អ៊ីរ៉ង់៖ អ៊ីរ៉ង់បានចេញមុខរិះគន់យ៉ាងធ្ងន់ៗលើសហរដ្ឋអាម៉េរិក និងអ៊ីស្រាអ៊ែល ដោយចោទប្រកាន់ថា មហាអំណាចទាំងពីរនេះ គឺជាអ្នកបង្កសង្គ្រាមបំផ្លាញមនុស្សជាតិ និងបង្កើតភាពវឹកវរដល់សន្តិសុខតាមផ្លូវទឹកអន្តរជាតិ។ ទីក្រុងតេហរ៉ង់យល់ថា សកម្មភាពយោធារបស់អាម៉េរិក គឺជាទង្វើខុសច្បាប់ និងជាការរំលោភបំពានយ៉ាងធ្ងន់ធ្ងរដែលពិភពលោកមិនគួរមើលរំលង ។ចំពោះបញ្ហាច្រកសមុទ្រហ័រមូស អ៊ីរ៉ង់បានអះអាងពីអំណាចគ្រប់គ្រងទាំងស្រុងរបស់ខ្លួន ដោយបញ្ជាក់ថាមានតែនាវាមកពីប្រទេសជាមិត្តប៉ុណ្ណោះ ទើបអាចឆ្លងកាត់បាន។ អ៊ីរ៉ង់ បានព្រមានចំៗទៅកាន់អាម៉េរិក និងសម្ព័ន្ធមិត្តអាម៉េរិកថា មិនត្រូវប្រើប្រាស់ផ្លូវទឹកនេះជាមូលដ្ឋានដើម្បីវាយប្រហារលើខ្លួនឡើយ ហើយក៏បានជំរុញឱ្យប្រទេសដទៃកុំជួយជ្រោមជ្រែងដល់ផែនការរបស់លោក ដូណាល់ ត្រាំ ក្នុងការបញ្ជូនទ័ពមកបើកច្រកសមុទ្រនេះដោយបង្ខំ ។ជម្លោះដែលបានចាប់ផ្ដើមតាំងពីចុងខែកុម្ភៈមកនេះ បានប្រែទៅជាសង្គ្រាមទ្រង់ទ្រាយធំ បន្ទាប់ពីការបាត់បង់ជីវិតរបស់មេដឹកនាំកំពូលលោក អាលី ខាមីនី (Ali Khamenei)។ ការវាយបកសងសឹកពីសំណាក់អ៊ីរ៉ង់ និងក្រុមហេសបូឡាហ៍ ប្រឆាំងនឹងគោលដៅអាម៉េរិក និងអ៊ីស្រាអ៊ែល បានធ្វើឱ្យតំបន់មជ្ឈិមបូព៌ាទាំងមូលស្ថិតក្នុងស្ថានភាពអាសន្ន និងគ្មានសុវត្ថិភាពសម្រាប់ការធ្វើដំណើរ និងពាណិជ្ជកម្ម ។ផលប៉ះពាល់នៃសង្គ្រាមនេះ បានរីករាលដាលដល់សេដ្ឋកិច្ចសកលយ៉ាងដំណំ ដោយសារតែការរំខានដល់ការដឹកជញ្ជូនប្រេងតាមច្រកសមុទ្រហ័រមូស។ តម្លៃប្រេង ដែលបានហក់ឡើងខ្ពស់លើសពីកម្រិតធម្មតា បានបង្កជាវិបត្តិសេដ្ឋកិច្ច និងការតវ៉ានៅតាមបណ្ដាប្រទេសជាច្រើន ដែលបង្ហាញថាជម្លោះរវាងអាម៉េរិក-អ៊ីស្រាអ៊ែល និងអ៊ីរ៉ង់ មិនមែនជាបញ្ហាតំបន់ទៀតនោះទេ ប៉ុន្តែវាជាវិបត្តិសកលដែលកំពុងគំរាមកំហែងដល់ស្ថិរភាពពិភពលោក ៕
ព័ត៌មានគួរចាប់អារម្មណ៍
សម្ដេចតេជោ ហ៊ុន សែន ជំរុញឲ្យកម្ពុជា-វៀតណាម សហការគ្នាធានាសន្ដិសុខតាមព្រំដែន រួមគ្នាប្រយុទ្ធនឹងព័ត៌មានក្លែងក្លាយ ពិសេសចៀសវាងកុំឲ្យមានការប្រើប្រាស់កម្លាំងក្នុងប្រទេសណាមួយប្រឆាំងនឹងប្រទេសមួយទៀត រវាងកម្ពុជា-ឡាវ-វៀតណាម ()
សម្តេចតេជោ ហ៊ុន សែន សម្តែងការទទួលខុសត្រូវ និងសូមអភ័យទោសប្រជាពលរដ្ឋទូទាំងប្រទេស ដោយសារជឿទុកចិត្តប្រទេសថៃពេក និងមិនបានត្រៀមខ្លួនគ្រប់គ្រាន់ សម្រាប់ការប្រយុទ្ធ ()
សម្តេចធិបតី ហ៊ុន ម៉ាណែត អញ្ជើញបំពេញទស្សនកិច្ចផ្លូវការ នៅសាធារណរដ្ឋសង្គមនិយមវៀតណាម ()
អភិបាលខេត្តប៉ៃលិន អញ្ជើញបួងសួងសុំសេចក្តីសុខចម្រើនក្នុងឱកាសលើករូបសំណាកព្រះវិស្ណុធ្វើពីថ្មភ្នំដាក់លើរង្វង់មូលថ្មី ដើម្បីលើកកម្ពស់សោភណភាព និងសុវត្ថិភាព ក្នុងការធ្វើដំណើររបស់ប្រជាពលរដ្ឋ ()
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
វីដែអូ