ភ្នំពេញ៖ អង្គ ការ WCS និងក្រសួងកសិកម្ម រុក្ខា ប្រមាញ់ និង នេសាទ បានចុះហត្ថលេខាជាផ្លូវការលើកិច្ចព្រមព្រៀងគម្រោងរយៈពេល ៥ឆ្នាំ ដោយបន្តការប្តេជ្ញាចិត្តរួមគ្នា ក្នុងការការពារធនធានជលផលដ៏សំខាន់របស់កម្ពុជា នៅតាម ប្រព័ន្ធព្រែក ស្រែអំបិល និងទន្លេមេគង្គ។ពិធីចុះ ហត្ថលេខានេះ បានធ្វើឡើងក្រោមវត្តមានលោក សរ ចិត្រា អគ្គលេខា ធិការក្រសួងកសិកម្ម រុក្ខាប្រមាញ់ និងនេសាទ តំណាងដ៏ ខ្ពង់ ខ្ពស់ របស់ លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ។ភាពជាដៃគូនេះ នឹងបន្តការពារប្រភេទសត្វមួយចំនួនដែលគួរមាន គុណ តម្លៃ និង សារសំខាន់ ជា សកល ដែល រួមមាន សត្វ អណ្តើក ហ្លួង ក្រពើ ភ្នំ កន្ធាយ ក្បាល កង្កែប និងត្រី បបែល យក្ស ទឹក សាប ។គោល បំណង មួយ ក្នុង ចំណោម គោល បំណង សំខាន់ៗ នៃគម្រោងនេះ គឺដើម្បីបង្កើនការយល់ដឹងនៅ តាម សហគមន៍មូលដ្ឋាន ជាពិសេសសហគមន៍នេសាទ និងអ្នកពាក់ព័ន្ធពាក់ព័ន្ធនានា អំពីសារ សំខាន់នៃការការពារប្រភេទសត្វ ទាំងនេះ ដែលរងការគំរាមកំហែងដោយការនេសាទ ខុសច្បាប់ ការជួញដូរ និងការបាត់បង់ទី ជម្រកធម្មជាតិ ។លោក អាលីសស្ទែរ ម៉ូលដ៍ នាយកប្រចាំប្រទេសនៃអង្គការ WCS កម្ពុជា បានសម្តែងការកោតសរសើរយ៉ាងស្មោះស្ម័គ្រចំពោះលោក ឌិត ទីណា និងក្រសួងកសិកម្ម រុក្ខា ប្រមាញ់ និង នេសាទ សម្រាប់ការបន្តកិច្ចសហការដ៏សំខាន់នេះ។ការចុះហត្ថលេខានេះ មិនត្រឹមតែពង្រឹងភាពជាដៃគូយូរអង្វែងរបស់យើងប៉ុណ្ណោះទេ ថែមទាំងពង្រឹងចក្ខុវិស័យរួមសម្រាប់ផលប៉ះពាល់អភិរក្សកាន់តែច្រើននៅក្នុងឆ្នាំខាងមុខផងដែរ។ លោក បានមានប្រសាសន៍ថា “យើង ប្តេជ្ញាចិត្តរួមគ្នា ក្នុងការការពារជីវៈចម្រុះនិង ធន ធាន ជល ផល ដ៏សម្បូរបែបរបស់កម្ពុជា ខណៈពេលដែលគាំទ្រដល់ការ លើក កម្ពស់ ជីវភាពរស់នៅប្រកបដោយចីរភាពសម្រាប់សហគមន៍នេសាទនៅទូទាំងតំបន់ឆ្នេរសមុទ្រ តំបន់ ទន្លេសាប និងតំបន់ ទន្លេមេគង្គ”៕
ព័ត៌មានគួរចាប់អារម្មណ៍
សម្ដេចតេជោ ហ៊ុន សែន ជំរុញឲ្យកម្ពុជា-វៀតណាម សហការគ្នាធានាសន្ដិសុខតាមព្រំដែន រួមគ្នាប្រយុទ្ធនឹងព័ត៌មានក្លែងក្លាយ ពិសេសចៀសវាងកុំឲ្យមានការប្រើប្រាស់កម្លាំងក្នុងប្រទេសណាមួយប្រឆាំងនឹងប្រទេសមួយទៀត រវាងកម្ពុជា-ឡាវ-វៀតណាម ()
សម្តេចតេជោ ហ៊ុន សែន សម្តែងការទទួលខុសត្រូវ និងសូមអភ័យទោសប្រជាពលរដ្ឋទូទាំងប្រទេស ដោយសារជឿទុកចិត្តប្រទេសថៃពេក និងមិនបានត្រៀមខ្លួនគ្រប់គ្រាន់ សម្រាប់ការប្រយុទ្ធ ()
សម្តេចធិបតី ហ៊ុន ម៉ាណែត អញ្ជើញបំពេញទស្សនកិច្ចផ្លូវការ នៅសាធារណរដ្ឋសង្គមនិយមវៀតណាម ()
អភិបាលខេត្តប៉ៃលិន អញ្ជើញបួងសួងសុំសេចក្តីសុខចម្រើនក្នុងឱកាសលើករូបសំណាកព្រះវិស្ណុធ្វើពីថ្មភ្នំដាក់លើរង្វង់មូលថ្មី ដើម្បីលើកកម្ពស់សោភណភាព និងសុវត្ថិភាព ក្នុងការធ្វើដំណើររបស់ប្រជាពលរដ្ឋ ()
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
វីដែអូ