បាត់ដំបង៖ នៅថ្ងៃទី២ ខែមីនា ឆ្នាំ២០២៦ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង អញ្ជើញជាអធិបតីក្នុងពិធីចែកវិញ្ញាបនបត្រសម្គាល់ម្ចាស់អចលនវត្ថុចំនួន១២៥០បណ្ណជូនប្រជាពលរដ្ឋ២១៧គ្រួសារស្ថិតនៅក្នុងភូមិចុងពរ និងភូមិប៉ែន នៃឃុំព្រៃត្រឡាច ស្រុករុក្ខគិរី។ក្នុងឱកាសនោះ ឯកឧត្តម សុខ លូ បានណែនាំដល់ប្រជាពលរដ្ឋសូមថែរក្សាបណ្ណកម្មសិទ្ធិដីធ្លីដែលទទួលបាននាពេលនេះឱ្យបានល្អ មិនត្រូវយកទៅអ៊ុតរឹងនោះទេដែលនាំឱ្យងាយបាក់ និងឆាប់ខូចជាដើម។ឯកឧត្តមអភិបាលខេត្ត ប្រាប់ប្រជាពលរដ្ឋទាំងអស់សូមកុំរំលោភកាន់កាប់ដីចំណីផ្លូវ និងណែនាំដល់អាជ្ញាធរភូមិ ឃុំ ស្រុក ត្រូវចាត់វិធានការរំដោះ និងការពារដីចំណីផ្លូវ ទុកផ្លូវឱ្យបានធំទូលាយដើម្បីបន្សល់ទុកសម្រាប់កូនចៅជំនាន់ក្រោយងាយស្រួលធ្វើដំណើរ។ឯកឧត្តម ក្រើនរំលឹកដល់ប្រជាពលរដ្ឋសូមចូលរួមថែរក្សាអនាម័យបរិស្ថាន បញ្ឈប់ការដុតសំរាម និងដុតជញ្ជ្រាំងដែលនាំឱ្យបង្កផលប៉ះពាល់ធ្ងន់ធ្ងរដល់បរិស្ថាន។ឯកឧត្តម ជំរុញប្រជាពលរដ្ឋត្រូវខិតខំអប់រំកូនចៅឱ្យចៀសឆ្ងាយពីគ្រឿងញៀន និងចូលរួមរាយការណ៍ពីបញ្ហាគ្រឿងញៀនតាមរយៈកម្មវិធីទូរសព្ទដៃApp NoDrug ដែលជាមធ្យោបាយលឿនរហ័ស សុវត្ថិភាព និងរក្សាការសម្ងាត់១០០% ដើម្បីឱ្យសមត្ថកិច្ចចុះអន្តរាគមន៍នៅមូលដ្ឋាន៕
ព័ត៌មានគួរចាប់អារម្មណ៍
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
ឯកឧត្តម សុខ លូ អញ្ជើញជាអធិបតីក្នុងកិច្ចប្រជុំស្ដីពីការពង្រឹងលើការសម្របសម្រួលព័ត៌មាន និងដោះស្រាយសាធារណមតិក្នុងបណ្ដាញសង្គមស្ថិតក្នុងដែនសមត្ថកិច្ចខេត្តបាត់ដំបង ()
អភិបាលរាជធានីភ្នំពេញ៖ គិតត្រឹមថ្ងៃទី១២ ខែឧសភា ឆ្នាំ២០២៦ គណបក្សប្រជាជនកម្ពុជារាជធានីភ្នំពេញ មានសមាជិកគណបក្សជាង៧៨ម៉ឺននាក់ ស្មើនឹងចំនួន ៧៨,៨១% នៃចំនួនប្រជាពលរដ្ឋ ក្នុងបញ្ជីបោះឆ្នោតសរុប ()
សម្តេចធិបតី ផ្ញើសារយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាត ពីព្រោះនេះគឺជាមុខមាត់របស់ប្រទេសជាតិ ()
សម្តេចធិបតី ណែនាំក្រសួងសុខាភិបាល ត្រូវបន្តខិតខំត្រៀមវិធានការបង្ការនិងទប់ស្កាត់នូវការផ្ទុះឡើងនៃជំងឺអេបូឡា និងវីរុសហាន់តា ()
វីដែអូ