ខេត្តតាកែវ ៖ ព្រឹកថ្ងៃទី១៨ ខែឧសភា ឆ្នាំ២០២៦ លោកវរសេនីយ៍ឯក ឈួន សុវណ្ណនរា នាយប៉ុស្ដិ៍នគរបាលច្រកទ្វារព្រំដែនអន្តរជាតិភ្នំដិន បានបើកកិច្ចប្រជុំបូកសរុបលទ្ធផលការងារប្រចាំសប្ដាហ៍ និងដាក់ចេញទិសដៅអនុវត្តការងារបន្ត ដោយមានការចូលរួមពីលោកនាយរងប៉ុស្ដិ៍ នាយ-នាយរងផ្នែក និងមន្ត្រីទាំងអស់ក្នុងអង្គភាព។ក្នុងកិច្ចប្រជុំនោះ លោកវរសេនីយ៍ឯក ឈួន សុវណ្ណនរា បានធ្វើការផ្សព្វផ្សាយដល់កងកម្លាំងអំពីប្រកាសលេខ ៨៧៣ ប្រ.ក ស្តីពីបទវិន័យនគរបាលជាតិកម្ពុជា របស់ក្រសួងមហាផ្ទៃ ព្រមទាំងណែនាំឱ្យមន្ត្រីទាំងអស់គោរព និងអនុវត្តបទបញ្ជាផ្ទៃក្នុងរបស់អង្គភាពឱ្យបានម៉ឺងម៉ាត់។ជាមួយគ្នានេះ លោកនាយប៉ុស្ដិ៍ក៏បានណែនាំឱ្យមន្ត្រីជំនាញពង្រឹងការត្រួតពិនិត្យ និងស្កេនលិខិតឆ្លងដែនឱ្យបានត្រឹមត្រូវ មុននឹងប្រថាប់ត្រាជូនភ្ញៀវជាតិ និងអន្តរជាតិ ដើម្បីធានាសុវត្ថិភាព និងប្រសិទ្ធភាពក្នុងការគ្រប់គ្រងច្រកព្រំដែន។ក្រៅពីនេះ កម្លាំងប្រចាំការត្រូវបន្តល្បាត និងត្រួតពិនិត្យតាមគោលដៅ ដោយពង្រឹងការត្រួតពិនិត្យមធ្យោបាយដឹកជញ្ជូនឆ្លងកាត់ព្រំដែន និងអនុវត្តវេនប្រចាំការឱ្យបានម៉ឺងម៉ាត់ ២៤ម៉ោងលើ២៤ម៉ោង។លោកនាយប៉ុស្ដិ៍ក៏បានជំរុញឱ្យមានការពង្រឹងលើការគ្រប់គ្រងបញ្ជីវត្តមានទាំងនៅអង្គភាព និងតាមគោលដៅនានា ឱ្យមានភាពច្បាស់លាស់ និងត្រឹមត្រូវ។ ទន្ទឹមនឹងនោះ កងកម្លាំងទាំងអស់ត្រូវរក្សាសាមគ្គីភាពផ្ទៃក្នុង មានស្មារតីទទួលខុសត្រូវខ្ពស់ និងអនុវត្តតួនាទីភារកិច្ចរៀងៗខ្លួនឱ្យបានល្អតាមការបែងចែករបស់ថ្នាក់ដឹកនាំ។ក្នុងឱកាសនោះផងដែរ លោកវរសេនីយ៍ឯក ឈួន សុវណ្ណនរា បានក្រើនរំលឹកដល់មន្ត្រីទាំងអស់ ត្រូវជៀសឱ្យឆ្ងាយពីការប្រើប្រាស់ និងការជួញដូរគ្រឿងញៀន ដើម្បីរក្សាកិត្តិយស និងតម្លៃជាកងកម្លាំងអនុវត្តច្បាប់៕
ព័ត៌មានគួរចាប់អារម្មណ៍
សម្ដេចតេជោ ហ៊ុន សែន ជំរុញឲ្យកម្ពុជា-វៀតណាម សហការគ្នាធានាសន្ដិសុខតាមព្រំដែន រួមគ្នាប្រយុទ្ធនឹងព័ត៌មានក្លែងក្លាយ ពិសេសចៀសវាងកុំឲ្យមានការប្រើប្រាស់កម្លាំងក្នុងប្រទេសណាមួយប្រឆាំងនឹងប្រទេសមួយទៀត រវាងកម្ពុជា-ឡាវ-វៀតណាម ()
សម្តេចតេជោ ហ៊ុន សែន សម្តែងការទទួលខុសត្រូវ និងសូមអភ័យទោសប្រជាពលរដ្ឋទូទាំងប្រទេស ដោយសារជឿទុកចិត្តប្រទេសថៃពេក និងមិនបានត្រៀមខ្លួនគ្រប់គ្រាន់ សម្រាប់ការប្រយុទ្ធ ()
សម្តេចធិបតី ហ៊ុន ម៉ាណែត អញ្ជើញបំពេញទស្សនកិច្ចផ្លូវការ នៅសាធារណរដ្ឋសង្គមនិយមវៀតណាម ()
អភិបាលខេត្តប៉ៃលិន អញ្ជើញបួងសួងសុំសេចក្តីសុខចម្រើនក្នុងឱកាសលើករូបសំណាកព្រះវិស្ណុធ្វើពីថ្មភ្នំដាក់លើរង្វង់មូលថ្មី ដើម្បីលើកកម្ពស់សោភណភាព និងសុវត្ថិភាព ក្នុងការធ្វើដំណើររបស់ប្រជាពលរដ្ឋ ()
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
វីដែអូ