ភ្នំពេញ៖ នារសៀលថ្ងៃសៅរ៍ ទី០៦ ខែកញ្ញា ឆ្នាំ២០២៥ ឯកឧត្តម ឧត្តមអគ្គានុរក្ស.១ នុត សវនា អគ្គនាយករង និងជាប្រធានមណ្ឌលអប់រំកែប្រែទី១ បានអញ្ជើញដឹកនាំកិច្ចប្រជុំត្រួតពិនិត្យលទ្ធផលការងារការិយាល័យប្រតិបត្តិ និងលើកទិសដៅការងារមួយចំនួនដូចខាងក្រោម៖
១.ពង្រឹងការងារគ្រប់គ្រងជនជាប់ឃុំតាមអគារ ត្រូវបន្តគ្រប់គ្រងជនជាប់ឃុំប្រកបដោយក្រមសីលធម៌វិជ្ជាជីវ: មន្ត្រីពន្ធនាគារ និងប្រកាន់ភ្ជាប់នូវការគ្រប់គ្រងបែបមនុស្សធម៌ ចំពោះជនជាប់ឃុំជានិច្ច។
២.ប្រធានអគារ និងមន្ត្រី ត្រូវប្រើភាសាឲ្យបានសមរម្យជាមួយជនជាប់ឃុំ ចៀសវាងដាច់ខាតការប្រើសំដីគំរោះគំរើយ។ ឯកឧត្តមប្រធាន ក៏បានមានប្រសាសន៍ថា មន្ត្រីមណ្ឌលអប់កែប្រែទី១ មានភារកិច្ចមើលការពារជនជាប់ឃុំ បណ្ដុះបណ្ដាលជំនាញវិជ្ជាជីវៈដល់ជនជាប់ឃុំ ក្រៅពីនោះក៏ជាគ្រូអប់រំផងដែរ។
៣.ថ្នាក់ដឹកនាំ និងមន្ត្រី ត្រូវចៀសវាងដាច់ខាត នូវការកេងប្រវ័ញ្ច ធ្វើទុក្ខបុកម្នេញ គាបសង្កត់ ដល់ជនជាប់ឃុំ ដើម្បីអត្ថប្រយោជន៍ណាមួយឡើយ។
៤.មន្ត្រីទាំងអស់ សូមបន្តខិតខំធ្វើការ នឹងតម្កល់ផលប្រយោជន៍អង្គភាព និងសន្តិសុខសាធារណៈជាធំ។
៥.ប្រធានអគារ ត្រូវម្ចាស់ការគ្រប់គ្រងអគាររបស់ខ្លួនដែលបានល្អ កុំឱ្យមានបាតុភាព ឬបទល្មើសណាមួយកើតឡើង។
៦.ប្រធានអគារ ត្រូវគ្រប់គ្រងសណ្ដាប់ធ្នាប់ ការស្លៀកពាក់របស់ជនជាប់ឃុំឲ្យបានល្អ និងសម្អាតបរិស្ថានជុំវិញអគាររបស់ខ្លួនឲ្យបានស្អាតជានិច្ច។
៧.តាមច្រក តាមកងព័ន្ធ និងនៅតាមអគារ ត្រូវពង្រឹងការងារត្រួតពិនិត្យឆែកឆេរ រុករកវត្ថុហាមឃាត់ និងបទល្មើស ដែលខុសនឹងបទបញ្ជាផ្ទៃក្នុងពន្ធនាគារ និងច្បាប់របស់រដ្ឋ។
៨.តាមអគារ ត្រូវបន្តធ្វើតេស្តទឹកនោមរកសារធាតុញៀនលើជនជាប់ឃុំ ដែលសង្ស័យ ដើម្បីធានាបាននូវការគ្រប់គ្រងមានប្រសិទ្ធភាព និងមិនមានការលួចលាក់ប្រើប្រាស់សារធាតុញៀន។
៩.ពាក់ព័ន្ធនឹងប្រតិបត្តិការត្រួតពិនិត្យ ឆែកឆេរ រុករកគ្រឿងញៀន ឯកឧត្តមប្រធាន សូមឱ្យអនុប្រធានមណ្ឌលទទួលផែនប្រតិបត្តិ ជួយសម្របសម្រួល ដល់មន្ត្រីជំនាញដែលទើបបញ្ចប់វគ្គបណ្ដុះបណ្ដាល យកសត្វ សុនខ ចូលទៅល្បាតហិតក្លិនស្វែងរកសារធាតុញៀន នៅតាមអគារទាំងអស់ក្នុងមណ្ឌល។
១០.ការបំពេញសេវាសាធារណៈ សូមឱ្យថ្នាក់ដឹកនាំ និងមន្ត្រីទាំងអស់ ដែលមានភារកិច្ច ត្រូវបន្តយកចិត្តទុកដាក់ត្រួតពិនិត្យឯកសារឲ្យបានត្រឹមត្រូវ ជួយសម្របសម្រួល និងការប្រើពាក្យសម្ដី កាយវិការ ឱ្យបានសមរម្យ ជាមួយក្រុមគ្រួសារដែលមកជួបសួរសុខទុក្ខជនជាប់ឃុំ។
១១.ថ្នាក់ដឹកនាំ និងមន្ត្រី ត្រូវបន្តសាមគ្គីភាពផ្ទៃក្នុងឱ្យបានល្អ បើមានបញ្ហាអី ត្រូវលើកយកមកជជែកពិភាក្សាស្វែងរកដំណោះស្រាយរួមគ្នា ៕