លោកឧត្តមសេនីយ៍ទោ ស ថេង អញ្ជេីញដឹកនាំកិច្ចប្រជុំបូកសរុបលទ្ធផលការងារប្រចាំខែកញ្ញានិងលើកទិសដៅអនុវត្តបន្ត
(ពោធិ៍សាត់)៖ នៅព្រឹកថ្ងៃទី១៩ ខែកញ្ញា ឆ្នាំ២០២៥ លោកឧត្តមសេនីយ៍ទោ ស ថេង ស្នងការនគរបាលខេត្តពោធិ៍សាត់ បានដឹកនាំកិច្ចប្រជុំបូកសរុបលទ្ធផលការងារប្រចាំខែកញ្ញា និងលើកទិសដៅអនុវត្តបន្ត ដោយមានការអញ្ជេីញចូលរួមពីលោកស្នងការរង ផែនការងារជំនាញ និងលោកអធិការ អធិការរងនគរបាលស្រុក-ក្រុងទាំង៧ លោក លោកស្រី នាយ នាយរងការិយាល័យជំនាញនិងនាយប៉ុស្តិ៍នគរបាលរដ្ឋបាលទាំង៤៩ឃុំ សង្កាត់ ។
លោកឧត្តមសេនីយ៍ទោ ស ថេង ក៏បានឯកភាពតាមមតិលើកឡើងពីលោកស្នងការរងផែនការងារជំនាញ និងបានកោតសរសើរដល់គណៈស្នងការ អធិការនគរបាលដែលបានដឹកនាំកងកម្លាំង និងប៉ុស្ត៍នគរបាលរដ្ឋបាលដែលមានការខិតខំប្រឹងប្រែងអនុវត្តន៍តួនាទីភារកិច្ចរបស់ខ្លួន និងនៅតាមមូលដ្ឋានបានល្អប្រសេីរ។
លោកស្នងការបានជំរុញឱ្យគ្រប់បណ្តាអង្គភាព ត្រូវគ្រប់គ្រងកម្លាំង និងជំរុញកម្លាំងនគរបាលឱ្យមានភាពសកម្មក្នុងការទទួលខុសត្រូវចំពោះតួនាទីភារកិច្ចរបស់ខ្លួនធ្វើបច្ចុប្បន្នភាព និងជំរុញការបំពេញនីតិសម្បទាជាមន្រ្តីនគរបាលយុត្តិធម៌ ផ្សព្វផ្សាយជំរុញប្រជាពលរដ្ឋ ដែលមានអត្តសញ្ញាណបណ្ណហួសសុពលភាព មកទទួលការផ្តល់អត្តសញ្ញាណបណ្ណថ្មី ជំរុញឱ្យប្រជាពលរដ្ឋអប់រំកូនចៅឱ្យនៅឆ្ងាយពីបទល្មើសផ្សេងៗ ។ ទន្ទឹមនោះ ត្រូវបន្តពង្រឹងអនុវត្តការងារប្រចាំថ្ងៃ ធ្វើបច្ចុប្បន្នភាពមុខសញ្ញាតាម ប្រព័ន្ធបច្ចេកវិទ្យាទំនើប មុខសញ្ញាសេសសល់ក្នុងករណីមុខសញ្ញាមានដីកាស្វែងរកចាប់ខ្លួន ពិរុទ្ធជនទណ្ឌិតក្នុងពន្ធនាគារ និងមុខសញ្ញាអនុវត្តទោសរួច បន្ស៊ីបញ្ចូលគ្នារវាងមុខសញ្ញាព្រហ្មទណ្ឌ គ្រឿងញឿន និងក្មេងទំនើងបម្រើឱ្យការងារស្រាវជ្រាវស៊ើបអង្កេត និងបង្ក្រាបបទល្មើសធ្វើបច្ចុប្បន្នភាពតម្លើងបញ្ជីគ្រប់គ្រងអាជីវកម្មទទួលបញ្ចាំ របស់គ្រប់ប្រភេទ ធ្វើការផ្សព្វផ្សាយបំផុសលើកទឹកចិត្តដល់ប្រជាពលរដ្ឋ និងវិស័យឯកជន ធ្វើការបំពាក់កាមេរ៉ាសុវត្ថិភាពនៅតាមផ្ទះតាមដងផ្លូវ និងគោលដៅអាជីវកម្ម ចុះអនុវត្តវិធានការរដ្ឋបាល ត្រួតពិនិត្យ និងណែនាំដល់ម្ចាស់ផ្ទះសំណាក់ ផ្ទះជួលបន្ទប់ជួល អំពីការគ្រប់គ្រងចងក្រង ប្រមូលព័ត៌មានអ្នកជួលស្នាក់នៅនិងផ្តល់ព័ត៌មាន ជូនសមត្ថកិច្ចគ្រប់ការចេញ-ចូលស្នាក់នៅក្នុងទីតាំងរបស់ខ្លួន ធ្វើការផ្សព្វផ្សាយគោលនយោបាយ ភូមិ ឃុំ សង្កាត់មានសុវត្ថិភាព តាមគ្រប់មធ្យោបាយតាមទីកន្លែងប្រមូលផ្តុំ កន្លែងកំសាន្ត ទីសាធារណៈ គ្រឹះស្ថានសិក្សារដ្ឋ និងឯកជនពង្រឹងការត្រួតពិនិត្យតាមច្រកទ្វារព្រំដែន និងល្បាតត្រួតពិនិត្យតាមខ្សែបន្ទាត់ព្រំដែន ។
