ភ្នំពេញ៖ លោកទេសរដ្ឋមន្ត្រី កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា បានសរសេរនៅលេីហ្វេសបុកផ្លូវការរបស់លោក នៅថ្ងៃទី៥ ខែកុម្ភៈ ឆ្នាំ២០២៥ ថា វិធានការនានារបស់រាជរដ្ឋាភិបាល ខុសពីចំណាត់ការរបស់ក្រុមហ៊ុន ខុសគ្នាពីគណបក្សនយោបាយ ដែលមិនដឹកនាំរដ្ឋ។ រាល់លិខិតស្នាម ឬវិធានការណាមួយរបស់រដ្ឋត្រូវមានការគិតគូរដោយមានភាពល្អិតល្អន់បំផុតនូវផលប៉ះពាល់របស់វា។លោកទេសរដ្ឋមន្ត្រី កែវ រ៉េមី បានបន្តទៀតថា យ៉ាងណាមិញ រាល់លិខិតបណ្តឹងតវ៉ា ឬវិធានការតាមផ្លូវច្បាប់ដែលទាក់ទងទៅរដ្ឋណាមួយ ឬប្រទេសណាមួយ គឺកាន់តែត្រូវមានការប្រុងប្រយ័ត្នខ្ពស់បំផុត ហើយត្រូវតែរឹងមាំ និងដោយថ្លឹងថ្លែងនូវផលប្រយោជន៍ដែលទទួលបានយូរអង្វែង។ ការឈ្លានពានទឹកដីដោយប្រើកម្លាំងយោធាថៃដើម្បីកាន់កាប់ គឺមិនអាចទទួលបានដោយភាពស្របច្បាប់នោះទេ។លោកទេសរដ្ឋមន្ត្រី កែវ រ៉េមី ក៏បានសង្កត់ធ្ងន់ថា ប្រទេសកម្ពុជា ឬរាជរដ្ឋាភិបាលកម្ពុជា ដឹងច្បាស់ថានឹងដោះស្រាយតាមវិធីណា ពោលគឺ ត្រូវតែរក្សា និងឲ្យតម្លៃទៅលើអាយុជីវិតរបស់មនុស្សដែលរស់នៅតាមព្រំដែននៃប្ររទេសទាំងពីរ រួមទាំងប្រជាជនខ្មែរ និងប្រជាជនថៃ។ ដូចនេះពលរដ្ឋមេត្តាបន្តអត់ធ្មត់ និងជឿជាក់លើវិធានការដោះស្រាយរបស់រាជរដ្ឋាភិបាលកម្ពុជា៕
ព័ត៌មានគួរចាប់អារម្មណ៍
ឧកញ៉ា ឡេង សុខគា ដឹកនាំប្រតិភូសភាពាណិជ្ជកម្មកម្ពុជា ទស្សនា និងស្វែងយល់ពីបច្ចេកវិទ្យាកែច្នៃ និងវេចខ្ចប់នៃបណ្តាក្រុមហ៊ុនមួយចំនួន ដែលបានកំពុងដាក់តាំងបង្ហាញក្នុងកម្មវិធីពិព័រណ៍អន្តរជាតិក្រុងហូជីមីញ ()
ព្រឹកនេះ សម្តេចបវរធិបតី ហ៊ុន ម៉ាណែត ទទួលជួបលោកជំទាវ Zou Jiayi ប្រធាន និងជាប្រធានក្រុមប្រឹក្សាភិបាល នៃធនាគារវិនិយោគហេដ្ឋារចនាសម្ព័ន្ធអាស៊ី (AIIB) ()
រដ្ឋមន្ត្រីទេសចរណ៍៖ វិស័យទេសចរណ៍ គឺខ្វះព័ត៌មានមិនបានជាដាច់ខាត ()
កម្ពុជាបណ្ដេញជនបរទេសខុសច្បាប់ជាង ១,៥០០នាក់ បន្ថែមទៀតចេញពីកម្ពុជា ពាក់ព័ន្ធករណីឆបោកអនឡាញ ()
ព្រឹកនេះ សម្តេចបវរធិបតី ហ៊ុន ម៉ាណែត ទទួលជួបលោកស្រី Rabab Fatima អគ្គលេខាធិការរង អង្គការសហប្រជាជាតិ និងជាតំណាងជាន់ខ្ពស់សម្រាប់ប្រទេសអភិវឌ្ឍន៍តិចតួច ប្រទេសកំពុងអភិវឌ្ឍន៍ គ្មានព្រំដែនជាប់សមុទ្រ និងប្រទេសដីកោះកំពុងអភិវឌ្ឍន៍តូច ()
វីដែអូ