ភ្នំពេញ៖ នាព្រឹកថ្ងៃទី០១ ខែកញ្ញា ឆ្នាំ២០២៥ ឯកឧត្តម សុខ ពុទ្ធិវុធ រដ្ឋលេខាធិការក្រសួងប្រៃសណីយ៍ និងទូរគមនាគមន៍ និងជាប្រធានគណៈកម្មការគ្រប់គ្រងគម្រោងស្តីពីការបង្កើតនិងប្រតិបត្តិថ្នាលអប់រំដោយប្រើប្រាស់បច្ចេកវិទ្យាគមនាគមន៍ព័ត៌មាននិងប្រព័ន្ធផ្សព្វផ្សាយ បានអញ្ជើញជាអធិបតីក្នុងពិធីបើកវគ្គបណ្តុះបណ្តាលស្តីពីប្រព័ន្ធគ្រប់គ្រងការសិក្សា (Learning Management System - LMS) តាមរយៈថ្នាលអប់រំឌីជីថលរបស់ ស្ថាប័នផ្សព្វផ្សាយអប់រំកម្ពុជា (EBC)។ វគ្គបណ្តុះបណ្តាលនេះត្រូវបានរៀបចំឡើងនៅវិទ្យាល័យព្រែកលៀប សាលារៀនជំនាន់ថ្មី ដោយមានការចូលរួមពីលោកនាយក គ្រូបង្គោល មកពីវិទ្យាល័យចំនួន១៣ (សាលារៀនជំនាន់ថ្មី និងសាលារៀនគំរូ) ក្រុមការងារលើកកម្ពស់បរិវត្តកម្មឌីជីថលនៃក្រសួងប្រៃសណីយ៍និងទូរគមនាគមន៍ អង្គការ ខេប (KAPE) និងស្ថាប័នផ្សព្វផ្សាយអប់រំកម្ពុជា (EBC)។វគ្គបណ្តុះបណ្តាលនេះរៀបចំឡើងក្នុងគោលបំណង៖-ផ្តល់នូវចំណេះដឹង និងជំនាញប្រើប្រាស់ និងការបង្កើតមាតិកាអប់រំឌីជីថលតាមរយៈស្ថាប័ន EBC និង EBC's Platform-បំប្លែងថ្នាក់រៀនបែបប្រពៃណីទៅជាបរិយាកាសសិក្សាដោយរួមបញ្ចូល និងតាមបែបទំនើប-ជំរុញការចូលរួមរបស់គ្រូបង្រៀន និងសិស្ស តាមរយៈការប្រើប្រាស់ LMS-ពង្រឹងពង្រីកនូវជំនាញបច្ចេកវិទ្យាឌីជីថលក្នុងចំណោមគ្រូបង្រៀន សិស្សានុសិស្ស និងអ្នកអប់រំ-កសាងសមត្ថភាព និងផែនការសកម្មភាពសាលារៀនសម្រាប់ការប្រើប្រាស់បច្ចេកវិទ្យាអប់រំប្រកបដោយនិរន្តរភាព។ថ្លែងក្នុងឱកាសនេះ ឯកឧត្តម សុខ ពុទ្ធិវុធ បានកោតសរសើរយ៉ាងខ្លាំងចំពោះសមិទ្ធផលរបស់ស្ថាប័ន EBC ជាពិសេសក្នុងការផលិតមាតិកាអប់រំប្រកបដោយគុណភាព ព្រមទាំងសង្កត់ធ្ងន់ពីសារៈសំខាន់នៃការប្រើប្រាស់ ប្រព័ន្ធ LMS របស់ EBC ដើម្បីលើកកម្ពស់គុណភាពអប់រំឌីជីថលនៅកម្ពុជា ៕
ព័ត៌មានគួរចាប់អារម្មណ៍
ឧកញ៉ា ឡេង សុខគា ដឹកនាំប្រតិភូសភាពាណិជ្ជកម្មកម្ពុជា ទស្សនា និងស្វែងយល់ពីបច្ចេកវិទ្យាកែច្នៃ និងវេចខ្ចប់នៃបណ្តាក្រុមហ៊ុនមួយចំនួន ដែលបានកំពុងដាក់តាំងបង្ហាញក្នុងកម្មវិធីពិព័រណ៍អន្តរជាតិក្រុងហូជីមីញ ()
ព្រឹកនេះ សម្តេចបវរធិបតី ហ៊ុន ម៉ាណែត ទទួលជួបលោកជំទាវ Zou Jiayi ប្រធាន និងជាប្រធានក្រុមប្រឹក្សាភិបាល នៃធនាគារវិនិយោគហេដ្ឋារចនាសម្ព័ន្ធអាស៊ី (AIIB) ()
រដ្ឋមន្ត្រីទេសចរណ៍៖ វិស័យទេសចរណ៍ គឺខ្វះព័ត៌មានមិនបានជាដាច់ខាត ()
កម្ពុជាបណ្ដេញជនបរទេសខុសច្បាប់ជាង ១,៥០០នាក់ បន្ថែមទៀតចេញពីកម្ពុជា ពាក់ព័ន្ធករណីឆបោកអនឡាញ ()
ព្រឹកនេះ សម្តេចបវរធិបតី ហ៊ុន ម៉ាណែត ទទួលជួបលោកស្រី Rabab Fatima អគ្គលេខាធិការរង អង្គការសហប្រជាជាតិ និងជាតំណាងជាន់ខ្ពស់សម្រាប់ប្រទេសអភិវឌ្ឍន៍តិចតួច ប្រទេសកំពុងអភិវឌ្ឍន៍ គ្មានព្រំដែនជាប់សមុទ្រ និងប្រទេសដីកោះកំពុងអភិវឌ្ឍន៍តូច ()
វីដែអូ