ភ្នំពេញ៖លោក កេង ប៊ុនណា អភិបាលរងខេត្ត តំណាងលោក ប៉ែន កុសល្យ អភិបាលខេត្តត្បូងឃ្មុំ បានអញ្ជើញជាអធិបតីប្រកាសចូលកាន់តំណែង លោក សុខ សុវណ្ណ ជាអភិបាលរងស្រុកត្បូងឃ្មុំ និងលោកស្រី ថុន ថាវី ជានាយករដ្ឋបាលសាលាស្រុកត្បូងឃ្មុំ។ ពិធីនេះ ធ្វើឡើងនារសៀលថ្ងៃទី១០ ខែមេសា ឆ្នាំ២០២៦ នៅសាលប្រជុំសាលាស្រុកត្បូងឃ្មុំ។លោក សេង សុខខឿន អភិបាលស្រុកត្បូងឃ្មុំ បានបង្ហាញរបាយការណ៍សង្ខេប លទ្ធផលការងារបម្រើសេវាធារណៈជូនពលរដ្ឋ និងការអភិវឌ្ឍន៍ក្នុងមូលដ្ឋានដែលសម្រេចបាន។ លោក គូសបញ្ជាក់ផងដែរថា ការប្រកាសតែងតាំងមុខតំណែងនាថ្ងៃនេះ គឺយោងទៅតាមសេចក្តីប្រកាសរបស់ក្រសួងមហាផ្ទៃ និងយោងទៅតាមការចាំបាច់របស់រដ្ឋបាលស្រុកត្បូងឃ្មុំ ដើម្បីពង្រឹងក្បាលម៉ាស៊ីនដឹកនាំនៅថ្នាក់មូលដ្ឋាន។បន្ទាប់ពី លោក សុខ សុវណ្ណ អភិបាលរងស្រុកត្បូងឃ្មុំ ទើបចូលកាន់តំណែងថ្មី បានឡើងប្តេជ្ញាចិត្ត នាឱកាសនោះ លោក កេង ប៊ុនណា អភិបាលរងខេត្ត បានផ្តល់អនុសាសន៍ផ្តាំផ្ញើដល់អភិបាលរងស្រុកថ្មី ត្រូវប្រកាន់ខ្ជាប់នូវ «មនសិការវិជ្ជាជីវៈ» និងត្រូវធ្វើជាមន្ត្រីដែល «ដឹងសុខទុក្ខពលរដ្ឋ»។លោកអភិបាលរងខេត្ត ក៏បានសង្កត់ធ្ងន់ថា ការតែងតាំងនេះមិនមែនជាការផ្តល់បុណ្យសក្តិដើម្បីបង្អួតនោះទេ ប៉ុន្តែគឺជាការផ្តល់ទំនួលខុសត្រូវក្នុងការបម្រើប្រជាពលរដ្ឋ និងធ្វើយ៉ាងណាបំពេញកិច្ចការងារក្នុងមុខតំណែង ឱ្យបានល្អប្រសើរ ដើម្បីធ្វើយ៉ាងណាចូលរួមក្នុងការអភិវឌ្ឍស្រុកត្បូងឃ្មុំ ក៏ដូចជាខេត្តត្បូងឃ្មុំឱ្យកាន់តែរីកចម្រើនផងដែរ៕
ព័ត៌មានគួរចាប់អារម្មណ៍
គណៈរដ្ឋមន្ត្រីប្រជុំពិនិត្យរបាយការណ៍វឌ្ឍនភាពនៃការអនុវត្តវិធានការគន្លឹះក្នុងការពង្រឹងសមត្ថភាពរដ្ឋបាលសាធារណៈ ដើម្បីជំរុញនិងលើកកម្ពស់ការអនុវត្តការងារកែទម្រង់រដ្ឋបាលសាធារណៈ ឱ្យមានប្រសិទ្ធភាពខ្ពស់ ()
សម្ដេចតេជោ ហ៊ុន សែន ជំរុញឲ្យកម្ពុជា-វៀតណាម សហការគ្នាធានាសន្ដិសុខតាមព្រំដែន រួមគ្នាប្រយុទ្ធនឹងព័ត៌មានក្លែងក្លាយ ពិសេសចៀសវាងកុំឲ្យមានការប្រើប្រាស់កម្លាំងក្នុងប្រទេសណាមួយប្រឆាំងនឹងប្រទេសមួយទៀត រវាងកម្ពុជា-ឡាវ-វៀតណាម ()
សម្តេចតេជោ ហ៊ុន សែន សម្តែងការទទួលខុសត្រូវ និងសូមអភ័យទោសប្រជាពលរដ្ឋទូទាំងប្រទេស ដោយសារជឿទុកចិត្តប្រទេសថៃពេក និងមិនបានត្រៀមខ្លួនគ្រប់គ្រាន់ សម្រាប់ការប្រយុទ្ធ ()
សម្តេចធិបតី ហ៊ុន ម៉ាណែត អញ្ជើញបំពេញទស្សនកិច្ចផ្លូវការ នៅសាធារណរដ្ឋសង្គមនិយមវៀតណាម ()
អភិបាលខេត្តប៉ៃលិន អញ្ជើញបួងសួងសុំសេចក្តីសុខចម្រើនក្នុងឱកាសលើករូបសំណាកព្រះវិស្ណុធ្វើពីថ្មភ្នំដាក់លើរង្វង់មូលថ្មី ដើម្បីលើកកម្ពស់សោភណភាព និងសុវត្ថិភាព ក្នុងការធ្វើដំណើររបស់ប្រជាពលរដ្ឋ ()
វីដែអូ