ភ្នំពេញ៖ លោកស្រី គឹម ស៊ីផាត់ រដ្ឋលេខាធិការប្រចាំការ ក្រសួងកិច្ចការនារី នៅថ្ងៃទី២៧ ខែកុម្ភៈ ឆ្នាំ២០២៦ បានមានប្រសាសន៍ថា នៅកម្ពុជា បញ្ហាពិការភ្នែក និងគំហើញចុះខ្សោយ គឺកំពុងស្ថិតនៅជាបញ្ហាសុខភាពសាធារណៈ ដែលតម្រូវឱ្យយើងទាំងអស់គ្នា យកចិត្តទុកដាក់កាត់បន្ថយឱ្យនៅកម្រិតទាបបំផុត តាមតែអាចធ្វើទៅបាន ឱ្យនៅត្រឹម ០.៣៥% នៅឆ្នាំ២០៣០ ព្រោះថា ៩០% នៃពិការភាព គឺអាចជៀសវាងបាន និងព្យាបាលបាន។ ថ្លែងក្នុងវគ្គបណ្តុះបណ្តាលស្តីពីបញ្ជ្រាបការយល់ដឹងសុខភាពភ្នែក និងការពិនិត្យព្យាបាលភ្នែក ផ្តល់វ៉ែនតាជូនថ្នាក់ដឹកនាំមនិងមន្ត្រីក្រសួងកិច្ចការនារី, លោកស្រី គឹម ស៊ីផាត់ បន្ថែមថា ទន្ទឹមនឹងនេះ វិសមភាពយេនឌ័រ (ភាពមិនស្មើគ្នារវាងបុរសនិងស្ត្រី) ក្នុងវិស័យសុខភាពភ្នែកនៅកម្ពុជា នៅតែបន្តកើតមាននៅឡើយ។ជាក់ស្តែង របាយការណ៍នៃការអង្កេតរហ័សថ្នាក់ជាតិ ស្តីពីភាពពិការភ្នែកដែលអាចជៀសវាងបាន ដែលបានរៀបចំឡើងដោយកម្មវិធីជាតិសុខភាពភ្នែក នៃក្រសួងសុខាភិបាល កាលពីឆ្នាំ២០១៩ បានបង្ហាញថា ក្នុងចំណោមមនុស្សចាស់ដែលមានអាយុ៥០ឆ្នាំឡើងទៅ ស្ត្រីមានអត្រាពិការភ្នែក២ដង ច្រើនជាងបុរស (ស្រ្តីមាន៣.២% បុរសមាន១.៦%)។ផ្ទុយទៅវិញ បើពិនិត្យមើលទៅលើតួលេខអ្នកជំងឺដែលបានមកទទួលការព្យាបាល និងបកបាយភ្នែកវិញ ឃើញថា ស្ត្រីបានមកទទួលការព្យាបាល និងបកបាយភ្នែក មានអត្រាតិចជាងបុរសទៅវិញ គឺបុរសទទួលបាន ៧៨.៥% រីឯស្រ្តីវិញទទួលបានត្រឹមតែ ៦៨.៥% ប៉ុណ្ណោះ។ ការអង្កេតរហ័សនេះបានបង្ហាញផងដែរថា មានកត្តាឧបសគ្គប្រឈមមួយចំនួនក្នុងការទទួលបានសេវាព្យាបាល គឺ ១៥.៤%នៃស្រ្តី ឆ្លើយថា មិនមានថវិកាទៅទទួលការព្យាបាល រីឯបុរសវិញមានតែ ៩.៥%ទេ។ ម៉្យាងទៀត ប្រមាណ ៧៥% នៃប្រជាជនដែលមិនបានទៅទទួលសេវា មិនដែលបានទទួលព័ត៌មានស្តីពីសុខភាពភ្នែកទេ។លោកស្រី បានវាយតម្លៃខ្ពស់ ចំពោះកិច្ចសហការយ៉ាងល្អ រវាងក្រសួងកិច្ចការនារី កម្មវិធីជាតិសុខភាពភ្នែក នៃក្រសួងសុខាភិបាល មូលនិធិហ្វ្រេដហូឡូ ក្រុមហ៊ុនដៃគូ ដែលបានសហការគ្នា រៀបចំឱ្យមានកម្មវិធីនេះ ដែលបានផ្តល់ចំណេះដឹងស្តីពីសុខភាពភ្នែក ហើយប្រសិនបើលោកអ្នកមានបញ្ហាភ្នែក ត្រូវប្រញាប់ទៅពិនិត្យភ្នែកនៅមន្ទីរពេទ្យដែលមានជំនាញភ្នែកឱ្យបានទាន់ពេលវេលា ចៀសវាងការពិការភ្នែកដែលអាចជៀសវាងបាន៕
ព័ត៌មានគួរចាប់អារម្មណ៍
ឧកញ៉ា ឡេង សុខគា ដឹកនាំប្រតិភូសភាពាណិជ្ជកម្មកម្ពុជា ទស្សនា និងស្វែងយល់ពីបច្ចេកវិទ្យាកែច្នៃ និងវេចខ្ចប់នៃបណ្តាក្រុមហ៊ុនមួយចំនួន ដែលបានកំពុងដាក់តាំងបង្ហាញក្នុងកម្មវិធីពិព័រណ៍អន្តរជាតិក្រុងហូជីមីញ ()
ព្រឹកនេះ សម្តេចបវរធិបតី ហ៊ុន ម៉ាណែត ទទួលជួបលោកជំទាវ Zou Jiayi ប្រធាន និងជាប្រធានក្រុមប្រឹក្សាភិបាល នៃធនាគារវិនិយោគហេដ្ឋារចនាសម្ព័ន្ធអាស៊ី (AIIB) ()
រដ្ឋមន្ត្រីទេសចរណ៍៖ វិស័យទេសចរណ៍ គឺខ្វះព័ត៌មានមិនបានជាដាច់ខាត ()
កម្ពុជាបណ្ដេញជនបរទេសខុសច្បាប់ជាង ១,៥០០នាក់ បន្ថែមទៀតចេញពីកម្ពុជា ពាក់ព័ន្ធករណីឆបោកអនឡាញ ()
ព្រឹកនេះ សម្តេចបវរធិបតី ហ៊ុន ម៉ាណែត ទទួលជួបលោកស្រី Rabab Fatima អគ្គលេខាធិការរង អង្គការសហប្រជាជាតិ និងជាតំណាងជាន់ខ្ពស់សម្រាប់ប្រទេសអភិវឌ្ឍន៍តិចតួច ប្រទេសកំពុងអភិវឌ្ឍន៍ គ្មានព្រំដែនជាប់សមុទ្រ និងប្រទេសដីកោះកំពុងអភិវឌ្ឍន៍តូច ()
វីដែអូ