ភ្នំពេញ៖ នាព្រឹកថ្ងៃចន្ទ ទី៨ ខែកញ្ញា ឆ្នាំ២០២៥នេះ ឯកឧត្តម ឃុន ចាន់ណារិទ្ធ អគ្គនាយករង ប.ស.ស. តំណាង ឯកឧត្តម ម៉េង ហុង ប្រតិភូរាជរដ្ឋាភិបាលទទួលបន្ទុកជាអគ្គនាយកបេឡាជាតិសន្តិសុខសង្គម នៃក្រសួងការងារ និងបណ្ដុះបណ្ដាលវិជ្ជាជីវៈ បានអញ្ជើញជាអធិបតីបើកវគ្គបណ្ដុះបណ្ដាលស្ដីពី ម៉ូដែលសម្រាប់ការវាយតម្លៃហានិភ័យហិរញ្ញវត្ថុផ្នែកប្រាក់សោធន (ILO-Pens Modelling) ក្រោមការគាំទ្ររបស់អង្គការអន្តរជាតិខាងការងារ (ILO) ដឹកនាំដោយលោក Kenichi Hirose ជំនាញការជាន់ខ្ពស់ផ្នែកគាំពារសង្គម។មានប្រសាសន៍បើកវគ្គបណ្ដុះបណ្ដាល ឯកឧត្តមអគ្គនាយករង បានថ្លែងអំណរគុណចំពោះ ជំនាញការជាន់ខ្ពស់ផ្នែកគាំពារសង្គម របស់អង្គការ ILO ដែលគាំទ្រវគ្គបណ្ដុះបណ្ដាលនេះ ដែលនេះជាការពង្រឹងសមត្ថភាពចំណេះដឹងមន្រ្ដី បុគ្គលិកបេឡាជាតិសន្ដិសុខសង្គម ហើយក៏ជាមូលដ្ឋានគ្រឹះនៃការអភិវឌ្ឍធនធានមនុស្សរបស់ស្ថាប័ន ប.ស.ស. ដើម្បីឱ្យមន្រ្ដី និងបុគ្គលិកមានសមត្ថភាពអាចសហការជាមួយអន្ដរជាតិធ្វើការវិភាគវាយតម្លៃហិរញ្ញវត្ថុលើម៉ូដែលផ្សេងៗ នៃរបបសន្តិសុខសង្គមផ្នែកប្រាក់សោធន ឈរលើទិន្នន័យបែបវិទ្យាសាស្រ្ដ។ក្នុងឱកាសជាមួយគ្នានេះ ឯកឧត្តមអគ្គនាយករង ក៏បានស្នើដល់សិក្ខាកាមទាំងអស់ត្រូវយកចិត្តទុកដាក់ ប្រឹងប្រែងរៀនសូត្រ ឱ្យអស់ពីសមត្ថភាព ដើម្បីអាចក្លាយជាអ្នកជំនាញការដ៏ពិតប្រាកដមានសមត្ថភាពពេញលេញ ដែលអាចបំពេញតម្រូវការស្ថាប័ន វិភាគវាយតម្លៃហិរញ្ញវត្ថុច្បាស់លាស់ លើកំណែទម្រង់នានា នៃរបបសន្តិសុខសង្គម រួមទាំងគន្លឹះសំខាន់ក្នុងវាយតម្លៃហិរញ្ញវត្ថុផ្សេងៗទៀតរបស់ស្ថាប័នផងដែរ។សូមបញ្ជាក់ថា វគ្គបណ្ដុះបណ្ដាលនេះ មានរយៈពេល៣ថ្ងៃ ចាប់ពីថ្ងៃទី៨ ដល់ថ្ងៃទី១០ ខែកញ្ញា ឆ្នាំ២០២៥ ដែលប្រព្រឹត្តទៅនៅទីស្នាក់ការកណ្ដាល ប.ស.ស. ដោយមានការចូលរួមពីក្រុមការងារវាយតម្លៃហានិភ័យហិរញ្ញវត្ថុនៃ ប.ស.ស. មន្រ្តីបច្ចេកទេសនៃអគ្គលេខាធិការដ្ឋានក្រុមប្រឹក្សាជាតិគាំពារសង្គម និងតំណាងអង្គការអន្តរជាតិខាងការងារ (ILO) សរុបប្រមាណជា ២៣រូប ៕
ព័ត៌មានគួរចាប់អារម្មណ៍
ឧកញ៉ា ឡេង សុខគា ដឹកនាំប្រតិភូសភាពាណិជ្ជកម្មកម្ពុជា ទស្សនា និងស្វែងយល់ពីបច្ចេកវិទ្យាកែច្នៃ និងវេចខ្ចប់នៃបណ្តាក្រុមហ៊ុនមួយចំនួន ដែលបានកំពុងដាក់តាំងបង្ហាញក្នុងកម្មវិធីពិព័រណ៍អន្តរជាតិក្រុងហូជីមីញ ()
ព្រឹកនេះ សម្តេចបវរធិបតី ហ៊ុន ម៉ាណែត ទទួលជួបលោកជំទាវ Zou Jiayi ប្រធាន និងជាប្រធានក្រុមប្រឹក្សាភិបាល នៃធនាគារវិនិយោគហេដ្ឋារចនាសម្ព័ន្ធអាស៊ី (AIIB) ()
រដ្ឋមន្ត្រីទេសចរណ៍៖ វិស័យទេសចរណ៍ គឺខ្វះព័ត៌មានមិនបានជាដាច់ខាត ()
កម្ពុជាបណ្ដេញជនបរទេសខុសច្បាប់ជាង ១,៥០០នាក់ បន្ថែមទៀតចេញពីកម្ពុជា ពាក់ព័ន្ធករណីឆបោកអនឡាញ ()
ព្រឹកនេះ សម្តេចបវរធិបតី ហ៊ុន ម៉ាណែត ទទួលជួបលោកស្រី Rabab Fatima អគ្គលេខាធិការរង អង្គការសហប្រជាជាតិ និងជាតំណាងជាន់ខ្ពស់សម្រាប់ប្រទេសអភិវឌ្ឍន៍តិចតួច ប្រទេសកំពុងអភិវឌ្ឍន៍ គ្មានព្រំដែនជាប់សមុទ្រ និងប្រទេសដីកោះកំពុងអភិវឌ្ឍន៍តូច ()
វីដែអូ