កំពង់ស្ពឺ៖ ដោយមានការចង្អុលបង្ហាញតម្រែតម្រង់ទិសនិងយកគំរូដឹកនាំប្រកបដោយគុណធម៏របស់ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស និងមានការណែនាំពីសំណាក់ ឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តកំពង់ស្ពឺ នៅព្រឹកថ្ងៃទី៩ ខែមករា ឆ្នាំ២០២៦ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ បានអញ្ជើញដឹកនាំក្រុមការងារកងរាជអាវុធហត្ថ និងមានការចូលរួមពីក្រុមការងារសហភាពសហព័ន្ធយុវជនកម្ពុជាខេត្តកំពង់ស្ពឺ (ស.ស.យ.ក. កំពង់ស្ពឺ)ចុះសួរសុខទុក្ខ គ្រួសារដែលត្រូវភ្លើងឆេះផ្ទះ ស្ថិតនៅភូមិក្បាលគៀយ ឃុំក្រាំងចេក ស្រុកសាមគ្គីមុនីជ័យ ខេត្តកំពង់ស្ពឺ។ដោយប្ដីមានឈ្មោះ ឌឿក នន អាយុ ៥៦ឆ្នាំ និងប្រពន្ធមានឈ្មោះ សុឹម យ៉ុម អាយុ ៥៣ឆ្នាំ មានកូន២នាក រួមមាន៖ទី១.ឈ្មោះ វ៉ា សុីវឿន ភេទប្រុស អាយុ២៣ឆ្នាំ និងទី២.ឈ្មោះ វ៉ា ណារី ភេទស្រី អាយុ ១៨ឆ្នាំដោយបច្ចុប្បន្នរស់នៅភូមិក្បាលគៀយ ឃុំក្រាំងចេក ស្រុកសាមគ្គីមុនីជ័យ ខេត្តកំពង់ស្ពឺ។ក្នុងពេលអញ្ជើញចុះសួរសុខទុក្ខនោះដែរ លោកឧត្តមសេនីយ៍ត្រី ម៉េង ស្រ៊ុន បានចូលរួមសំដែងនូវការសោកស្តាយ ចំពោះការបាត់បង់ផ្ទះសំបែងដោយសារអគ្គិភ័យមួយនេះ ព្រមទាំងបានលើកទឹកចិត្តដល់គាត់ឲ្យបន្តខិតខំប្រឹងប្រែងក្នុងជីវភាពរស់នៅទៅមុខទៀត។ជាទឹកចិត្តសប្បុរសធម៏ ជួយគ្នាក្នុងគ្រាលំបាក លោកឧត្តមសេនីយ៍ត្រី ម៉េង ស្រ៊ុន បាននាំយកនូវថវិកាចំនួន ២០០,០០០រៀល និងគ្រឿងឧបភោគបរិភោគរួមមាន(អង្ក ២បាវ,មី ២កេស, ទឹកសុទ្ធ ២កេស, ទឹកផ្លែឈើ ២កេស, ទឹកត្រី ២យួរ, ទឹកសុីអុីវ ២យួរ និងត្រីខ ២យួរ ព្រមទាំងមានសម្ភារះដំនេក ភួយចំនួន៤ និងខ្នើយ ស្រោមខ្នើយចំនួន៤ថែមទៀត ហើយក៏បានជូនជាថវិកាដល់ចាស់ជរាចំនួន ២នាក់ ក្នុងម្នាក់ៗទទួលបានថវិកា ១០០,០០០រៀលផងដែរ។ជាចុងក្រោយ លោក ឌឿក នន ព្រមទាំងក្រុមគ្រួសារ បានថ្លែងអំណរអរគុណយ៉ាងជ្រាលជ្រៅបំផុតចំពោះ លោកឧត្តមសេនីយ៍ត្រី ម៉េង ស្រ៊ុន និងក្រុមការងារកងរាជអាវុធហត្ថខេត្តកំពង់ស្ពឺ ដែលបានចំណាយពេលមក ចុះសួរសុខទុក្ខក្រុមគ្រួសាររបស់គាត់នាពេលដែលគាត់កំពុងតែជួបការលំបាក ដោយសារភ្លើងឆេះផ្ទះនេះ និងបានជូនពរជ័យសេរីមង្គលដល់លោកឧត្តមសេនីយ៍ត្រី ម៉េង ស្រ៊ុន និងក្រុមគ្រួសារ បុត្រា បុត្រី ព្រមទាំងក្រុមការងារកងរាជអាវុធហត្ថខេត្តកំពង់ស្ពឺទាំងអស់ សូមមានជន្មាយុយឺនយូរ ជួបប្រទះតែសេចក្តីសុខ សេចក្តីចម្រើន មានសុភមង្គលក្នុងក្រុមគ្រួសារ មានសុខភាពល្អបរិបូរណ៍ និងសូមប្រកបដោយពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
ព័ត៌មានគួរចាប់អារម្មណ៍
សម្ដេចតេជោ ហ៊ុន សែន ជំរុញឲ្យកម្ពុជា-វៀតណាម សហការគ្នាធានាសន្ដិសុខតាមព្រំដែន រួមគ្នាប្រយុទ្ធនឹងព័ត៌មានក្លែងក្លាយ ពិសេសចៀសវាងកុំឲ្យមានការប្រើប្រាស់កម្លាំងក្នុងប្រទេសណាមួយប្រឆាំងនឹងប្រទេសមួយទៀត រវាងកម្ពុជា-ឡាវ-វៀតណាម ()
សម្តេចតេជោ ហ៊ុន សែន សម្តែងការទទួលខុសត្រូវ និងសូមអភ័យទោសប្រជាពលរដ្ឋទូទាំងប្រទេស ដោយសារជឿទុកចិត្តប្រទេសថៃពេក និងមិនបានត្រៀមខ្លួនគ្រប់គ្រាន់ សម្រាប់ការប្រយុទ្ធ ()
សម្តេចធិបតី ហ៊ុន ម៉ាណែត អញ្ជើញបំពេញទស្សនកិច្ចផ្លូវការ នៅសាធារណរដ្ឋសង្គមនិយមវៀតណាម ()
អភិបាលខេត្តប៉ៃលិន អញ្ជើញបួងសួងសុំសេចក្តីសុខចម្រើនក្នុងឱកាសលើករូបសំណាកព្រះវិស្ណុធ្វើពីថ្មភ្នំដាក់លើរង្វង់មូលថ្មី ដើម្បីលើកកម្ពស់សោភណភាព និងសុវត្ថិភាព ក្នុងការធ្វើដំណើររបស់ប្រជាពលរដ្ឋ ()
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
វីដែអូ