កណ្ដាល៖ លោកស្រី តាំង សេរីពេជ្ឈរ៉ា ត្រូវបានតែងតាំងជាអភិបាលរង នៃគណៈអភិបាលស្រុកមុខកំពូល ដែលពិធីប្រកាសតែងតាំងនេះ ត្រូវបានធ្វើឡើងនាព្រឹកថ្ងៃទី១២ ខែកញ្ញា ឆ្នាំ២០២៥ នៅក្នុងសាលាស្រុកមុខកំពូល ក្រោមអធិបតី ឯកឧត្តម នូ សាខន ប្រធានក្រុមប្រឹក្សាខេត្ត និងឯកឧត្ដម គួច ចំរើន អភិបាល នៃគណៈអភិបាលខេត្តកណ្ដាល។ថ្លែងក្នុងពិធីនេះ ឯកឧត្ដម គួច ចំរើន បានចូលរួមអបអរសាទរ ចំពោះលោកស្រី តាំង សេរីពេជ្ឈរ៉ា ដែលត្រូវបានប្រកាសឱ្យចូលកាន់មុខតំណែងជាអភិបាលរងស្រុកនាថ្ងៃនេះ ដើម្បីចូលរួចចំណែកដឹកនាំ និងជួយគ្រប់គ្រងរដ្ឋបាលស្រុកមុខកំពូលជាមួយថ្នាក់ដឹកនាំស្រុក សំដៅជួយរួមចំណែកអភិវឌ្ឍន៍មូលដ្ឋានឱ្យរីកចម្រើនលើគ្រប់វិស័យបន្ថែមទៀត។ ទន្ទឹមនឹងនេះ ឯកឧត្តមអភិបាលខេត្តក៏បានជំរុញ និងលើកទឹកចិត្តដល់លោកស្រីអភិបាលរងស្រុកដែលទើបតែទទួលបានការតែងតាំងថ្មី ត្រូវមានភាពស្មោះត្រង់ជាមួយមន្ត្រីក្រោមឱវាទ និងថ្នាក់លើ ជាពិសេសជាមួយរាជរដ្ឋាភិបាល ត្រូវរៀនសូត្រពីការងារជាក់ស្ដែង រៀនសូត្រពីចាស់ទុំដើម្បីធ្វើឱ្យការងារទទួលបានជោគជ័យកាន់តែប្រសើឡើង ពិសេសសូមខិតខំសិក្សាបន្ថែមទៀតពីគោលការណ៍ច្បាប់នានាដើម្បីអនុវត្តតួនាទីបានត្រឹមត្រូវ សូមកុំធ្វើការតាមទម្លាប់។ឯកឧត្តមអភិបាលខេត្ត បានបញ្ជាក់ថា ការផ្លាស់ប្ដូរមុខតំណែងមន្ត្រីរាជការគឺជារឿងធម្មតា បើផ្អែកតាមច្បាប់ អភិបាល អភិបាលរងក្រុង-ស្រុកគឺមាន ២អាណត្តិ បើធ្វើបាន១អាណត្តិដោយមិនមានបញ្ហាជាអវិជ្ជមាននោះ គឺអាចបន្តបាន ១អាណ្តតិទៀត ពោលគឺបានតែ២អាណត្តិតែប៉ុណ្ណោះ ត្រូវតែមានការផ្លាស់ប្ដូរទៅកាន់ក្រុង-ស្រុកផ្សេងទៀត។ឯកឧត្តមអភិបាលខេត្ត បានស្នើដល់គណៈអភិបាលស្រុកមុខកំពូល ត្រូវគិតគូរទៅលើបញ្ហាផ្លូវ ធ្វើយ៉ាងណាឱ្យមានផ្លូវល្អស្អាតទៅដល់គ្រប់ទីប្រជុំជន សាលារៀន មន្ទីរពេទ្យ ទីផ្សារសម្រាប់ប្រជាពលរដ្ឋងាយស្រួលក្នុងការធ្វើដំណើរ។ អាជ្ញាធរស្រុក និងឃុំត្រូវយកចិត្តទុកដាក់ខ្ពស់ក្នុងការងារអនុវត្តគម្រោងរបស់ខ្លួនឱ្យបានលឿននៅក្នុងឆ្នាំ២០២៦ យ៉ាងយូបំផុតនៅចុងខែ៣ ឆ្នាំ២០២៦ ត្រូវតែដាក់ដេញថ្លៃគម្រោងឱ្យអស់ ហើយត្រូវអនុវត្តការងារសាងសង់គម្រោងនានារបស់ខ្លួនឱ្យបានលឿនផងដែរ ដើម្បីជាប្រយោជន៍សម្រាប់ប្រជាពលរដ្ឋប្រើប្រាស់ និងទទួលបានការសាទរអំពីប្រជាពលរដ្ឋ ចំពោះការខិតខំអនុវត្តគម្រោងនានារបស់ខ្លួនក្នុងមូលដ្ឋានបានទាន់ពេលវេលា។បន្ថែមពីលើនេះ ឯកឧត្តមអភិបាលខេត្ត បានថ្លែងនូវការកោតសរសើរចំពោះមន្ត្រីភូមិបាល និងអាជ្ញាធរស្រុកដែលបានខិតខំចុះបញ្ជីដីធ្លីលក្ខណៈជាប្រព័ន្ធ និងដោះស្រាយបញ្ហាដីធ្លីជូនប្រជាពលរដ្ឋទទួលបានលទ្ធផលគួជាទីមោទនៈ ស្របទៅតាមគោលការណ៍របស់រាជរដ្ឋាភិបាល ក្រោមការដឹកនាំដ៏ត្រឹមត្រូវ និងមានចក្ខុវិស័យដ៏វែងឆ្ងាយរបស់ សម្តេចមហាបវរធិបតី នាយករដ្ឋមន្ត្រី ដែលតែងតែជំរុញឱ្យអាជ្ញាធរត្រូវខិតខំដោះស្រាយ និងផ្ដល់ជូនវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋឱ្យបានឆាប់រហ័សទាន់ពេលវេលា។នាឱកាសនោះដែរ ឯកឧត្តមអភិបាលខេត្ត ក៏បានធ្វើការក្រើនរំលឹកទៅដល់កងកម្លាំងមានសមត្ថកិច្ច និងអាជ្ញាធរស្រុកគ្រប់ថ្នាក់ ត្រូវចាត់ទុកបញ្ហាចរាចរណ៍ជាបញ្ហាធំដែលត្រូវរួមគ្នាដោះស្រាយ ដោយត្រូវខិតខំបន្តការយកចិត្តទុកដាក់ខ្ពស់ ទៅលើការអនុវត្តច្បាប់ចរាចរណ៍ជាប់ជាប្រចាំ ដើម្បីកាត់បន្ថយគ្រោះថ្នាក់ជូនប្រជាពលរដ្ឋ។
ព័ត៌មានគួរចាប់អារម្មណ៍
ឯកឧត្តមរដ្ឋមន្រ្តី សុខ សូកេន ដឹកនាំកិច្ចប្រជុំប្រចាំសប្ដាហ៍ ដើម្បីត្រួតពិនិត្យ និងតាមដានវឌ្ឍនភាពការងារអនុក្រុមការងារទាំងបី និងលេខាធិការដ្ឋានរបស់ក្រុមការងារតាមដាន និងត្រួតពិនិត្យការអនុវត្តយុទ្ធសាស្រ្ត «ព៤ជ៤» របស់ក្រសួងអធិការកិច្ច ()
សម្តេចមហាបវរធិបតី ហ៊ុន ម៉ាណែត ដឹកនាំគណៈប្រតិភូអញ្ជើញចូលរួមកិច្ចប្រជុំកំពូលអង្គការកិច្ចសហប្រតិបត្តិការសៀងហៃបូក នៅទីក្រុងធានជីន ប្រទេសចិន ()
ឧបនាយករដ្ឋមន្ត្រី កើត រិទ្ធ ដឹកនាំកិច្ចប្រជុំលើកទី៤ នៃក្រុមប្រឹក្សាភិបាលបណ្ឌិត្យសភាភូមិន្ទយុត្តិធម៌កម្ពុជា ដើម្បីពិនិត្យ និងពិភាក្សាលើលទ្ធផលនៃកិច្ចដំណើរការរបស់ ប.ភ.យ.ក. និងលក្ខណវិនិច្ឆ័យនិងលក្ខណសម្បត្តិសម្រាប់ជ្រើសរើសគ្រូបង្រៀននៃ ប.ភ.យ.ក. និងអនុម័តលើបញ្ជីឈ្មោះបេក្ខជន វិញ្ញាសា និងកាលបរិច្ឆេទនៃការប្រឡងប្រជែងជ្រើសរើសសិស្សវិជ្ជាជីវៈតុលាការ និងវិជ្ជាជីវៈច្បាប់ ក៏ដូចជាអនុម័តលើបទបញ្ជាផ្ទៃក្នុងសម្រាប់ក្រុមប្រឹក្សាភិបាលនៃ ប.ភ.យ.ក. ()
សម្តេចកិត្តិព្រឹទ្ធបណ្ឌិត ចាត់ឱ្យឯកឧត្តម គីម រិទ្ធី ចុះសួរសុខទុក្ខ និងផ្តល់អំណោយមនុស្សធម៌ជូនភរិយា និងក្រុមគ្រួសាររបស់វីរៈយុទ្ធជន ៥រូប រស់នៅខេត្តព្រះវិហារ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់ឱ្យឯកឧត្តម មាន ចាន់យ៉ាដា ចុះសួរសុខទុក្ខ និងផ្តល់អំណោយមនុស្សធម៌ជូនម្តាយបង្កេីត និងក្រុមគ្រួសាររបស់វីរៈយុទ្ធជន ១រូប រស់នៅខេត្តឧត្តរមានជ័យ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()
វីដែអូ