ភ្នំពេញ៖ នាព្រឹកថ្ងៃទី១៤ ខែតុលា ឆ្នាំ២០២៦នេះ ឯកឧត្តមបណ្ឌិត ហេង សុផាន់ណារិទ្ធ អគ្គនាយករង ប.ស.ស. បានអញ្ជើញដឹកនាំកិច្ចប្រជុំបូកសរុបលទ្ធផលការងារសម្រេចបានប្រចាំខែកញ្ញ និងដាក់ទិសដៅអនុវត្តការងារបន្តសម្រាប់ខែតុលា ឆ្នាំ២០២៦ របស់នាយកដ្ឋានរដ្ឋបាល និងគ្រប់គ្រងធនធានមនុស្ស នៃ ប.ស.ស.។ក្រោយពីបានស្ដាប់នូវការរាយការណ៍រួចមក ឯកឧត្តមបណ្ឌិតអគ្គនាយករង ប.ស.ស. បានផ្តល់អនុសាសន៍ណែនាំដល់ថ្នាក់ដឹកនាំ មន្រ្តី និងបុគ្គលិក នៃនាយកដ្ឋានរដ្ឋបាល និងគ្រប់គ្រងធនធានមនុស្ស ត្រូវយកចិត្តទុកដាក់លើការអនុវត្តបទបញ្ជាផ្ទៃក្នុង ការពង្រឹងវិន័យការងារ ការថែទាំអគារ ការថែរក្សាអនាម័យក្នុងបរិវេណអគារ សួនច្បារ សម្ភារៈការិយាល័យ និងចាត់ចែងឯកសាររដ្ឋបាលផ្សេងៗទៅគ្រប់អង្គភាពក្រោមឱវាទ ប.ស.ស. ព្រមទាំងស្ថាប័នពាក់ព័ន្ធឱ្យបានទាន់ពេលវេលា ជាពិសេសត្រូវត្រួតពិនិត្យសណ្ដាប់ធ្នាប់ការចេញ-ចូលរបស់បុគ្គលិក ប.ស.ស. និងភ្ញៀវ តាមរយៈការផ្ដល់ប័ណ្ណសម្គាល់ខ្លួនឱ្យបានម៉ត់ចត់បំផុត។នៅទីបញ្ចប់ ឯកឧត្តមបណ្ឌិតអគ្គនាយករង ក៏បានសម្តែងនូវការកោតសរសើរយ៉ាងស្មោះ ចំពោះថ្នាក់ដឹកនាំ មន្ត្រី និងបុគ្គលិក នៃនាយកដ្ឋានរដ្ឋបាល និងគ្រប់គ្រងធនធានមនុស្ស ដែលកន្លងមកបានសាមគ្គីគ្នាបំពេញការងារយ៉ាងរលូន និងមានប្រសិទ្ធភាពខ្ពស់ ដើម្បីជំរុញសកម្មភាពការងាររបស់ ប.ស.ស. ឱ្យកាន់តែមានប្រសិទ្ធភាព និងជោគជ័យបន្ថែមទៀត។សូមបញ្ជាក់ថា៖ កិច្ចប្រជុំខាងលើនេះ ប្រព្រឹត្តទៅនៅស្នាក់ការកណ្តាលរាជធានីភ្នំពេញ ដោយមានការចូលរួម ពីលោកស្រីប្រធាននាយកដ្ឋាន លោក លោកស្រី អនុប្រធាននាយកដ្ឋាន លោក លោកស្រី ប្រធាន អនុប្រធានការិយាល័យ នៃនាយកដ្ឋានរដ្ឋបាល និងគ្រប់គ្រងធនធានមនុស្ស៕
ព័ត៌មានគួរចាប់អារម្មណ៍
គណៈរដ្ឋមន្ត្រីប្រជុំពិនិត្យរបាយការណ៍វឌ្ឍនភាពនៃការអនុវត្តវិធានការគន្លឹះក្នុងការពង្រឹងសមត្ថភាពរដ្ឋបាលសាធារណៈ ដើម្បីជំរុញនិងលើកកម្ពស់ការអនុវត្តការងារកែទម្រង់រដ្ឋបាលសាធារណៈ ឱ្យមានប្រសិទ្ធភាពខ្ពស់ ()
សម្ដេចតេជោ ហ៊ុន សែន ជំរុញឲ្យកម្ពុជា-វៀតណាម សហការគ្នាធានាសន្ដិសុខតាមព្រំដែន រួមគ្នាប្រយុទ្ធនឹងព័ត៌មានក្លែងក្លាយ ពិសេសចៀសវាងកុំឲ្យមានការប្រើប្រាស់កម្លាំងក្នុងប្រទេសណាមួយប្រឆាំងនឹងប្រទេសមួយទៀត រវាងកម្ពុជា-ឡាវ-វៀតណាម ()
សម្តេចតេជោ ហ៊ុន សែន សម្តែងការទទួលខុសត្រូវ និងសូមអភ័យទោសប្រជាពលរដ្ឋទូទាំងប្រទេស ដោយសារជឿទុកចិត្តប្រទេសថៃពេក និងមិនបានត្រៀមខ្លួនគ្រប់គ្រាន់ សម្រាប់ការប្រយុទ្ធ ()
សម្តេចធិបតី ហ៊ុន ម៉ាណែត អញ្ជើញបំពេញទស្សនកិច្ចផ្លូវការ នៅសាធារណរដ្ឋសង្គមនិយមវៀតណាម ()
អភិបាលខេត្តប៉ៃលិន អញ្ជើញបួងសួងសុំសេចក្តីសុខចម្រើនក្នុងឱកាសលើករូបសំណាកព្រះវិស្ណុធ្វើពីថ្មភ្នំដាក់លើរង្វង់មូលថ្មី ដើម្បីលើកកម្ពស់សោភណភាព និងសុវត្ថិភាព ក្នុងការធ្វើដំណើររបស់ប្រជាពលរដ្ឋ ()
វីដែអូ