សហរដ្ឋអាម៉េរិក៖ ស្ថិតនៅក្នុងការិយាល័យអូវ៉ល ប្រធានាធិបតីអាម៉េរិក លោក ដូណាល់ ត្រាំ បានបង្ហាញជំហរមិនរុញរា ជាមួយនឹងការប្រើពាក្យសម្តីឌឺដងដាក់ប្រទេសអ៊ីរ៉ង់ បន្ទាប់ពីមានសេចក្តីរាយការណ៍ថា ទីក្រុងតេហ៍រ៉ង់ បានព្រមានវាយប្រហារលើក្រុមហ៊ុនបច្ចេកវិទ្យាខ្នាតយក្សរបស់អាម៉េរិក។ លោក ត្រាំ បានសួរត្រឡប់ទៅអ្នកកាសែតវិញដោយភាពជឿជាក់ថា តើអ៊ីរ៉ង់យកអ្វីមកគំរាម បើកម្លាំងរបស់ពួកគេត្រូវបានបង្រ្កាបជិតអស់ទៅហើយនោះ ដោយលោកថែមទាំងប្រៀបធៀបការគំរាមនោះថា ដូចជាការប្រើកាំភ្លើងជ័រក្មេងលេងតែប៉ុណ្ណោះ ។នាពេលថ្មីៗនេះ ការគំរាមកំហែងរបស់កងឆ្មាំបដិវត្តន៍អ៊ីរ៉ង់ (IRGC) បានដៅមុខសញ្ញាទៅលើក្រុមហ៊ុនបច្ចេកវិទ្យាចំនួន ១៨ ល្បីៗរបស់អាម៉េរិក រួមមានដូចជា អេបផល (Apple), ម៉ៃក្រូសូហ្វ (Microsoft), ហ្គូហ្គល់ (Google) និងអិនវីឌៀ (NVIDIA) ជាដើម។ អ៊ីរ៉ង់ បញ្ជាក់ថា ការវាយប្រហារនឹងកើតឡើងចាប់ពីថ្ងៃទី១ ខែមេសា ប្រសិនបើសហរដ្ឋអាម៉េរិក នៅតែបន្តយុទ្ធនាការធ្វើឃាតលើក្រុមថ្នាក់ដឹកនាំកំពូលៗរបស់អ៊ីរ៉ង់ ដែលសកម្មភាពនេះ បានធ្វើឱ្យស្ថានភាពរវាងប្រទេសទាំងពីរកាន់តែតានតឹងខ្លាំង ។ទោះជាមានការព្រមានចំៗបែបនេះក្តី លោក ត្រាំ បានបញ្ជាក់យ៉ាងដាច់អហង្ការថា លោកមិនមានការបារម្ភទាល់តែសោះចំពោះសុវត្ថិភាពរបស់ក្រុមហ៊ុនទាំងនោះ ពាក់ព័ន្ធនឹងការវាយប្រហាររបស់អ៊ីរ៉ង់។ លោកសង្កត់ធ្ងន់ថា អ៊ីរ៉ង់គ្មានសមត្ថភាពនឹងប្រើអាវុធធុនធ្ងន់ដូចជាអាវុធនុយក្លេអ៊ែរមកលើក្រុមហ៊ុនអាម៉េរិកឡើយ ហើយលោកក៏បានរំឭកជាថ្មីដែរថា មន្ត្រីជាន់ខ្ពស់ភាគច្រើនរបស់អ៊ីរ៉ង់ ត្រូវបានកម្ចាត់រួចរាល់អស់ទៅហើយ ដូច្នេះការគំរាមកំហែងនេះគ្រាន់តែជាការបំភ័យដែលគ្មានប្រសិទ្ធភាពប៉ុណ្ណោះ ៕
ព័ត៌មានគួរចាប់អារម្មណ៍
ឧកញ៉ា ឡេង សុខគា ដឹកនាំប្រតិភូសភាពាណិជ្ជកម្មកម្ពុជា ទស្សនា និងស្វែងយល់ពីបច្ចេកវិទ្យាកែច្នៃ និងវេចខ្ចប់នៃបណ្តាក្រុមហ៊ុនមួយចំនួន ដែលបានកំពុងដាក់តាំងបង្ហាញក្នុងកម្មវិធីពិព័រណ៍អន្តរជាតិក្រុងហូជីមីញ ()
ព្រឹកនេះ សម្តេចបវរធិបតី ហ៊ុន ម៉ាណែត ទទួលជួបលោកជំទាវ Zou Jiayi ប្រធាន និងជាប្រធានក្រុមប្រឹក្សាភិបាល នៃធនាគារវិនិយោគហេដ្ឋារចនាសម្ព័ន្ធអាស៊ី (AIIB) ()
រដ្ឋមន្ត្រីទេសចរណ៍៖ វិស័យទេសចរណ៍ គឺខ្វះព័ត៌មានមិនបានជាដាច់ខាត ()
កម្ពុជាបណ្ដេញជនបរទេសខុសច្បាប់ជាង ១,៥០០នាក់ បន្ថែមទៀតចេញពីកម្ពុជា ពាក់ព័ន្ធករណីឆបោកអនឡាញ ()
ព្រឹកនេះ សម្តេចបវរធិបតី ហ៊ុន ម៉ាណែត ទទួលជួបលោកស្រី Rabab Fatima អគ្គលេខាធិការរង អង្គការសហប្រជាជាតិ និងជាតំណាងជាន់ខ្ពស់សម្រាប់ប្រទេសអភិវឌ្ឍន៍តិចតួច ប្រទេសកំពុងអភិវឌ្ឍន៍ គ្មានព្រំដែនជាប់សមុទ្រ និងប្រទេសដីកោះកំពុងអភិវឌ្ឍន៍តូច ()
វីដែអូ