងក្នុងគោលបំណងចងក្រង និងផ្សព្វផ្សាយជាសាធារណៈ ដើម្បីឱ្យយុវជនជំនាន់ក្រោយបានយល់ដឹងជ្រាលជ្រៅ និងចងចាំទុកជាប្រវត្តិសាស្ត្រ នូវបទពិសោធ និងព្រឹត្តិការណ៍ពិតដែលជាមេរៀនដ៏ជូរចត់ដែលប្រទេសកម្ពុជា បានឆ្លងកាត់ក្នុងឆ្នាំ២០២៥។ព្រឹត្តិការណ៍នេះក៏បានក្លាយជាចំណុចចាប់ផ្តើមសំខាន់មួយ ក្នុងការបំផុសនិងដាស់ស្មារតីស្នេហាជាតិពីសំណាក់ប្រជាពលរដ្ឋគ្រប់រូប ដោយរួមចំណែកក្នុងការប្រមូលផ្ដុំស្មារតីសាមគ្គីភាពឱ្យក្លាយជាកម្លាំងចលករផ្លូវចិត្ត និងជាការដាស់តឿន ដើម្បីពង្រឹងភាពធន់របស់ជាតិ។កម្មវិធី «ដាស់ស្មារតីជាតិ» នេះ មានគោលបំណងដើម្បីជំរុញការចងចាំ ផ្សារភ្ជាប់ជាមួយការឈឺចាប់ ប្រែក្លាយជាកម្លាំងជំរុញទឹកចិត្តរបស់ប្រជាជន ដើម្បីពង្រឹងសមត្ថភាព របស់ខ្លួន និងសម្រាប់អភិវឌ្ឍន៍ប្រទេសជាតិឱ្យកាន់តែរឹងមាំ។បញ្ចៀសការបញ្ឆេះគំនុំ ការសងសឹក ទស្សនៈជ្រុលនិយម ចង្អៀតចង្អល់ ដោយមិនបំភ្លេចការឈឺចាប់ដែលបានកើតឡើង។បង្ហាញឱ្យឃើញថា ទៅស្ថិតនៅក្នុងកាលៈទេសៈណាក៏ដោយកម្ពុជានៅតែតស៊ូជម្នះ នូវបញ្ហាជាមួយស្មារតីរួបរួម ជាមួយគ្នាក្នុងគ្រាលំបាក ដែលមិនអាចបំបែកបំបាក់បាន។ បង្កើតជាវេទិកា ជំរុញជាចលនា ផ្សារ ភ្ជាប់ជាមួយដៃគូរ ឱ្យមានភាពជាម្ចាស់ ការក្នុងការផ្សព្វផ្សាយ និងជំរុញសកម្មភាពបន្ត។ពង្រឹងស្មារតី និងត្រៀមខ្លួនឱ្យបានរួចរាល់ក្នុងការប្រឈមរាល់ការគំរាមកំហែង ហានិភ័យ ដែលអាចនឹងកើតមានឡើងនាថ្ងៃអនាគត។នៅក្នុងកម្មវិធីនេះ នឹងមានដាក់តាំងបង្ហាញផ្ទាំងគំនូរដែលលាតត្រដាងនូវការពិតដែលកម្ពុជាបានឆ្លងកាត់ក្នុងឆ្នាំ២០២៥ (Truth Park) និងទីតាំងគោរពវិញ្ញាណក្ខន្ធដល់កងកម្លាំងដែលបានពលី ការតាំងបង្ហាញពីសំណល់សង្គ្រាមដូចជា ឯកសណ្ឋានរបស់កង កម្លាំងដែលបានពលី, ទង់ជាតិកម្ពុជាដែលត្រូវបានកម្ទេចដោយយោធាថៃ, បំណែកផ្ទះប្រជាពលរដ្ឋដែលបានបែកបាក់ និងខូចខាតដោយសារសង្គ្រាម។ អនុញ្ញាតឱ្យអ្នកចូលរួមបានបង្ហាញនូវការប្ដេជ្ញាចិត្តក្នុងការឆ្ពោះទៅមុខជាប្រជាជាតិតែមួយ ការដង្ហែទង់ជាតិនៃព្រះរាជាណាចក្រកម្ពុជា ការចាក់វីដេអូនានា រួមទាំងការសម្ដែងទស្សនីយភាពដែលរំលេចពីអត្តសញ្ញាណ និងមោទនភាពជាតិផងដែរ។សូមបញ្ជាក់ថា លោក សុខ សប្បាយណា តំណាងលោកឧបនាយករដ្ឋមន្ត្រី ហ៊ុន ម៉ានី ប្រធានសហភាពសហព័ន្ធយុវជនកម្ពុជា ស.ស.យ.ក កាលពីថ្ងៃទី២២ ខែឧសភា បានដឹកនាំសមាជិក សមាជិកា ស.ស.យ.ក ធ្វើពិធីសាសនាសែនក្រុងពិលី ដើម្បីរៀបចំ យុទ្ធនាការ «ដាស់ ស្មារតីជាតិ» នៅពហុកីឡដ្ឋានជាតិអូឡាំពិក៕
ព័ត៌មានគួរចាប់អារម្មណ៍
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
ឯកឧត្តម សុខ លូ អញ្ជើញជាអធិបតីក្នុងកិច្ចប្រជុំស្ដីពីការពង្រឹងលើការសម្របសម្រួលព័ត៌មាន និងដោះស្រាយសាធារណមតិក្នុងបណ្ដាញសង្គមស្ថិតក្នុងដែនសមត្ថកិច្ចខេត្តបាត់ដំបង ()
អភិបាលរាជធានីភ្នំពេញ៖ គិតត្រឹមថ្ងៃទី១២ ខែឧសភា ឆ្នាំ២០២៦ គណបក្សប្រជាជនកម្ពុជារាជធានីភ្នំពេញ មានសមាជិកគណបក្សជាង៧៨ម៉ឺននាក់ ស្មើនឹងចំនួន ៧៨,៨១% នៃចំនួនប្រជាពលរដ្ឋ ក្នុងបញ្ជីបោះឆ្នោតសរុប ()
សម្តេចធិបតី ផ្ញើសារយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាត ពីព្រោះនេះគឺជាមុខមាត់របស់ប្រទេសជាតិ ()
សម្តេចធិបតី ណែនាំក្រសួងសុខាភិបាល ត្រូវបន្តខិតខំត្រៀមវិធានការបង្ការនិងទប់ស្កាត់នូវការផ្ទុះឡើងនៃជំងឺអេបូឡា និងវីរុសហាន់តា ()
វីដែអូ