ភ្នំពេញ៖ នាព្រឹកថ្ងៃអង្គារ ២រោច ខែភទ្របទ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី៩ ខែកញ្ញា ឆ្នាំ២០២៥ ឯកឧត្ដម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ រួមដំណើរដោយ ឯកឧត្តមរដ្ឋលេខាធិការប្រចាំការ ឯកឧត្តមជាថ្នាក់ដឹកនាំ មន្រ្ដីបច្ចេកទេសក្រសួងអភិវឌ្ឍន៍ជនបទខេត្តកំពង់ធំ អញ្ជើញចុះទៅពិនិត្យវឌ្ឍនភាពសាងសង់ហេដ្ឋារចនាសម្ព័ន្ធគមនាគមន៍ជនបទចំនួន ០៤ទីតាំង និងខ្សែផ្លូវមួយខ្សែដែលគ្រោងស្ថាបនាជាប្រភេទផ្លូវក្រាលកៅស៊ូពីរជាន់ នៅក្នុងខេត្តកំពង់ធំដូចខាងក្រោម៖ទីតាំងទី១៖ អញ្ជើញពិនិត្យវឌ្ឍនភាពសាសង់ផ្លូវក្រាលកៅស៊ូពីរជាន់ (DBST) ប្រវែង ១,៧៦គីឡូម៉ែត្រ ទទឹងខ្នងលើ ៦ម៉ែត្រ មានចិញ្ចើមផ្លូវក្រាលលក្បាយក្រួសក្រហម ម្ខាងៗប្រវែង ១ម៉ែត្រ, មានសំណង់លូមូល ចំនួន ៤កន្លែង ស្ថិតនៅក្នុងរមណីដ្ឋានប្រាសាទសំបូរព្រៃគុក។ ផ្លូវ១ខ្សែនេះ ស្ថាបនាដោយកងវិស្វកម្ម នៃក្រសួងការពារជាតិ សម្រេចវឌ្ឍនភាព ៩៥%។ ខ្សែផ្លូវមានប្រជាជនទទួលផលចំនួន ៣.៣២៨គ្រួសារ ស្មើនឹង ១២.៦៩៣នាក់។ទីតាំងទី២៖ អញ្ជើញពិនិត្យវឌ្ឍនភាពសាងសង់ស្ពានបេតុង ១កន្លែង មានបណ្ដោយប្រវែង ១៤៤ម៉ែត្រ ទទឹងប្រវែង ៨ម៉ែត្រ និងមានការសាងសង់ផ្លូវក្រាលបេតុងសងខាងក្បាលស្ពានប្រវែង ៣០០ម៉ែត្រ ឆ្លងកាត់ស្ទឹងសែន តភ្ជាប់ពីភូមិបឹងខ្វែក ឃុំស្រើង ទៅភូមិឈូកស្ទឹង ឃុំឈូក ស្រុកប្រាសាទសំបូរ។ ស្ពានមួយកន្លែងនេះចាប់ផ្ដើមនៅថ្ងៃទី១៥ ខែធ្នូ ឆ្នាំ២០២៤ គិតត្រឹមដើមខែកញ្ញានេះសម្រេចលទ្ធផលបាន ៩៥% ហើយគ្រោងនឹងបញ្ចប់ការសាងសង់នៅចុងឆ្នាំ២០២៥។ ស្ពាននេះ មានប្រជាពលរដ្ឋដែលទទួលផលចំនួន ៤.០០៨គ្រួសារ ស្មើនឹង ១៦.៦០៣៣នាក់។ទីតាំងទី៣៖ ខ្សែផ្លូវ “រមាំងងាប់-អូររំដេង” កំពុងសាងសង់ផ្លូវក្រាលកៅស៊ូពីរជាន់ (DBST) មានប្រវែង ៩,៦០០គីឡូម៉ែត្រ និងសំណង់សិល្បការ្យមួយចំនួន ស្ថិតនៅក្នុងក្របខ័ណ្ឌកម្មវិធីអភិវឌ្ឍន៍ហេដ្ឋារចនាសម្ព័ន្ធជនបទសម្រាប់កម្ពុជា (RID4CAM) បានចាប់ផ្ដើមសាងសង់នៅថ្ងៃទី៣ ខែមីនា ឆ្នាំ២០២៥ គ្រោងនឹងបញ្ចប់នៅក្នុងខែកញ្ញា ឆ្នាំ២០២៦ បច្ចុប្បន្នសម្រេចវឌ្ឍនភាពប្រមាណ ២៦%។ ខ្សែផ្លូវនេះ តភ្ជាប់ពីភូមិរមាំងងាប់ ទៅភូមិអូររំដេង ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ ដែលមានអ្នកទទួលផលដោយផ្ទាល់ ចំនួន ៦៨៨គ្រួសារ ស្មើនឹង ២.៩០៩នាក់ និងប្រយោល ចំនួន ២.០៩៤គ្រួសារ ស្មើនឹង ៩.០៦៨នាក់។ទីតាំងទី៤៖ អញ្ជើញពិនិត្យស្ថានភាពផ្លូវល្បាយដីក្រហម ១ខ្សែ មានប្រវែង ១,៦០គីឡូម៉ែត្រ តភ្ជាប់ពីភូមិព្រៃតាហ៊ូ សង្កាត់ព្រៃតាហ៊ូ ក្រុងស្ទឹងសែន ទៅដល់ភូមិរូង ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ។ ខ្សែផ្លូវនេះ ត្រូវបានអនុវត្តដោយនាយកដ្ឋានផ្លូវលំជនបទ ដោយប្រើប្រាស់ថវិការបស់រាជរដ្ឋាភិបាលកម្ពុជា តាមរយៈក្រសួងអភិវឌ្ឍន៍ជនបទ ហើយបានបញ្ចប់ការសាងសង់ ១០០%ហើយ។ទីតាំងទី៥៖ អញ្ជើញពិនិត្យស្ថានភាពខ្សែផ្លូវ១ខ្សែ ដែលជាសំណើរបស់រដ្ឋបាលខេត្តកំពង់ធំ តាមរយៈមន្ទីរអភិវឌ្ឍន៍ជនបទខេត្ត ដែលខ្សែផ្លូវនេះមានប្រវែង ៤,៩០គីឡូម៉ែត្រ តភ្ជាប់ពីភូមិត្រពាំងថ្ម ទៅដល់ភូមិអូររំដេង ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ។ ខ្សែផ្លូវនេះជាខ្សែផ្លូវយុទ្ធសាស្ត្រមួយ ដែលមានសក្ដានុពលសេដ្ឋកិច្ចខ្លាំង សម្រាប់បម្រើជូនដល់ប្រជាជនរស់នៅជុំវិញតំបន់នោះ ពិសេសប្រជាពលរដ្ឋដែលរស់នៅក្នុងមូលដ្ឋាននោះផ្ទាល់តែម្តង ពីព្រោះខ្សែនេះប្រើប្រាស់សម្រាប់តភ្ជាប់ពីផ្លូវជាតិ ចូលក្នុងតំបន់សេដ្ឋកិច្ចដែលជាគម្រោងអភិវឌ្ឍរបស់រាជរដ្ឋាភិបាលកម្ពុជា ក្នុងខេត្តកំពង់ធំ។ នាឱកាសនៃការអញ្ជើញពិនិត្យខ្សែផ្លូវមួយខ្សែនេះ ឯកឧត្តមរដ្ឋមន្ត្រី បានណែនាំមន្ទីអភិវឌ្ឍន៍ខេត្តសិក្សាលម្អិត និងពិនិត្យលទ្ធភាពដាក់បញ្ជូលក្នុងផែនការអនុវត្តបន្ត ៕
ព័ត៌មានគួរចាប់អារម្មណ៍
ឯកឧត្តមរដ្ឋមន្រ្តី សុខ សូកេន ដឹកនាំកិច្ចប្រជុំប្រចាំសប្ដាហ៍ ដើម្បីត្រួតពិនិត្យ និងតាមដានវឌ្ឍនភាពការងារអនុក្រុមការងារទាំងបី និងលេខាធិការដ្ឋានរបស់ក្រុមការងារតាមដាន និងត្រួតពិនិត្យការអនុវត្តយុទ្ធសាស្រ្ត «ព៤ជ៤» របស់ក្រសួងអធិការកិច្ច ()
សម្តេចមហាបវរធិបតី ហ៊ុន ម៉ាណែត ដឹកនាំគណៈប្រតិភូអញ្ជើញចូលរួមកិច្ចប្រជុំកំពូលអង្គការកិច្ចសហប្រតិបត្តិការសៀងហៃបូក នៅទីក្រុងធានជីន ប្រទេសចិន ()
ឧបនាយករដ្ឋមន្ត្រី កើត រិទ្ធ ដឹកនាំកិច្ចប្រជុំលើកទី៤ នៃក្រុមប្រឹក្សាភិបាលបណ្ឌិត្យសភាភូមិន្ទយុត្តិធម៌កម្ពុជា ដើម្បីពិនិត្យ និងពិភាក្សាលើលទ្ធផលនៃកិច្ចដំណើរការរបស់ ប.ភ.យ.ក. និងលក្ខណវិនិច្ឆ័យនិងលក្ខណសម្បត្តិសម្រាប់ជ្រើសរើសគ្រូបង្រៀននៃ ប.ភ.យ.ក. និងអនុម័តលើបញ្ជីឈ្មោះបេក្ខជន វិញ្ញាសា និងកាលបរិច្ឆេទនៃការប្រឡងប្រជែងជ្រើសរើសសិស្សវិជ្ជាជីវៈតុលាការ និងវិជ្ជាជីវៈច្បាប់ ក៏ដូចជាអនុម័តលើបទបញ្ជាផ្ទៃក្នុងសម្រាប់ក្រុមប្រឹក្សាភិបាលនៃ ប.ភ.យ.ក. ()
សម្តេចកិត្តិព្រឹទ្ធបណ្ឌិត ចាត់ឱ្យឯកឧត្តម គីម រិទ្ធី ចុះសួរសុខទុក្ខ និងផ្តល់អំណោយមនុស្សធម៌ជូនភរិយា និងក្រុមគ្រួសាររបស់វីរៈយុទ្ធជន ៥រូប រស់នៅខេត្តព្រះវិហារ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់ឱ្យឯកឧត្តម មាន ចាន់យ៉ាដា ចុះសួរសុខទុក្ខ និងផ្តល់អំណោយមនុស្សធម៌ជូនម្តាយបង្កេីត និងក្រុមគ្រួសាររបស់វីរៈយុទ្ធជន ១រូប រស់នៅខេត្តឧត្តរមានជ័យ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()
វីដែអូ