កំពត៖ ក្រុមអាជីវករលក់ដូរផ្លែឈើនៅតាមដងផ្លូវឆ្ពោះទៅរមណីយដ្ឋានទឹកឈូ ខេត្តកំពត បានឱ្យដឹងថា ផ្លែឈើក្នុងចម្ការពួកគាត់ដែលបានដាំ រួមមាន ទុរេនប្រមូលផលមុនគេ បន្ទាប់មកមង្ឃុត សាវម៉ាវ ខ្នុរ និងចេក។ ចាប់ពីសប្តាហ៍ក្រោយ ឬយ៉ាងយូរនៅចុងខែនេះ ផ្លែសាវម៉ាវ នៅស្រុកទឹកឈូ នឹងចាប់ផ្តើមប្រមូលផលហើយ ខណៈដែលទុរេនកំពុងតែសម្បូរ ហើយតម្លៃមានការធ្លាក់ចុះបន្តិច គឺចន្លោះពី ១ម៉ឺន ៨ពាន់រៀល ដល់ ២ម៉ឺន ២ពាន់រៀល សម្រាប់ទុរេនលេខ១។ម្ចាស់ចម្ការមានភាពសប្បាយរីករាយក្នុងការប្រមូលផល និងលក់ដូរផ្លែឈើក្នុងតំបន់ ហើយក៏បានស្នើឱ្យប្រជាពលរដ្ឋ និងអាជីវករដែលលក់ដូរក្នុងខេត្តទាំងអស់ ជួយគាំទ្រ និងលក់តែផ្លែឈើនៅក្នុងតំបន់ទឹកឈូបានហើយ ដើម្បីរួមគ្នាលើកកម្ពស់ និងផ្សព្វផ្សាយកសិផលក្នុងស្រុក។យោងតាមការឱ្យដឹងពីមន្ត្រីកសិកម្មឃុំម៉ាក់ប្រាង្គ បានឱ្យដឹងថា កសិករក្នុងស្រុកទឹកឈូដែលរស់នៅតំបន់រមណីយដ្ឋានទឹកឈូ មានការដាំដំណាំទុរេនច្រើនជាងគេ ចំណែកឯសាវម៉ាវជាដំណាំបន្ទាប់បន្សំរួមនឹងមង្ឃុត ហើយកសិករដាំលក្ខណៈជាចម្ការមានប្រហែលជាង ២០គ្រួសារ ក្រៅពីនោះដាំជាលក្ខណៈគ្រួសារដោយដាំលាយឡំគ្នានៅក្នុងចម្កាទុរេន៕
ព័ត៌មានគួរចាប់អារម្មណ៍
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
ឯកឧត្តម សុខ លូ អញ្ជើញជាអធិបតីក្នុងកិច្ចប្រជុំស្ដីពីការពង្រឹងលើការសម្របសម្រួលព័ត៌មាន និងដោះស្រាយសាធារណមតិក្នុងបណ្ដាញសង្គមស្ថិតក្នុងដែនសមត្ថកិច្ចខេត្តបាត់ដំបង ()
អភិបាលរាជធានីភ្នំពេញ៖ គិតត្រឹមថ្ងៃទី១២ ខែឧសភា ឆ្នាំ២០២៦ គណបក្សប្រជាជនកម្ពុជារាជធានីភ្នំពេញ មានសមាជិកគណបក្សជាង៧៨ម៉ឺននាក់ ស្មើនឹងចំនួន ៧៨,៨១% នៃចំនួនប្រជាពលរដ្ឋ ក្នុងបញ្ជីបោះឆ្នោតសរុប ()
សម្តេចធិបតី ផ្ញើសារយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាត ពីព្រោះនេះគឺជាមុខមាត់របស់ប្រទេសជាតិ ()
សម្តេចធិបតី ណែនាំក្រសួងសុខាភិបាល ត្រូវបន្តខិតខំត្រៀមវិធានការបង្ការនិងទប់ស្កាត់នូវការផ្ទុះឡើងនៃជំងឺអេបូឡា និងវីរុសហាន់តា ()
វីដែអូ