ភ្នំពេញ៖ នៅរសៀលថ្ងៃសុក្រ ១៣កើត ខែភទ្របទ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៥ ខែកញ្ញា ឆ្នាំ២០២៥ ឯកឧត្តមបណ្ឌិត កៅ ថាច ប្រធានគណៈកម្មាធិការប្រតិបត្តិ និងជាប្រធានសមាគមបណ្តាញកសិករតេជោ រួមទាំងសហការី បានដឹកនាំកិច្ចប្រជុំរវាងសមាគមបណ្តាញកសិករតេជោ និងក្រុមអ្នកចិញ្ចឹមទាយកស៊ុត។ កិច្ចប្រជុំនេះ មានគោលបំណងដើម្បីពិភាក្សាអំពីបញ្ហាប្រឈម និងឱកាសក្នុងការចូលរួមជួយអភិវឌ្ឍន៍វិស័យចិញ្ចឹមទាយកស៊ុត។ ជាមួយគ្នានេះ ឯកឧត្តមបណ្ឌិតប្រធានសមាគម ក៏បានចង្អុលបង្ហាញអំពីគោលបំណងនៃការបង្កើតសមាគមបណ្តាញកសិករតេជោ ជាពិសេសការចងក្រងកសិករជាបណ្តុំខ្សែសង្វាក់ ដែលបង្កើតបានជាសម្លេងរួមមួយដ៏សំខាន់។ សម្លេងនេះ អាចជួយពាំនាំបញ្ហាប្រឈមនានារបស់កសិករ និងស្វែងរកដំណោះស្រាយជាយុទ្ធសាស្ត្រ ក្នុងការរួមចំណែកជាមួយរាជរដ្ឋាភិបាល ដើម្បីអភិវឌ្ឍន៍វិស័យកសិកម្ម និងសេដ្ឋកិច្ចជាតិ និងដោយមានគោលបំណងចម្បងក្នុងការកាត់បន្ថយភាពក្រីក្រនៅតាមជនបទ។ ទន្ទឹមនឹងនោះ អង្គប្រជុំ បានពិភាក្សាផ្តល់មតិយោបល់ជាច្រើនក្នុងការកែលម្អគុណភាពផលិតកម្ម ការបង្កើនបច្ចេកទេសចិញ្ចឹម និងការកែច្នៃផលិតផលទាយកស៊ុត ដើម្បីបង្កើនតម្លៃបន្ថែម។ជាចុងបញ្ចប់ ឯកឧត្តមបណ្ឌិតប្រធានសមាគម បានស្នើសុំឱ្យក្រុមអ្នកចិញ្ចឹមទាយកស៊ុតចងក្រងគ្នាជាបណ្តុំខ្សែសង្វាក់បណ្តាញថ្នាក់ខេត្តរហូតដល់ថ្នាក់ស្រុក ដើម្បីរួមគ្នាលើកកម្ពស់ជីវភាពកសិករខ្មែរ ដោយកាត់បន្ថយចំណាយថ្លៃដើម និងបង្កើនសមត្ថភាពប្រកួតប្រជែងទីផ្សារ ៕
ព័ត៌មានគួរចាប់អារម្មណ៍
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
ឯកឧត្តម សុខ លូ អញ្ជើញជាអធិបតីក្នុងកិច្ចប្រជុំស្ដីពីការពង្រឹងលើការសម្របសម្រួលព័ត៌មាន និងដោះស្រាយសាធារណមតិក្នុងបណ្ដាញសង្គមស្ថិតក្នុងដែនសមត្ថកិច្ចខេត្តបាត់ដំបង ()
អភិបាលរាជធានីភ្នំពេញ៖ គិតត្រឹមថ្ងៃទី១២ ខែឧសភា ឆ្នាំ២០២៦ គណបក្សប្រជាជនកម្ពុជារាជធានីភ្នំពេញ មានសមាជិកគណបក្សជាង៧៨ម៉ឺននាក់ ស្មើនឹងចំនួន ៧៨,៨១% នៃចំនួនប្រជាពលរដ្ឋ ក្នុងបញ្ជីបោះឆ្នោតសរុប ()
សម្តេចធិបតី ផ្ញើសារយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាត ពីព្រោះនេះគឺជាមុខមាត់របស់ប្រទេសជាតិ ()
សម្តេចធិបតី ណែនាំក្រសួងសុខាភិបាល ត្រូវបន្តខិតខំត្រៀមវិធានការបង្ការនិងទប់ស្កាត់នូវការផ្ទុះឡើងនៃជំងឺអេបូឡា និងវីរុសហាន់តា ()
វីដែអូ