ភ្នំពេញ៖ លោកឧបនាយករដ្ឋមន្ត្រី កើត រិទ្ធ បានបញ្ជាក់ប្រាប់ដល់មន្ត្រីជាប់កិច្ចសន្យាបច្ចេកទេសជំនាញច្បាប់ អំពីគោលការណ៍នៃការជ្រើសរើសមន្ត្រី ដែលបានកំណត់យកគោលការណ៍ “គុណាធិបតេយ្យ” គឺ “អ្នកមានសមត្ថភាព ត្រូវបំពាក់សមត្ថកិច្ច ហើយអ្នកមានសមត្ថកិច្ច ត្រូវបំពាក់សមត្ថភាព”។ការបញ្ជាក់នេះ បានធ្វើឡើងនៅថ្ងៃទី២៨ ខែមេសា ឆ្នាំ២០២៦ ខណៈលោក កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធានក្រុមប្រឹក្សាភិបាលនៃបណ្ឌិត្យសភាភូមិន្ទយុត្តិធម៌កម្ពុជា បានអញ្ជើញជាអធិបតីក្នុងពិធីបើកវគ្គបណ្ដុះបណ្ដាលមន្ត្រីជាប់កិច្ចសន្យាបច្ចេកទេស ជំនាញច្បាប់ ជំនាន់ទី២ សរុបចំនួន ៣០រូប ដែលបានប្រឡងជាប់ជាស្ថាពរកាលពីថ្ងៃទី៦ ខែកុម្ភៈ ឆ្នាំ២០២៦ កន្លងទៅនេះ។លោកឧបនាយករដ្ឋមន្ត្រី ក៏បានធ្វើការណែនាំថា នេះជាឱកាសមួយ ដែលអនុញ្ញាតឱ្យមន្ត្រីជាប់កិច្ចសន្យាបច្ចេកទេស ជំនាញច្បាប់ ជំនាន់ទី២ ទាំង ៣០រូប បានបង្ហាញនូវសមត្ថភាពរបស់ខ្លួន និងអាចចូលរួមជាមួយវិស័យយុត្តិធម៌ក្នុងការបម្រើប្រជាពលរដ្ឋបាន។សូមបញ្ជាក់ថា កម្មវិធីបណ្តុះបណ្តាលនេះ ត្រូវបានរៀបចំឡើងក្នុងគោលបំណងពង្រឹងសមត្ថភាព និងចំណេះដឹង ក៏ដូចជា តម្រង់ទិសដល់មន្រ្តីជាប់កិច្ចសន្យាបច្ចេកទេសជំនាញច្បាប់ ជំនាន់ទី២ ដើម្បីត្រៀមលក្ខណៈទៅបំពេញការងារនៅតាមអង្គភាពនានាចំណុះក្រសួងយុត្តិធម៌។ការបណ្ដុះបណ្ដាលផ្តោតលើ (១)-អំពីរចនាសម្ព័ន្ធនៃអង្គភាពចំណុះរបស់ក្រសួងយុត្តិធម៌, (២)-អំពីមុខងារ និងក្រមសីលធម៌របស់មន្ត្រី, (៣)-អំពីការងារជំនាញតាមអង្គភាពចំណុះក្រសួងយុត្តិធម៌, (៤)-ការរៀបចំ និងការតាក់តែងលិខិតបទដ្ឋានគតិយុត្ត និង (៥)-ការងារពាក់ព័ន្ធផ្សេងៗទៀត។ វគ្គបណ្តុះបណ្តាលសម្រាប់មន្ត្រីជាប់កិច្ចសន្យានេះ នឹងប្រព្រឹត្តទៅរយៈពេល ១ខែ នៅបណ្ឌិត្យសភាភូមិន្ទយុត្តិធម៌កម្ពុជា៕
ព័ត៌មានគួរចាប់អារម្មណ៍
សម្ដេចតេជោ ហ៊ុន សែន ជំរុញឲ្យកម្ពុជា-វៀតណាម សហការគ្នាធានាសន្ដិសុខតាមព្រំដែន រួមគ្នាប្រយុទ្ធនឹងព័ត៌មានក្លែងក្លាយ ពិសេសចៀសវាងកុំឲ្យមានការប្រើប្រាស់កម្លាំងក្នុងប្រទេសណាមួយប្រឆាំងនឹងប្រទេសមួយទៀត រវាងកម្ពុជា-ឡាវ-វៀតណាម ()
សម្តេចតេជោ ហ៊ុន សែន សម្តែងការទទួលខុសត្រូវ និងសូមអភ័យទោសប្រជាពលរដ្ឋទូទាំងប្រទេស ដោយសារជឿទុកចិត្តប្រទេសថៃពេក និងមិនបានត្រៀមខ្លួនគ្រប់គ្រាន់ សម្រាប់ការប្រយុទ្ធ ()
សម្តេចធិបតី ហ៊ុន ម៉ាណែត អញ្ជើញបំពេញទស្សនកិច្ចផ្លូវការ នៅសាធារណរដ្ឋសង្គមនិយមវៀតណាម ()
អភិបាលខេត្តប៉ៃលិន អញ្ជើញបួងសួងសុំសេចក្តីសុខចម្រើនក្នុងឱកាសលើករូបសំណាកព្រះវិស្ណុធ្វើពីថ្មភ្នំដាក់លើរង្វង់មូលថ្មី ដើម្បីលើកកម្ពស់សោភណភាព និងសុវត្ថិភាព ក្នុងការធ្វើដំណើររបស់ប្រជាពលរដ្ឋ ()
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
វីដែអូ