បាត់ដំបង៖ នាថ្ងៃទី១៤ ខែកញ្ញា ឆ្នាំ២០២៥ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង និងលោកជំទាវ ម៉េត រ៉ាវីចិត្រ សុខ លូ បានអញ្ជើញជាអធិបតីក្នុងពិធីបើកបេសកកម្មវះកាត់ដោយឥតគិតថ្លៃជូនអ្នកជំងឺមាត់ឆែប ក្រអូមឆែប រលាក និងពិការភាពមុខមាត់ផ្សេងៗ នៅមន្ទីរពេទ្យបង្អែកខេត្តបាត់ដំបង។មានប្រសាសន៍ក្នុងឱកាសនោះ ឯកឧត្តម សុខ លូ បានសម្ដែងការស្វាគមន៍យ៉ាងកក់ក្ដៅនិងថ្លែងអំណរគុណជូនចំពោះអង្គការស្នាមញញឹមកុមារកម្ពុជាដែលបានចុះមកកាន់ខេត្តបាត់ដំបងដើម្បីធ្វើការវះកាត់ដោយឥតគិតថ្លៃជូនអ្នកជំងឺមាត់ឆែប ក្រអូមឆែប រលាក និងពិការភាពមុខមាត់ផ្សេងៗ។ឯកឧត្តម សុខ លូ គូសបញ្ជាក់បន្ថែមថា ក្រោមការដឹកនាំរបស់សម្ដេចតេជោ ហ៊ុន សែន អតីតនាយករដ្ឋមន្រ្តីនៃកម្ពុជាបន្តមកដល់សម្ដេចធិបតី ហ៊ុន ម៉ាណែត នាយករដ្ឋមន្រ្តី បានផ្ដល់ការយកចិត្តទុកខ្លាំងណាស់ចំពោះវិស័យសុខាភិបាល។ឯកឧត្តម សុខ លូ បញ្ជាក់បន្ថែមថា វិស័យសុខាភិបាលនៅក្នុងប្រទេសកម្ពុជានាពេលបច្ចុប្បន្ននេះមានការរីកចម្រើនជឿនលឿនជាងកាលពីអតីតកាល មានអ្នកឯកទេសជំនាញជាច្រើននាក់ និងបំពាក់ទៅដោយឧបករណ៍ទំនើបៗ។ឯកឧត្តម សុខ លូ សំណូមពរដល់ក្រុមគ្រូពេទ្យទាំងអស់ត្រូវពង្រឹងសមត្ថភាពជំនាញវិជ្ជាជីវៈដើម្បីបង្កើនជំនឿទុកចិត្តដល់ប្រជាពលរដ្ឋ។បើតាមលោកសាស្រ្តាចារ្យ នូ សារុំ តំណាងអង្គការស្នាមញញឹមកម្ពុជា បានឱ្យដឹងថា រហូតមកដល់ពេលនេះ អង្គការស្នាមញញឹមកម្ពុជាបានធ្វើការវះកាត់ដោយជោគជ័យជូនអ្នកជំងឺមាត់ឆែប ក្រអូមឆែប រលាក និងពិការភាពមុខមាត់ផ្សេងៗ ចំនួនជាង៦ ០០០នាក់។សូមជម្រាបថា អង្គការស្នាមញញឹមកម្ពុជា សហការជាមួយមន្ទីរសុខាភិបាលខេត្តបាត់ដំបងបានរៀបចំបេសកកម្មវះកាត់ដោយឥតគិតថ្លៃជូនអ្នកជំងឺមាត់ឆែប ក្រអូមឆែប រលាក និងពិការភាពមុខមាត់ផ្សេងៗ នៅមន្ទីរពេទ្យខេត្តបាត់ដំបង ចាប់ពីថ្ងៃទី១៤ ដល់ថ្ងៃទី១៧ ខែកញ្ញា ឆ្នាំ២០២៥ ដោយមានការចូលរួមពីក្រុមគ្រូពេទ្យ និងគិលានុបដ្ឋាយកជាតិ និងអន្តរជាតិ ដែលមានបទពិសោធន៍ ដើម្បីផ្តល់នូវការវះកាត់ សេចក្ដីសង្ឃឹម និងស្នាមញញឹមថ្មីសម្រាប់កុមារ និងគ្រួសាររបស់ពួកគេ៕
ព័ត៌មានគួរចាប់អារម្មណ៍
ឯកឧត្តមរដ្ឋមន្រ្តី សុខ សូកេន ដឹកនាំកិច្ចប្រជុំប្រចាំសប្ដាហ៍ ដើម្បីត្រួតពិនិត្យ និងតាមដានវឌ្ឍនភាពការងារអនុក្រុមការងារទាំងបី និងលេខាធិការដ្ឋានរបស់ក្រុមការងារតាមដាន និងត្រួតពិនិត្យការអនុវត្តយុទ្ធសាស្រ្ត «ព៤ជ៤» របស់ក្រសួងអធិការកិច្ច ()
សម្តេចមហាបវរធិបតី ហ៊ុន ម៉ាណែត ដឹកនាំគណៈប្រតិភូអញ្ជើញចូលរួមកិច្ចប្រជុំកំពូលអង្គការកិច្ចសហប្រតិបត្តិការសៀងហៃបូក នៅទីក្រុងធានជីន ប្រទេសចិន ()
ឧបនាយករដ្ឋមន្ត្រី កើត រិទ្ធ ដឹកនាំកិច្ចប្រជុំលើកទី៤ នៃក្រុមប្រឹក្សាភិបាលបណ្ឌិត្យសភាភូមិន្ទយុត្តិធម៌កម្ពុជា ដើម្បីពិនិត្យ និងពិភាក្សាលើលទ្ធផលនៃកិច្ចដំណើរការរបស់ ប.ភ.យ.ក. និងលក្ខណវិនិច្ឆ័យនិងលក្ខណសម្បត្តិសម្រាប់ជ្រើសរើសគ្រូបង្រៀននៃ ប.ភ.យ.ក. និងអនុម័តលើបញ្ជីឈ្មោះបេក្ខជន វិញ្ញាសា និងកាលបរិច្ឆេទនៃការប្រឡងប្រជែងជ្រើសរើសសិស្សវិជ្ជាជីវៈតុលាការ និងវិជ្ជាជីវៈច្បាប់ ក៏ដូចជាអនុម័តលើបទបញ្ជាផ្ទៃក្នុងសម្រាប់ក្រុមប្រឹក្សាភិបាលនៃ ប.ភ.យ.ក. ()
សម្តេចកិត្តិព្រឹទ្ធបណ្ឌិត ចាត់ឱ្យឯកឧត្តម គីម រិទ្ធី ចុះសួរសុខទុក្ខ និងផ្តល់អំណោយមនុស្សធម៌ជូនភរិយា និងក្រុមគ្រួសាររបស់វីរៈយុទ្ធជន ៥រូប រស់នៅខេត្តព្រះវិហារ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់ឱ្យឯកឧត្តម មាន ចាន់យ៉ាដា ចុះសួរសុខទុក្ខ និងផ្តល់អំណោយមនុស្សធម៌ជូនម្តាយបង្កេីត និងក្រុមគ្រួសាររបស់វីរៈយុទ្ធជន ១រូប រស់នៅខេត្តឧត្តរមានជ័យ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()
វីដែអូ