ព្រះវិហារ៖ លោកជំទាវកិត្តិបណ្ឌិត អុឹង កន្ថាផាវី រដ្ឋមន្ត្រីក្រសួងកិច្ចការនារី នារសៀលថ្ងៃទី១៦ ខែមីនា ឆ្នាំ២០២៦ បានអញ្ជើញចុះសួរសុខទុក្ខ និងនាំយកនូវស្បៀងនិងសម្ភារៈប្រើប្រាស់ ចែកជូនប្រជាពលរដ្ឋភៀសសឹកចំនួន ៤៥៣គ្រួសារ រួមទាំងស្ត្រីមានផ្ទៃពោះ ស្ត្រីដែលមានកូនតូច គ្រូពេទ្យ គ្រូបង្រៀន និងសិស្សានុសិស្ស ដែលកំពុងស្នាក់នៅក្នុងជំរុំភៀសសឹកវត្តឧត្តរគិរីទួលអណ្តែត ស្រុកគូលែន ខេត្តព្រះវិហារ ។ កម្មវិធីនេះធ្វើឡើង ក្នុងឱកាសអបអរសាទរខួបលើកទី១១៥ ទិវាអន្តរជាតិនារី ៨មីនា ឆ្នាំ២០២៦ ក្រោមប្រធានបទ «សន្តិភាព និងសន្តិសុខសម្រាប់ស្ត្រី និងគ្រួសារ»។ក្នុងឱកាសសំណេះសំណាលនេះ លោកជំទាវកិត្តិបណ្ឌិតរដ្ឋមន្ត្រី បានពាំនាំនូវការសួរសុខទុក្ខដោយក្តីនឹករលឹកបំផុតពី សម្ដេចធិបតី នាយករដ្ឋមន្ត្រី ព្រមទាំងលោកជំទាវបណ្ឌិត និងបានថ្លែងអំណរគុណដល់វីរកងទ័ព ក៏ដូចជាបងប្អូនប្រជាពលរដ្ឋដែលបានលះបង់ និងរួមសុខរួមទុក្ខនៅតាមបន្ទាត់ព្រំដែន។ លោកជំទាវបានគូសបញ្ជាក់ថា រាជរដ្ឋាភិបាលកម្ពុជាជានិច្ចកាលតែងតែប្រកាន់ខ្ជាប់នូវគោលនយោបាយ «មិនទុកនរណាម្នាក់ឱ្យនៅឯកោ» និងកំពុងខិតខំប្រឹងប្រែងដោះស្រាយរាល់បញ្ហាប្រឈមនានាដោយសន្តិវិធី ផ្អែកលើយន្តការច្បាប់ និងការទូតអន្តរជាតិ ដើម្បីធានាបាននូវអធិបតេយ្យភាពជាតិ បូរណភាពទឹកដី និងបង្កលក្ខណៈឱ្យបងប្អូនអាចវិលត្រឡប់ទៅកាន់លំនៅដ្ឋានវិញ ប្រកបដោយសុវត្ថិភាព និងមោទនភាព។លោកជំទាវកិត្តិបណ្ឌិតរដ្ឋមន្ត្រី បានថ្លែងអំណរគុណ និងកោតសរសើរដល់រដ្ឋបាលខេត្ត និងអង្គភាពពាក់ព័ន្ធទាំងអស់ រួមទាំងអាជ្ញាធរនៅមូលដ្ឋាន ដែលបានរួបរួមសាមគ្គីគ្នារៀបចំមណ្ឌលសុវត្ថិភាព ដល់ប្រជាពលរដ្ឋភៀសសឹក ដោយបង្កលក្ខណៈអំណោយផល និងសុវត្ថិភាព សម្រាប់ការស្នាក់នៅរបស់បងប្អូនភៀសសឹកទាំងអស់ ជាពិសេសស្ត្រី និងក្មេងស្រី៕
ព័ត៌មានគួរចាប់អារម្មណ៍
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
ឯកឧត្តម សុខ លូ អញ្ជើញជាអធិបតីក្នុងកិច្ចប្រជុំស្ដីពីការពង្រឹងលើការសម្របសម្រួលព័ត៌មាន និងដោះស្រាយសាធារណមតិក្នុងបណ្ដាញសង្គមស្ថិតក្នុងដែនសមត្ថកិច្ចខេត្តបាត់ដំបង ()
អភិបាលរាជធានីភ្នំពេញ៖ គិតត្រឹមថ្ងៃទី១២ ខែឧសភា ឆ្នាំ២០២៦ គណបក្សប្រជាជនកម្ពុជារាជធានីភ្នំពេញ មានសមាជិកគណបក្សជាង៧៨ម៉ឺននាក់ ស្មើនឹងចំនួន ៧៨,៨១% នៃចំនួនប្រជាពលរដ្ឋ ក្នុងបញ្ជីបោះឆ្នោតសរុប ()
សម្តេចធិបតី ផ្ញើសារយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាត ពីព្រោះនេះគឺជាមុខមាត់របស់ប្រទេសជាតិ ()
សម្តេចធិបតី ណែនាំក្រសួងសុខាភិបាល ត្រូវបន្តខិតខំត្រៀមវិធានការបង្ការនិងទប់ស្កាត់នូវការផ្ទុះឡើងនៃជំងឺអេបូឡា និងវីរុសហាន់តា ()
វីដែអូ