ភ្នំពេញ៖ ក្រសួងបរិស្ថាន ជាមួយអង្គការសត្វព្រៃ និងរុក្ខជាតិប្រចាំកម្ពុជា បានប្រកាសចេញផ្សាយនូវសៀវភៅដែលមានចំណងជើងថា "ល្អាងភ្នំនៅក្នុងប្រទេសកម្ពុជា៖ គោលការណ៍ណែនាំសម្រាប់ការអភិវឌ្ឍ និងការគ្រប់គ្រងប្រកបដោយចីរភាព"។ល្អាងភ្នំលាក់ខ្លួននៅតំបន់ទេសភាពភ្នំថ្មកំបោរដ៏អស្ចារ្យ មានតម្លៃដ៏ពិសេសសម្រាប់វប្បធម៌ ជីវសាស្ត្រ និងសេដ្ឋកិច្ច។ ទោះបីល្អាងភ្នំផ្តល់សារៈសំខាន់ជាច្រើនក៏ដោយ ក៏ការយល់ដឹងអំពីបរិស្ថាន និងសក្តានុពលរបស់ល្អាងភ្នំទាំងនោះនៅមានកម្រិតនៅឡើយ ភាគច្រើនគឺពុំទាន់មានការគ្រប់គ្រងឱ្យបានត្រឹមត្រូវនៅឡើយទេ ខណៈការគំរាមកំហែងកំពុងតែបន្តកើនឡើងជាប្រចាំ។គោលការណ៍ណែនាំនេះនឹងជួយបង្កើននូវចំណេះដឹង និងវិធីសាស្ត្រនានាដែលចាំបាច់ក្នុងការការពារ និងគ្រប់គ្រងតំបន់ភ្នំថ្មកំបោរ ព្រមទាំងល្អាងភ្នំ នៅទូទាំងប្រទេសកម្ពុជាប្រកបដោយចីរភាព។ការរៀបចំគោលការណ៍ណែនាំនេះ ទទួលបានផ្តល់មូលនិធិគាំទ្រពីសហភាពអឺរ៉ុប តាមរយៈគម្រោង “ការអភិរក្សជីវៈចម្រុះ ដើម្បីកាត់បន្ថយហានិភ័យនៃជំងឺឆ្លង” (BCOMING) ដែលដឹកនាំគម្រោងដោយអង្គការ CIRAD និងមូលនិធិ Darwin Initiative តាមរយៈគម្រោង "ការកសាងសមត្ថភាព សម្រាប់ការអភិរក្សតំបន់ភ្នំថ្មកំបោរ និងល្អាងភ្នំនៅប្រទេសកម្ពុជា និងមីយ៉ាន់ម៉ា"៕
ព័ត៌មានគួរចាប់អារម្មណ៍
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
ឯកឧត្តម សុខ លូ អញ្ជើញជាអធិបតីក្នុងកិច្ចប្រជុំស្ដីពីការពង្រឹងលើការសម្របសម្រួលព័ត៌មាន និងដោះស្រាយសាធារណមតិក្នុងបណ្ដាញសង្គមស្ថិតក្នុងដែនសមត្ថកិច្ចខេត្តបាត់ដំបង ()
អភិបាលរាជធានីភ្នំពេញ៖ គិតត្រឹមថ្ងៃទី១២ ខែឧសភា ឆ្នាំ២០២៦ គណបក្សប្រជាជនកម្ពុជារាជធានីភ្នំពេញ មានសមាជិកគណបក្សជាង៧៨ម៉ឺននាក់ ស្មើនឹងចំនួន ៧៨,៨១% នៃចំនួនប្រជាពលរដ្ឋ ក្នុងបញ្ជីបោះឆ្នោតសរុប ()
សម្តេចធិបតី ផ្ញើសារយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាត ពីព្រោះនេះគឺជាមុខមាត់របស់ប្រទេសជាតិ ()
សម្តេចធិបតី ណែនាំក្រសួងសុខាភិបាល ត្រូវបន្តខិតខំត្រៀមវិធានការបង្ការនិងទប់ស្កាត់នូវការផ្ទុះឡើងនៃជំងឺអេបូឡា និងវីរុសហាន់តា ()
វីដែអូ