តបតាមការអញ្ជើញរបស់លោក Xi Jinping ប្រធានរដ្ឋចិន លោក Trump ប្រធានាធិបតីអាមេរិកបានអញ្ជើញមកបំពេញទស្សនកិច្ចផ្លូវរដ្ឋនៅប្រទេសចិនចាប់ពីថ្ងៃទី ១៣ ដល់ ថ្ងៃទី ១៥ ខែឧសភា ។ ក្នុងបរិបទដែលពិភពលោកមានភាពរង្គោះរង្គើ និងភាពមិនប្រាកដប្រជាកិច្ចជំនួបរវាងមេដឹកនាំចិន និងអាមេរិកបានទាក់ទាញការចាប់អារម្មណ៍ពីសហគមន៍អន្តរជាតិ ។ កិច្ចជំនួបលើកនេះនឹងចាក់បញ្ចូលកម្លាំងចលករបន្ថែមទៀតទៅក្នុងវឌ្ឍនភាពដ៏មានស្ថិរភាពនៃទំនាក់ទំនងរវាងចិននិងអាមេរិក និងបំពេញបន្ថែមស្ថិរភាពនិងភាពប្រាកដប្រជាបន្ថែមទៀតដល់ពិភពលោកដែលពោរពេញដោយភាពរង្គោះរង្កើនិងការច្របូកច្របល់ ។លោក Xi Jinping ប្រធានរដ្ឋចិនតែងតែជំរុញទំនាក់ទំនងចិន-អាមេរិកនិងក្តាប់ជាប់ទិសដៅអភិវឌ្ឍន៍ទូទៅតាមមុំជាយុទ្ធសាស្ត្រនិងវែងឆ្ងាយ ។ លោក Xi Jinping បានលើកឡើងថា នៅឆ្នាំ ២០២៦ នេះ ខ្ញុំរីករាយរួមសហការជាមួយលោកប្រធានាធិតបី ដើម្បីបន្តដឹកនាំ់នាវាដ៏អស្ចារ្យនៃទំនាក់ទំនងរវាងចិននិងអាមេរិកឆ្លងកាត់ព្យុះភ្លៀងនិងធ្វើដំណើរទៅមុខ យ៉ាងរលូន សម្រេចបាននូវរឿងល្អៗនិងអស្ចារ្យជាច្រើនទៀត ។ ដោយមានការយល់ដឹងយ៉ាងស៊ីជម្រៅអំពីប្រវត្តិសាស្ត្រនិងចក្ខុវិស័យជាយុទ្ធសាស្ត្រ លោក Xi Jinping បានប្រើពាក្យប្រៀបធៀបនៃ “នាវាធំមួយ” ម្តងហើយម្តងទៀត ដើម្បីពិពណ៌នាអំពីទំនាក់ទំនងរវាងចិននិងអាមេរិក ដោយចង្អុលបង្ហាញពីវិធីសាស្ត្រត្រឹមត្រូវសម្រាប់ចិននិងអាមេរិករួមរស់ជាមួយគ្នានៅក្នុងយុគសម័យថ្មី អំពាវនាវឱ្យភាគីទាំងពីរដែលជាប្រទេសធំបង្ហាញពីការទទួលខុសត្រូវ និងរួមគ្នាខិតខំប្រឹងប្រែងដើម្បីផ្តល់ផលប្រយោជន៍ដល់ប្រទេសទាំងពីរនិងពិភពលោក ។កិច្ចជំនួបរវាងប្រមុខរដ្ឋនៃប្រទេសទាំងពីរនៅទីក្រុងប៉េកាំងលើកនេះ គឺជាកិច្ចសន្ទនាយុទ្ធសាស្ត្រដ៏សំខាន់ម្តងទៀតរវាចិននិងអាមេរិកនៅចំណុចប្រសព្វប្រវត្តិសាស្ត្រដ៏សំខាន់មួយ ។ សហគមន៍អន្តរជាតិរំពឹងជាទូទៅថា មេដឹកនាំនៃប្រទេសទាំងពីរអាចបង្កើនទំនុកចិត្តគ្នាទៅវិញទៅមកបន្ថែមទៀត គ្រប់គ្រងការខ្វែងគំនិតគ្នាយ៉ាងសមរម្យ ពង្រីកគំនិតឯកភាពរួម និងលើកកម្ពស់កិច្ចសហប្រតិបត្តិការតាមរយៈការប្រាស្រ័យទាក់ទងគ្នាដោយស្មោះត្រង់និងស៊ីជម្រៅ ដើម្បីគូសវាសផែនទីចង្អុលបង្ហាញផ្លូវកាន់តែច្បាស់លាស់សម្រាប់ការអភិវឌ្ឍទំនាក់ទំនងរវាងចិននិងអាមេរិកនាពេលអនាគត និងផ្ញើសញ្ញាវិជ្ជមានបន្ថែមទៀតទៅកាន់ពិភពលោក ៕
ព័ត៌មានគួរចាប់អារម្មណ៍
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
ឯកឧត្តម សុខ លូ អញ្ជើញជាអធិបតីក្នុងកិច្ចប្រជុំស្ដីពីការពង្រឹងលើការសម្របសម្រួលព័ត៌មាន និងដោះស្រាយសាធារណមតិក្នុងបណ្ដាញសង្គមស្ថិតក្នុងដែនសមត្ថកិច្ចខេត្តបាត់ដំបង ()
អភិបាលរាជធានីភ្នំពេញ៖ គិតត្រឹមថ្ងៃទី១២ ខែឧសភា ឆ្នាំ២០២៦ គណបក្សប្រជាជនកម្ពុជារាជធានីភ្នំពេញ មានសមាជិកគណបក្សជាង៧៨ម៉ឺននាក់ ស្មើនឹងចំនួន ៧៨,៨១% នៃចំនួនប្រជាពលរដ្ឋ ក្នុងបញ្ជីបោះឆ្នោតសរុប ()
សម្តេចធិបតី ផ្ញើសារយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាត ពីព្រោះនេះគឺជាមុខមាត់របស់ប្រទេសជាតិ ()
សម្តេចធិបតី ណែនាំក្រសួងសុខាភិបាល ត្រូវបន្តខិតខំត្រៀមវិធានការបង្ការនិងទប់ស្កាត់នូវការផ្ទុះឡើងនៃជំងឺអេបូឡា និងវីរុសហាន់តា ()
វីដែអូ