ឥណ្ឌូណេស៊ី៖ ស្ថានការណ៍នយោបាយនៅក្នុងប្រទេសឥណ្ឌូណេស៊ី បានឡើងកម្ដៅខ្លាំង បន្ទាប់ពីមានសេចក្តីរាយការណ៍ថា កងទ័ពរក្សាសន្តិភាពរបស់ខ្លួនចំនួន ៣ នាក់បានពលីជីវិត និង ៨ នាក់ផ្សេងទៀតរងរបួស ក្នុងបេសកកម្មអង្គការសហប្រជាជាតិនៅប្រទេសលីបង់។ ហេតុការណ៍នេះ បានបង្កឱ្យមានការបាតុកម្មនៅមុខស្ថានទូតសហរដ្ឋអាម៉េរិកក្នុងទីក្រុងហ្សាកាតា ដោយក្រុមអ្នកតវ៉ា ចាត់ទុកថាការសម្លាប់កងទ័ពមួកខៀវដោយកងកម្លាំងអ៊ីស្រាអ៊ែល គឺជាការប្រមាថដល់កិត្តិយស និងអធិបតេយ្យភាពរបស់ជាតិឥណ្ឌូណេស៊ីទាំងមូល ។ក្រុមសកម្មជន និងអង្គការសង្គមស៊ីវិល បានដាក់សម្ពាធយ៉ាងខ្លាំងលើរដ្ឋាភិបាល ដោយទាមទារឱ្យមានវិធានការតបតឱ្យបានម៉ឺងម៉ាត់លើសពីការប្រើពាក្យសម្តីថ្កោលទោស។ ពួកគេ បានអំពាវនាវឱ្យឥណ្ឌូណេស៊ីដកខ្លួនចេញពីគំនិតផ្តួចផ្តើមសន្តិភាពនានាដែលដឹកនាំដោយសហរដ្ឋអាម៉េរិក ដោយលើកឡើងថាវាមិនសមស្របឡើយដែលឥណ្ឌូណេស៊ីត្រូវនៅក្បែរភាគីអ៊ីស្រាអ៊ែល ក្នុងនាមជាសមាជិកនៃអង្គការតែមួយ បន្ទាប់ពីមានការវាយប្រហារលើកងទ័ពខ្លួនបែបនេះ ។ប្រធានាធិបតីឥណ្ឌូណេស៊ី លោក ប្រាបូវ៉ូ ស៊ូប៊ីយ៉ានតូ បានចេញមុខប្រកាសថ្កោលទោសយ៉ាងធ្ងន់ធ្ងរជាទីបំផុតចំពោះទង្វើរបស់អ៊ីស្រាអ៊ែល និងបានទាមទារឱ្យមានការស៊ើបអង្កេតជាអន្តរជាតិឱ្យបានស៊ីជម្រៅ។ ក្នុងនាមជាប្រទេសដែលមានកងទ័ពរក្សាសន្តិភាពច្រើនជាងគេមួយក្នុងតំបន់ ឥណ្ឌូណេស៊ីបានសង្កត់ធ្ងន់លើការការពារសុវត្ថិភាពបុគ្គលិករបស់ខ្លួនដែលកំពុងបំពេញបេសកកម្មមនុស្សធម៌នៅមជ្ឈិមបូព៌ា ។វិបត្តិនេះ គឺជាលទ្ធផលនៃការរីករាលដាលនៃសង្គ្រាមរវាងអាម៉េរិក-អ៊ីស្រាអ៊ែល ជាមួយភាគីអ៊ីរ៉ង់ ដែលបានចាប់ផ្តើមតាំងពីចុងខែកុម្ភៈ។ ការវាយប្រហារដែលប៉ះពាល់ដល់កងទ័ពមួកខៀវនេះ កាន់តែធ្វើឱ្យស្ថានភាពសន្តិសុខសកលមានភាពផុយស្រួយ ជាពិសេសនៅពេលដែលផ្លូវដឹកជញ្ជូនសមុទ្រសំខាន់ៗត្រូវបានបិទ និងមានការចូលរួមសងសឹកពីក្រុមប្រដាប់អាវុធដទៃទៀតក្នុងតំបន់ ដែលអាចនាំឱ្យមានជម្លោះទ្រង់ទ្រាយធំបន្ថែមទៀត ៕
ព័ត៌មានគួរចាប់អារម្មណ៍
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
ឯកឧត្តម សុខ លូ អញ្ជើញជាអធិបតីក្នុងកិច្ចប្រជុំស្ដីពីការពង្រឹងលើការសម្របសម្រួលព័ត៌មាន និងដោះស្រាយសាធារណមតិក្នុងបណ្ដាញសង្គមស្ថិតក្នុងដែនសមត្ថកិច្ចខេត្តបាត់ដំបង ()
អភិបាលរាជធានីភ្នំពេញ៖ គិតត្រឹមថ្ងៃទី១២ ខែឧសភា ឆ្នាំ២០២៦ គណបក្សប្រជាជនកម្ពុជារាជធានីភ្នំពេញ មានសមាជិកគណបក្សជាង៧៨ម៉ឺននាក់ ស្មើនឹងចំនួន ៧៨,៨១% នៃចំនួនប្រជាពលរដ្ឋ ក្នុងបញ្ជីបោះឆ្នោតសរុប ()
សម្តេចធិបតី ផ្ញើសារយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាត ពីព្រោះនេះគឺជាមុខមាត់របស់ប្រទេសជាតិ ()
សម្តេចធិបតី ណែនាំក្រសួងសុខាភិបាល ត្រូវបន្តខិតខំត្រៀមវិធានការបង្ការនិងទប់ស្កាត់នូវការផ្ទុះឡើងនៃជំងឺអេបូឡា និងវីរុសហាន់តា ()
វីដែអូ