ភ្នំពេញ៖ កាលពីរសៀលថ្ងៃទី១៤ ខែកញ្ញា ឆ្នាំ២០២៥ ម្សិលមិញនេះ ឯកឧត្តម សរ សុពុត្រា អភិបាល នៃគណៈអភិបាលខេត្តស្ទឹងត្រែង បានអំពាវនាវឱ្យបងប្អូនអ្នកប្រកបរបរម៉ូតូឌុប ម៉ូតូកង់បី និងភ្នាក់ងារអនាម័យ ទាំងអស់ ត្រូវបន្តគោរពច្បាប់ចរាចរណ៍ យកចិត្តទុកដាក់ខ្ពស់លើសុវត្ថិភាពក្នុងការបម្រើសាធារណៈជាចំបង និងរក្សាអនាម័យសាធារណៈឱ្យបានល្អប្រសើរ ដើម្បីបង្កើនសោភណភាពរបស់ទីក្រុងស្ទឹងត្រែងឱ្យកាន់តែល្អបន្ថែមទៀត។ការអំពាវនាវនេះនាឱកាសដែល ឯកឧត្តម សរ សុពុត្រា អញ្ជើញសំណេះសំណាលជាមួយបងប្អូនរត់ម៉ូតូឌុប ម៉ូតូកង់បី និងភ្នាក់ងារអនាម័យក្រុងស្ទឹងត្រែង ក្នុងឱកាសបុណ្យកាន់បិណ្ឌ និងភ្ជុំបិណ្ឌប្រពៃណីជាតិខ្មែរ។ ក្នុងកម្មវិធីនេះ ក៏មានវត្តមានពីថ្នាក់ដឹកនាំរដ្ឋបាលខេត្ត រួមមាន លោកអភិបាលរងខេត្ត នាយករដ្ឋបាលខេត្ត និងនាយករងផងដែរ ដែលបានចូលរួមជួយជ្រោមជ្រែង និងផ្តល់កម្លាំងចិត្តដល់បងប្អូនដែលមានតួនាទីសំខាន់ក្នុងសង្គមប្រចាំថ្ងៃ។ ពិធីសំណេះសំណាលនេះ ក៏ជាឱកាសមួយក្នុងការជួយឱ្យរដ្ឋបាលខេត្ត និងបងប្អូនរត់ម៉ូតូឌុប ម៉ូតូកង់បី និងភ្នាក់ងារអនាម័យ បានជួបជុំគ្នា បង្កើនការយោគយល់ និងទំនាក់ទំនងល្អ ក្នុងការចូលរួមអភិវឌ្ឍន៍ទីក្រុងឱ្យមានសណ្តាប់ធ្នាប់ និងភាពរីកចម្រើនផងដែរ។ ព្រមជាមួយគ្នានោះ ឯកឧត្តមអភិបាលខេត្ត ក៏បាននាំនូវការផ្តាំផ្ញើសួរសុខទុក្ខ និងសេចក្តីនឹករលឹក ពីសម្តេចមហាបវរធិបតី ហ៊ុន ម៉ាណែត នាយរដ្ឋមន្រ្តី នៃព្រះរាជាណាចក្រកម្ពុជា និងលោកជំទាវបណ្ឌិត ដល់បងប្អូន រត់ម៉ូតូឌុប ម៉ូតូកង់បី និងភ្នាក់ងារអនាម័យ ដែលបានចូលរួមនាពេលនេះ និងជូនពរឱ្យរកទទួលទានមានបានទាំងអស់គ្នា ៕
ព័ត៌មានគួរចាប់អារម្មណ៍
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
ឯកឧត្តម សុខ លូ អញ្ជើញជាអធិបតីក្នុងកិច្ចប្រជុំស្ដីពីការពង្រឹងលើការសម្របសម្រួលព័ត៌មាន និងដោះស្រាយសាធារណមតិក្នុងបណ្ដាញសង្គមស្ថិតក្នុងដែនសមត្ថកិច្ចខេត្តបាត់ដំបង ()
អភិបាលរាជធានីភ្នំពេញ៖ គិតត្រឹមថ្ងៃទី១២ ខែឧសភា ឆ្នាំ២០២៦ គណបក្សប្រជាជនកម្ពុជារាជធានីភ្នំពេញ មានសមាជិកគណបក្សជាង៧៨ម៉ឺននាក់ ស្មើនឹងចំនួន ៧៨,៨១% នៃចំនួនប្រជាពលរដ្ឋ ក្នុងបញ្ជីបោះឆ្នោតសរុប ()
សម្តេចធិបតី ផ្ញើសារយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាត ពីព្រោះនេះគឺជាមុខមាត់របស់ប្រទេសជាតិ ()
សម្តេចធិបតី ណែនាំក្រសួងសុខាភិបាល ត្រូវបន្តខិតខំត្រៀមវិធានការបង្ការនិងទប់ស្កាត់នូវការផ្ទុះឡើងនៃជំងឺអេបូឡា និងវីរុសហាន់តា ()
វីដែអូ