(ខេត្តបាត់ដំបង)៖ នាព្រឹកថ្ងៃសៅរ៍ ១៥រោច ខែពិសាខ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៦ ខែឧសភា ឆ្នាំ២០២៦ ឯកឧត្តមសន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃនិងជាប្រធានក្រុមការងាររាជរដ្ឋាភិបាលចុះជួយមូលដ្ឋានស្រុកបាណន់ខេត្តបាត់ដំបងបានអញ្ជើញចូលរួមជាគណៈអធិបតីក្នុងពិធីសំណេះសំណាលជាមួយអតីតពលករត្រឡប់មកពីប្រទេសថៃចំនួន៤១៣នាក់ នៅស្រុកបាណន់ខេត្តបាត់ដំបង ដើម្បីផ្សព្វផ្សាយ និងចុះឈ្មោះចូលរៀនកម្មវិធីបណ្តុះបណ្តាលជំនាញបច្ចេកទេស និងវិជ្ជាជីវៈសម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យ និងកម្មវិធីបណ្តុះបណ្តាលជំនាញវិជ្ជាជីវៈដល់អតីតពលករត្រឡប់មកពីប្រទេសថៃ សិក្សារយៈពេល១សប្តាហ៍ ១ខែ និងកម្មវិធីបណ្តុះបណ្តាលជំនាញបច្ចេកទេស និងវិជ្ជាជីវៈសិក្សារយៈពេល៤ខែ នៅវិទ្យាស្ថានពហុបច្ចេកទេសភូមិភាគតេជោសែនបាត់ដំបង។ក្នុងឱកាសនោះ ឯកឧត្តមសន្តិបណ្ឌិត សុខ ផល បានជំរុញណែនាំដល់អតីតពលករឱ្យចុះឈ្មោះចូលរៀនជំនាញបច្ចេកទេស និងវិជ្ជាជីវៈដើម្បីមានជំនាញមួយច្បាស់លាស់ប្រចាំជីវិត ស្វែងរកឱកាសការងារក្នុងស្រុក ឬបង្កើតមុខរបរដោយខ្លួនឯង ព្រមទាំងបង្កើនការដាំដុះ និងចិញ្ចឹមសត្វដើម្បីលើកកម្ពស់ជីវភាពរស់នៅប្រចាំថ្ងៃ។កម្មវិធីនេះមានការអញ្ជើញចូលរួមពីគណៈប្រតិភូអម លោកអភិបាល អភិបាលរងនៃគណៈអភិបាលស្រុកបាណន់ គណៈគ្រប់គ្រង មន្រ្តីរាជការវិទ្យាស្ថានពហុបច្ចេកទេសភូមិភាគតេជោសែនបាត់ដំបង ក្រុម១៨ប្រចាំវិទ្យាស្ថាន និងកងកម្លាំងគ្រប់លំដាប់ថ្នាក់ទាំងបីប្រភេទក្នុងស្រុកបាណន់ ព្រមទាំងបងប្អូនអតីតពលករត្រឡប់មកពីប្រទេសថៃនៅស្រុកបាណន់ សរុបចំនួន៤១៣នាក់។
ព័ត៌មានគួរចាប់អារម្មណ៍
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
ឯកឧត្តម សុខ លូ អញ្ជើញជាអធិបតីក្នុងកិច្ចប្រជុំស្ដីពីការពង្រឹងលើការសម្របសម្រួលព័ត៌មាន និងដោះស្រាយសាធារណមតិក្នុងបណ្ដាញសង្គមស្ថិតក្នុងដែនសមត្ថកិច្ចខេត្តបាត់ដំបង ()
អភិបាលរាជធានីភ្នំពេញ៖ គិតត្រឹមថ្ងៃទី១២ ខែឧសភា ឆ្នាំ២០២៦ គណបក្សប្រជាជនកម្ពុជារាជធានីភ្នំពេញ មានសមាជិកគណបក្សជាង៧៨ម៉ឺននាក់ ស្មើនឹងចំនួន ៧៨,៨១% នៃចំនួនប្រជាពលរដ្ឋ ក្នុងបញ្ជីបោះឆ្នោតសរុប ()
សម្តេចធិបតី ផ្ញើសារយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាត ពីព្រោះនេះគឺជាមុខមាត់របស់ប្រទេសជាតិ ()
សម្តេចធិបតី ណែនាំក្រសួងសុខាភិបាល ត្រូវបន្តខិតខំត្រៀមវិធានការបង្ការនិងទប់ស្កាត់នូវការផ្ទុះឡើងនៃជំងឺអេបូឡា និងវីរុសហាន់តា ()
វីដែអូ