ប្រេស៊ីល៖ មេដឹកនាំសហជីព និងកម្មករក្នុងវិស័យប្រេង បានប្រមូលផ្តុំគ្នានៅមុខទីស្នាក់ការក្រុមហ៊ុនប្រេងរដ្ឋ ប៉េត្រូប្រាស (Petrobras) ក្នុងទីក្រុងរីអូដឹជេនីរ៉ូ (Rio de Janeiro) កាលពីថ្ងៃព្រហស្បតិ៍ ដោយអំពាវនាវដល់ក្រុមហ៊ុន និងប្រធានាធិបតីប្រេស៊ីល លោក ល្វីស អ៊ីណាស្យូ លូឡា ដា ស៊ីលវ៉ា (Luiz Inacio Lula da Silva) ឱ្យបញ្ជូនប្រេងឥន្ធនៈទៅកាន់ប្រទេសគុយបា ដើម្បីដោះស្រាយបញ្ហាខ្វះថាមពលធ្ងន់ធ្ងរដែលកំពុងកើតមាននៅលើប្រទេសកោះមួយនេះ ។អំឡុងព្រឹត្តិការណ៍នោះ ក្រុមអ្នកតវ៉ា បានធ្វើការចោទប្រកាន់ប្រទេសមហាអំណាចថា កំពុងដាក់សម្ពាធ និងរារាំងគុយបាតាមរយៈគោលនយោបាយដែលពួកគេហៅថាជាការឈ្លានពានបែបអាណានិគមនិយម ។សមាជិកនៃសហព័ន្ធកម្មករប្រេង និងឧស្ម័នប្រេស៊ីល (FUP) លោកស្រី ស៊ីប៊ីឡេ វីអ៊ីរ៉ា (Sibele Vieira) បានលើកឡើងថា ប្រេងគួរតែត្រូវប្រើប្រាស់ដើម្បីផលប្រយោជន៍មនុស្សធម៌ មិនមែនធ្វើឱ្យប្រជាជនរងទុក្ខនោះទេ។ លោកស្រីបន្ថែមថា ប្រេស៊ីលមិនគួរអង្គុយមើលវិបត្តិថាមពលនៅគុយបាដោយមិនជួយអ្វីឡើយ ។សមាជិកសភាពីគណបក្សសង្គមនិយម និងសេរីភាព (Socialism and Liberty) លោក គ្លោប៊ើរ ប្រាហ្គា(Glauber Braga) បានរៀបរាប់ថា គុយបាកំពុងរងនូវការបិទខ្ទប់ផ្នែកមនុស្សធម៌ ហើយការការពារគុយបា គឺជារឿងមនុស្សធម៌ និងមិនមែនជារឿងនយោបាយនោះទេ ។គួររំឭកថា បញ្ហានេះបានកើតឡើងបន្ទាប់ពីសហរដ្ឋអាម៉េរិក បានដាក់ទណ្ឌកម្មលើបណ្តាប្រទេសដែលធ្វើពាណិជ្ជកម្មប្រេងជាមួយគុយបា ដែលបានធ្វើឱ្យវិបត្តិថាមពលនៅទីនោះកាន់តែធ្ងន់ធ្ងរ រហូតប៉ះពាល់ដល់សេវាសុខាភិបាល សកលវិទ្យាល័យ និងការដឹកជញ្ជូនសាធារណៈ ដោយសារតែកង្វះប្រេង និងការដាច់ចរន្តអគ្គិសនីញឹកញាប់។ ទោះជាយ៉ាងណាក៏ដោយ ក្រសួងរតនាគារជាតិអាម៉េរិក ប្រកាសថា នឹងអនុញ្ញាតឱ្យមានការលក់ប្រេងពីវេណេហ្ស៊ូអ៊ីឡាទៅគុយបាតាមរយៈអាជ្ញាបណ្ណពិសេស បើប្រតិបត្តិការនោះ មានគោលបំណងគាំទ្រប្រជាជន និងមិនពាក់ព័ន្ធជាមួយរដ្ឋាភិបាលគុយបាដោយផ្ទាល់ ៕
ព័ត៌មានគួរចាប់អារម្មណ៍
ឧកញ៉ា ឡេង សុខគា ដឹកនាំប្រតិភូសភាពាណិជ្ជកម្មកម្ពុជា ទស្សនា និងស្វែងយល់ពីបច្ចេកវិទ្យាកែច្នៃ និងវេចខ្ចប់នៃបណ្តាក្រុមហ៊ុនមួយចំនួន ដែលបានកំពុងដាក់តាំងបង្ហាញក្នុងកម្មវិធីពិព័រណ៍អន្តរជាតិក្រុងហូជីមីញ ()
ព្រឹកនេះ សម្តេចបវរធិបតី ហ៊ុន ម៉ាណែត ទទួលជួបលោកជំទាវ Zou Jiayi ប្រធាន និងជាប្រធានក្រុមប្រឹក្សាភិបាល នៃធនាគារវិនិយោគហេដ្ឋារចនាសម្ព័ន្ធអាស៊ី (AIIB) ()
រដ្ឋមន្ត្រីទេសចរណ៍៖ វិស័យទេសចរណ៍ គឺខ្វះព័ត៌មានមិនបានជាដាច់ខាត ()
កម្ពុជាបណ្ដេញជនបរទេសខុសច្បាប់ជាង ១,៥០០នាក់ បន្ថែមទៀតចេញពីកម្ពុជា ពាក់ព័ន្ធករណីឆបោកអនឡាញ ()
ព្រឹកនេះ សម្តេចបវរធិបតី ហ៊ុន ម៉ាណែត ទទួលជួបលោកស្រី Rabab Fatima អគ្គលេខាធិការរង អង្គការសហប្រជាជាតិ និងជាតំណាងជាន់ខ្ពស់សម្រាប់ប្រទេសអភិវឌ្ឍន៍តិចតួច ប្រទេសកំពុងអភិវឌ្ឍន៍ គ្មានព្រំដែនជាប់សមុទ្រ និងប្រទេសដីកោះកំពុងអភិវឌ្ឍន៍តូច ()
វីដែអូ