កំពង់ស្ពឺ៖ ខេត្តកំពង់ស្ពឺនឹងមានរោងចក្រកែច្នៃម្សៅដំឡូងមីដំបូងគេនៅក្នុងស្រុកភ្នំស្រួច តាមរយៈទុនវិនិយោគរបស់ក្រុមហ៊ុនមកពីទីក្រុងហុងកុង សាធារណៈរដ្ឋប្រជាមានិតចិន។ តាមរយៈវត្តមានរោងចក្រកែច្នៃម្សៅដំឡូងមីនេះ និងធ្វើឱ្យកសិករលែងមានការបារម្ភរឿងទីផ្សារទៀតហើយ។លោក សុន សេងហួត រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យានិងនវានុវត្តន៍ ក្នុងពិធីបញ្ចុះបឋមសិលាបើកការដ្ឋានសាងសង់រោងចក្រ ព្រឹកថ្ងៃទី២៧ ខែមេសា ឆ្នាំ២០២៦ បានលើកឡើងថា ដំឡូងមីគឺជាដំណាំកសិកម្មដ៏សំខាន់មួយរបស់កម្ពុជា។រាជរដ្ឋាភិបាលបានផ្តល់អាទិភាពគន្លឹះទៅលើការធ្វើពិពិធកម្មសេដ្ឋកិច្ច និងការអភិវឌ្ឍវិស័យឯកជន និងការងារ និងការអភិវឌ្ឍប្រកបដោយភាពធន់ ចីរភាព និងបរិយាបន្ន។ ក្នុងទិសដៅសម្រេចឱ្យបាននូវយុទ្ធសាស្ត្របញ្ចកោណដំណាក់កាលទី១ (២០២៣-២០២៨) និងចក្ខុវិស័យឆ្នាំ២០៣០ និង២០៥០ ដោយបានដាក់ចេញគោលនយោបាយជាតិស្តីពីដំឡូងមី ២០២០-២០២៥ ដើម្បីផ្លាស់ប្តូរវិស័យដំឡូងមីដោយពង្រឹង ផលិតកម្ម ជំរុញការកែច្នៃដើម្បីបង្កើនតម្លៃបន្ថែមក្នុងស្រុកនិងនាំចេញ សំដៅលើកកម្ពស់ ជីវភាពរស់នៅរបស់ប្រជាពលរដ្ឋ។ វិស័យដំឡូងមីកំពុងផ្លាស់ប្តូរពីការនាំចេញវត្ថុធាតុដើម ទៅការកែច្នៃក្នុងស្រុក ដើម្បីបង្កើតតម្លៃបន្ថែម។ អ្នកជំនួញកសិឧស្សាហកម្មធំៗ ដូចជា ក្រុមហ៊ុនរបស់ឧកញ៉ា ម៉ុង ឫទ្ធី បានចំណាយទុនប្រហែល៤០លានដុល្លារ ក្នុងមួយឆ្នាំ ដើម្បីទិញដំឡូងមី និងពោត ពីកសិករសម្រាប់ផលិតចំណីសត្វ។ ប៉ុន្តែជុំវិញការចំណាយទុននេះ នៅតែមិនអាចប្រមូលទិញផលិតផលដែលកសិករធ្វើបានទាំងអស់នោះទេ ហើយករណីនេះក៏ធ្វើឱ្យតម្លៃមិនមានប្រក្រតីភាពផងដែរ។ជាមួយនឹងវត្តមានរោងចក្រកែច្នៃម្សៅដំឡូងមីរបស់ធុរជនចិនលើទឹកដីខេត្តកំពង់ស្ពឺនេះ លោក សុន សេងហួត បានលើកឡើងថា រោងចក្រផលិតម្សៅមីរបស់ក្រុមហ៊ុន មានលទ្ធភាពម្សៅមីរហូតដល់១០ម៉ឺនតោនក្នុងមួយឆ្នាំ និងប្រើទុនបញ្ចូលគ្នាប្រមាណជាង ២០លានដុល្លារ និងអាចបង្កើតចំណូលលក់ប្រចាំឆ្នាំប្រមាណ ៩០លានដុល្លារ។ក្រៅពីការផលិតម្សៅមី ១០ម៉ឺនតោនក្នុងមួយឆ្នាំ រោងចក្រក៏អាចផលិតដំឡូងមីស្ងួត១០ម៉ឺនតោន និងកាកដំឡូងមីប្រើសម្រាប់ផលិតចំណីសត្វប្រមាណ៣ម៉ឺនតោនផងដែរ។ ទន្ទឹមនិងសមត្ថភាពផលិតបាននេះ លោកបានដាក់ការរំពឹងថា នៅពេលរោងចក្រនេះដំណើរការកសិករនឹងលែងបារម្ភចំពោះការកកស្ទះដំឡូងលក់មិនចេញ និងបញ្ហាតំលៃទីផ្សារដែលឈ្មួញកណ្តាលក្រឡុកដូចមុនទៀតហើយ៕
ព័ត៌មានគួរចាប់អារម្មណ៍
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
ឯកឧត្តម សុខ លូ អញ្ជើញជាអធិបតីក្នុងកិច្ចប្រជុំស្ដីពីការពង្រឹងលើការសម្របសម្រួលព័ត៌មាន និងដោះស្រាយសាធារណមតិក្នុងបណ្ដាញសង្គមស្ថិតក្នុងដែនសមត្ថកិច្ចខេត្តបាត់ដំបង ()
អភិបាលរាជធានីភ្នំពេញ៖ គិតត្រឹមថ្ងៃទី១២ ខែឧសភា ឆ្នាំ២០២៦ គណបក្សប្រជាជនកម្ពុជារាជធានីភ្នំពេញ មានសមាជិកគណបក្សជាង៧៨ម៉ឺននាក់ ស្មើនឹងចំនួន ៧៨,៨១% នៃចំនួនប្រជាពលរដ្ឋ ក្នុងបញ្ជីបោះឆ្នោតសរុប ()
សម្តេចធិបតី ផ្ញើសារយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាត ពីព្រោះនេះគឺជាមុខមាត់របស់ប្រទេសជាតិ ()
សម្តេចធិបតី ណែនាំក្រសួងសុខាភិបាល ត្រូវបន្តខិតខំត្រៀមវិធានការបង្ការនិងទប់ស្កាត់នូវការផ្ទុះឡើងនៃជំងឺអេបូឡា និងវីរុសហាន់តា ()
វីដែអូ