ភ្នំពេញ៖ បន្ទាប់ពីភាពជោគជ័យកាលពីឆ្នាំមុន ស្ថានទូតសាធារណរដ្ឋឥណ្ឌូនេស៊ី ប្រចាំនៅកម្ពុជា បានរៀបចំព្រឹត្តការណ៍ផ្សាររាត្រីឥណ្ឌូនេស៊ី / ប៉ាសា ម៉ាឡាំឥណ្ឌូនេស៊ី ម្តងទៀតនៅតាមផ្លូវថ្មើរជើងចតុមុខ ក្នុងរាជធានីភ្នំពេញ នៅថ្ងៃទី២៥-២៦ ខែមេសា ឆ្នាំ២០២៦។ ព្រឹត្តិការណ៍នេះ ប្រព្រឹត្តិទៅក្រោមវត្តមានលោក គ្រិស្នាជី (Krishnajie) ភារធារីស្ថានទូតឥណ្ឌូណេស៊ីប្រចាំនៅកម្ពុជា។ផ្សាររាត្រីឥណ្ឌូនេស៊ី គឺជាកម្មវិធីផ្សព្វផ្សាយសេដ្ឋកិច្ច និងវប្បធម៌រួមបញ្ចូលគ្នាដ៏សំខាន់មួយរបស់ស្ថានទូត។ ផ្សាររាត្រីឥណ្ឌូនេស៊ី ដែលរៀបចំឡើងនៅតាមផ្លូវថ្មើរជើងចតុមុខ ដែលជាមជ្ឈមណ្ឌលវប្បធម៌ និងទេសចរណ៍ដ៏លេចធ្លោបំផុតមួយនៅក្នុងរាជធានីភ្នំពេញ បានក្លាយជាទីកន្លែងសម្រាប់មនុស្សមកពីគ្រប់មជ្ឈដ្ឋាន ដើម្បីរីករាយជាមួយរាត្រីចុងសប្តាហ៍ដ៏សម្បូរបែប និងពោរពេញដោយវប្បធម៌ជាមួយគ្នា។ភ្ញៀវទេសចរ បានមានឱកាសភ្លក់រសជាតិម្ហូបឥណ្ឌូនេស៊ីពិតៗ ស្វែងយល់ពីសម្លៀកបំពាក់បាទីក រួមជាមួយនឹងការទិញទំនិញប្រើប្រាស់ឥណ្ឌូនេស៊ីជាច្រើនប្រភេទ ខណៈពេលដែលក្នុងពេលជាមួយគ្នានេះ ពួកគេក៏នឹងរីករាយទស្សនាការសម្តែងតន្ត្រី និងរបាំប្រពៃណីដ៏រស់រវើកនៅក្នុងរាត្រីវប្បធម៌ផងដែរ។ក្នុងនាមជាផ្នែកមួយនៃព្រឹត្តិការណ៍ ផ្សាររាត្រីឥណ្ឌូនេស៊ី ឆ្នាំនេះ, ភោជនីយដ្ឋានឥណ្ឌូនេស៊ីចំនួនពីរនៅក្នុងប្រទេសកម្ពុជា ក៏បានទទួលបានវិញ្ញាបនបត្រ Duta Rasa Nusantara ផងដែរ។ នេះគឺដើម្បីបង្ហាញពីការកោតសរសើរចំពោះការងាររបស់ពួកគេក្នុងការលើកកម្ពស់ម្ហូបអាហារដ៏សម្បូរបែបរបស់ឥណ្ឌូនេស៊ី តាមរយៈការបម្រើម្ហូបអាហារឥណ្ឌូនេស៊ីពិតប្រាកដ។ផ្សាររាត្រីឥណ្ឌូនេស៊ី ក៏មានតារាចម្រៀង 'dangdut' ឥណ្ឌូនេស៊ី Fire Amanda, DJ Osvaldo Nugroho, តារាចម្រៀងចង្វាក់ jazz ឥណ្ឌូនេស៊ីនៅប្រទេសកម្ពុជា Intan Andriana និងក្រុមតន្រ្តីក្នុងស្រុក Crazy Mix Band។ស្ថានទូតឥណ្ឌូនេស៊ីប្រចាំទីក្រុងភ្នំពេញ សង្ឃឹមថា ផ្សាររាត្រីឥណ្ឌូនេស៊ី នឹងតំណាងឱ្យចំណងមិត្តភាពដ៏រឹងមាំនៃកិច្ចសហប្រតិបត្តិការរវាងឥណ្ឌូនេស៊ី និងកម្ពុជា។ លើសពីនេះ ការរៀបចំព្រឹត្តិការណ៍នេះ មានបំណងបង្ហាញពីភាពធន់រួមគ្នារបស់ប្រជាជនមកពីប្រទេសទាំងពីរ ក្នុងការប្រឈមមុខនឹងបញ្ហាប្រឈមសកលនាពេលបច្ចុប្បន្ន។នៅក្នុងត្រីមាសទីមួយនៃឆ្នាំ២០២៦នេះ ឥណ្ឌូនេស៊ី បានកត់ត្រាការកើនឡើង ៦.៦% ធៀបនឹងឆ្នាំមុន នៃការនាំចេញទៅកាន់ប្រទេសកម្ពុជាដែលមានតម្លៃជាង ២៧៤លានដុល្លារអាមេរិក ដែលនាំមុខគេជាដៃគូពាណិជ្ជកម្មធំជាងគេទី៩ របស់កម្ពុជា។ ផលិតផលនាំចេញច្រើនជាងគេរបស់ប្រទេសឥណ្ឌូនេស៊ី មកកាន់ប្រទេសកម្ពុជាគឺ ធ្យូងថ្ម បារី មី/មីកញ្ចប់ ម៉ូតូ និងថ្នាំពេទ្យ។លើវិស័យទេសចរណ៍ មានភ្ញៀវទេសចរឥណ្ឌូនេស៊ីជាង ៥០.០០០ នាក់បានមកទស្សនាប្រទេសកម្ពុជាកាលពីឆ្នាំមុន។ ផ្ទុយទៅវិញ ភ្ញៀវទេសចរកម្ពុជា ជិត ១១.០០០ នាក់ ទៅទស្សនាប្រទេសឥណ្ឌូនេស៊ីក្នុងឆ្នាំ២០២៥៕
ព័ត៌មានគួរចាប់អារម្មណ៍
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
ឯកឧត្តម សុខ លូ អញ្ជើញជាអធិបតីក្នុងកិច្ចប្រជុំស្ដីពីការពង្រឹងលើការសម្របសម្រួលព័ត៌មាន និងដោះស្រាយសាធារណមតិក្នុងបណ្ដាញសង្គមស្ថិតក្នុងដែនសមត្ថកិច្ចខេត្តបាត់ដំបង ()
អភិបាលរាជធានីភ្នំពេញ៖ គិតត្រឹមថ្ងៃទី១២ ខែឧសភា ឆ្នាំ២០២៦ គណបក្សប្រជាជនកម្ពុជារាជធានីភ្នំពេញ មានសមាជិកគណបក្សជាង៧៨ម៉ឺននាក់ ស្មើនឹងចំនួន ៧៨,៨១% នៃចំនួនប្រជាពលរដ្ឋ ក្នុងបញ្ជីបោះឆ្នោតសរុប ()
សម្តេចធិបតី ផ្ញើសារយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាត ពីព្រោះនេះគឺជាមុខមាត់របស់ប្រទេសជាតិ ()
សម្តេចធិបតី ណែនាំក្រសួងសុខាភិបាល ត្រូវបន្តខិតខំត្រៀមវិធានការបង្ការនិងទប់ស្កាត់នូវការផ្ទុះឡើងនៃជំងឺអេបូឡា និងវីរុសហាន់តា ()
វីដែអូ