ប៉ាណាម៉ា៖ គ្រោះរញ្ជួយដីដ៏ខ្លាំងមួយកម្រិត ៧,៧ រ៉ិចទ័រ បានអង្រួនប្រទេសប៉ាណាម៉ា កាលពីថ្ងៃសុក្រ ទី៩ ខែតុលា ឆ្នាំ២០២៦ បណ្តាលឱ្យអគារ ផ្លូវថ្នល់ និងស្ពាននៅតំបន់ភាគកណ្តាលប្រទេស រងការបំផ្លិចបំផ្លាញ ប៉ុន្តែមិនទាន់មានសេចក្តីរាយការណ៍អំពីអ្នកស្លាប់ ឬរបួសនៅឡើយទេ។ នេះបើតាមការចេញផ្សាយដោយ ទីភ្នាក់ងារព័ត៌មាន AFP។ហេតុការណ៍រញ្ជួយដីកម្រិតធ្ងន់ ហើយមានជម្រៅរាក់នេះ បានបង្កភាពរំញ័រពាសពេញប្រទេសប៉ាណាម៉ា ដែលមានប្រជាជនសរុបប្រមាណ ៤,៥លាននាក់។ ការញ័ររញ្ជួយមានរយៈពេលប្រហែលមួយនាទី។ នៅទីក្រុងប៉ាណាម៉ា ដែលស្ថិតនៅចម្ងាយប្រហែល ២០០គីឡូម៉ែត្រពី ចំណុចរំញ័រកណ្តាលនៃគ្រោះរញ្ជួយដី គេឃើញមានទិដ្ឋភាពភ័យស្លន់ស្លោ ខណៈមនុស្សម្នាប្រញាប់ប្រញាល់ជម្លៀសខ្លួនចេញពីអគារខ្ពស់ៗក្នុងទីក្រុង។ទីភ្នាក់ងារតាមដានគ្រោះរញ្ជួយដីរបស់អាមេរិក USGS បានឱ្យដឹងថា ចំណុចរំញ័រកណ្តាលនៃរញ្ជួយដីខាងលើ ស្ថិតនៅចម្ងាយ ១០គីឡូម៉ែត្រពី ក្រុងតូចមួយ ឈ្មោះថា Pitaloza Arriba ក្នុងខេត្ត Herrera ភាគកណ្តាលប្រទេសប៉ាណាម៉ា។ ដំបូងឡើយ USGS បានប៉ាន់ប្រមាណថា គ្រោះរញ្ជួយដីនេះមានកម្រិត ៨,០ រ៉ិចទ័រ មុនពេលកែសម្រួលមកត្រឹម ៧,៧ រ៉ិចទ័រ។ ការព្រមានអំពីរលកយក្សស៊ូណាមិ ក៏ត្រូវបានដាក់ចេញសម្រាប់តំបន់ប៉ាស៊ីហ្វិកខាងកើតផងដែរ ប៉ុន្តែក្រោយមកត្រូវបានលុបចោលវិញ។អាជ្ញាធរព្រែកជីកប៉ាណាម៉ា បាននិយាយថា ការធ្វើចរាចរណ៍កប៉ាល់តាមព្រែកជីក ដែលតភ្ជាប់រវាងមហាសមុទ្រប៉ាស៊ីហ្វិក និងមហាសមុទ្រអាត្លង់ទិកនេះ មិនរងផលប៉ះពាល់ទេ ហើយកំពុងដំណើរការជាធម្មតា។ ដោយឡែក អាកាសយានដ្ឋានអន្តរជាតិនៅទីក្រុងប៉ាណាម៉ា ដែលជាមជ្ឈមណ្ឌលដឹកជញ្ជូនតាមផ្លូវអាកាសដ៏សំខាន់ក្នុងតំបន់ ត្រូវបានបិទជាបណ្តោះអាសន្ន។ មេដឹកនាំប្រទេសជិតខាងដូចជាកូឡុំប៊ី អេក្វាទ័រ និងក្វាតេម៉ាឡា បាននាំគ្នាផ្ញើសារចូលរួមសម្តែងសាមគ្គីភាព និងស្នើផ្តល់ជំនួយ។គួរបញ្ជាក់ថា គ្រោះរញ្ជួយដីនៅប៉ាណាម៉ានេះ គឺយ៉ាងហោចជាគ្រោះរញ្ជួយដីលើកទី៤ហើយ នៅតំបន់អាមេរិកឡាទីនក្នុងឆ្នាំនេះ ដែលមានកម្រិតលើសពី ៧,០ រ៉ិចទ័រ។
ព័ត៌មានគួរចាប់អារម្មណ៍
គណៈរដ្ឋមន្ត្រីប្រជុំពិនិត្យរបាយការណ៍វឌ្ឍនភាពនៃការអនុវត្តវិធានការគន្លឹះក្នុងការពង្រឹងសមត្ថភាពរដ្ឋបាលសាធារណៈ ដើម្បីជំរុញនិងលើកកម្ពស់ការអនុវត្តការងារកែទម្រង់រដ្ឋបាលសាធារណៈ ឱ្យមានប្រសិទ្ធភាពខ្ពស់ ()
សម្ដេចតេជោ ហ៊ុន សែន ជំរុញឲ្យកម្ពុជា-វៀតណាម សហការគ្នាធានាសន្ដិសុខតាមព្រំដែន រួមគ្នាប្រយុទ្ធនឹងព័ត៌មានក្លែងក្លាយ ពិសេសចៀសវាងកុំឲ្យមានការប្រើប្រាស់កម្លាំងក្នុងប្រទេសណាមួយប្រឆាំងនឹងប្រទេសមួយទៀត រវាងកម្ពុជា-ឡាវ-វៀតណាម ()
សម្តេចតេជោ ហ៊ុន សែន សម្តែងការទទួលខុសត្រូវ និងសូមអភ័យទោសប្រជាពលរដ្ឋទូទាំងប្រទេស ដោយសារជឿទុកចិត្តប្រទេសថៃពេក និងមិនបានត្រៀមខ្លួនគ្រប់គ្រាន់ សម្រាប់ការប្រយុទ្ធ ()
សម្តេចធិបតី ហ៊ុន ម៉ាណែត អញ្ជើញបំពេញទស្សនកិច្ចផ្លូវការ នៅសាធារណរដ្ឋសង្គមនិយមវៀតណាម ()
អភិបាលខេត្តប៉ៃលិន អញ្ជើញបួងសួងសុំសេចក្តីសុខចម្រើនក្នុងឱកាសលើករូបសំណាកព្រះវិស្ណុធ្វើពីថ្មភ្នំដាក់លើរង្វង់មូលថ្មី ដើម្បីលើកកម្ពស់សោភណភាព និងសុវត្ថិភាព ក្នុងការធ្វើដំណើររបស់ប្រជាពលរដ្ឋ ()
វីដែអូ