មណ្ឌលគីរី៖ ក្នុងយុទ្ធនាការរឹតបន្តឹងច្បាប់ស្តីពីព្រៃឈើ កម្លាំងចម្រុះខេត្តមណ្ឌលគីរី បានចុះបង្ក្រាបទីតាំងសន្និធិផល-អនុផលព្រៃឈើដោយគ្មានការអនុញ្ញាតមួយកន្លែង នាពីព្រឹកថ្ងៃទី២៣ ខែមករា ឆ្នាំ២០២៦ ស្ថិតក្នុងភូមិដោះក្រមុំ សង្កាត់សុខដុម ក្រុងសែនមនោរម្យ។ ប្រតិបត្តិការនេះបានកំណត់មុខសញ្ញាច្បាស់លាស់លើផ្ទះរបស់ជនសង្ស័យឈ្មោះ ប្រាក់ គា ភេទប្រុស អាយុ ៤១ឆ្នាំ មុខរបរជាអ្នកបើកបរ។យោងតាមរបាយការណ៍បានឱ្យដឹងថា នៅពេលសមត្ថកិច្ចចុះទៅដល់ចំណុចនិយាមកា (៧៣៧៥១០-១៣៧៨៩៩៤)។ ជនសង្ស័យឈ្មោះ ប្រាក់ គា បានបើករថយន្តម៉ាក LEXUS LX470 ពណ៌ខ្មៅ គេចខ្លួនចេញពីលំនៅឋានភ្លាមៗ។ ទោះជាយ៉ាងណា ដោយមានការសម្របសម្រួលនីតិវិធីពីលោក ស៊ាវ ងីឈាន់ ព្រះរាជអាជ្ញារងអមសាលាដំបូងខេត្តមណ្ឌលគីរី និងមានការចូលរួមសហការពីឈ្មោះ សែន សារ៉ាយ ដែលត្រូវជាឪពុកក្មេកម្ចាស់ផ្ទះ ក្នុងនាមជាសាក្សី សមត្ថកិច្ចបានឈានទៅធ្វើការឆែកឆេរក្នុងបរិវេណផ្ទះទាំងមូល។ក្រោយការត្រួតពិនិត្យយ៉ាងល្អិតល្អន់ ក្រុមការងារចម្រុះដែលដឹកនាំដោយខណ្ឌរដ្ឋបាលព្រៃឈើមណ្ឌលគីរី រួមនឹងកម្លាំងនគរបាល និងកងរាជអាវុធហត្ថ បានរកឃើញ និងដកហូតវត្ថុតាង រួមមាន ឈើអារប្រភេទលេខ១ និងលេខ២ (សុក្រម និងខ្វាវ)៖ សរុបចំនួន ៥៥ ដុំ/សន្លឹក (ពុំទាន់វាស់វែង)។ មធ្យោបាយដឹកជញ្ជូន មានរថយន្តចំនួន ១គ្រឿង ម៉ាក TACOMA ពណ៌ទឹកប្រាក់ ពាក់ស្លាកលេខ ភ្នំពេញ 2BE-9673 ដែលប្រើប្រាស់សម្រាប់សកម្មភាពដឹកជញ្ជូនឈើខុសច្បាប់។អាជ្ញាធរបានសង្កត់ធ្ងន់ថា សកម្មភាពប្រមូលផល និងសន្និធិផល-អនុផលព្រៃឈើដោយគ្មានលិខិតអនុញ្ញាតនេះ គឺជាការរំលោភបំពានយ៉ាងធ្ងន់ធ្ងរលើច្បាប់ស្តីពីព្រៃឈើ។ បច្ចុប្បន្នវត្ថុតាងឈើ និងរថយន្តត្រូវបានបញ្ជូនទៅរក្សាទុកជាបណ្តោះអាសន្ននៅស្នាក់ការខណ្ឌរដ្ឋបាលព្រៃឈើមណ្ឌលគិរី ដើម្បីរៀបចំសំណុំរឿងបញ្ជូនទៅតុលាការ និងបន្តនីតិវិធីតាមច្បាប់ជាធរមាន។ប្រតិបត្តិការនេះ បានបង្ហាញពីការប្តេជ្ញាចិត្តខ្ពស់របស់រដ្ឋបាលព្រៃឈើខេត្តមណ្ឌលគិរី ក្នុងការលុបបំបាត់រាល់សកម្មភាពមេខ្លោងឈើ ដែលចាក់ឫសយ៉ាងជ្រៅក្នុងខេត្តមួយនេះ ដោយមិនមានការយោគយល់ឡើយ។ ទន្ទឹមនេះ មហាជនបានសម្តែងការគាំទ្រចំពោះចំណាត់ការក្តៅនេះ និងរង់ចាំមើលការអនុវត្តច្បាប់ចំពោះបុគ្គលឈ្មោះ ប្រាក់ គា ដែលបានរត់គេចខ្លួនពីកន្លែងកើតហេតុ៕
ព័ត៌មានគួរចាប់អារម្មណ៍
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត មានគំនិតផ្តួចផ្តើមដ៏ឈ្លាសវៃបំផុតលើចលនា «យើងរួមគ្នាដើម្បីជាតិ!» ដោយបំផុស សមាជិកកាយឫទ្ធិនារីកម្ពុជា រួមទាំងបងប្អូនខ្មែរទាំងអស់នាំគ្នាដាំបន្លែ ប្រមូលផលទុកជូនវីរកងទ័ព និងប្រជាជនភៀសសឹក ()
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បើកព្រឹត្តិការណ៍បោះជំរំសមាគមកាយឫទ្ធិនារីកម្ពុជា ឆ្នាំ២០២៥ នៅភ្នំគិរីរម្យ ក្រោមប្រធានបទ “ស្វែងយល់ខ្លួនឯង ដើម្បីអនាគតខ្លួនឯង”យ ()
កិច្ចប្រជុំពេញអង្គគណៈរដ្ឋមន្ត្រីបានអនុម័តលើសេចក្តីព្រាងច្បាប់ស្តីពីការអនុម័តយល់ព្រមលើពិធីសារទី៣ ស្តីពីការពង្រីកសិទ្ធិហោះហើរទី៥រវាងភាគីចុះកិច្ចព្រមព្រៀង ក្រោមកិច្ចព្រមព្រៀងដឹកជញ្ជូនតាមផ្លូវអាកាសរវាងរដ្ឋាភិបាលនៃរដ្ឋសមាជិកសមាគមប្រជាជាតិអាស៊ីអាគ្នេយ៍និងរដ្ឋាភិបាលនៃសាធារណរដ្ឋប្រជាមានិតចិន ()
ក្រសួងការបរទេស ចេញសេចក្តីប្រកាសព័ត៌មានអំពីការចុះហត្ថលេខាលើសេចក្តីថ្លែងការណ៍រួម ដោយនាយករដ្ឋមន្ត្រីកម្ពុជា និងនាយករដ្ឋមន្ត្រីថៃ នៅទីក្រុងគូឡាឡាំពួ ដោយមានប្រធានាធិបតីអាមេរិក និងប្រធានអាស៊ានជាសាក្សី ()
សម្តេចមហាបវរធិបតី ហ៊ុន ម៉ាណែត រួមជាមួយថ្នាក់ដឹកនាំ នៃបណ្តាប្រទេសជាសមាជិកអាស៊ានចុះហត្ថលេខាលើសេចក្តីថ្លែងការណ៍ ស្តីពីការចូលជាសមាជិកអាស៊ានរបស់ប្រទេសទីម័រឡេស្តេ ()
វីដែអូ