តាកែវ៖ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានដឹកនាំកិច្ចប្រជុំមួយ ដើម្បីពិភាក្សាការងារជាមួយគណៈប្រតិភូក្រុមហ៊ុន សាជីវកម្ម ថ្នល់និងស្ពានចិន (China Road and Bridge Corporation – CRBC) ដែលជាក្រុមហ៊ុនទទួលបន្ទុកសាងសង់គម្រោងព្រែកជីកហ្វូណនតេជោ។ ជំនួបនេះបានធ្វើឡើងនៅព្រឹកថ្ងៃព្រហស្បតិ៍ ទី១១ ខែកញ្ញា ឆ្នាំ២០២៥ នៅសាលាខេត្តតាកែវ។ក្នុងជំនួបពិភាក្សានេះ ភាគីទាំងពីរ បានផ្តោតសំខាន់លើចំណុចគន្លឹះចំនួន៤៖ទី១- វឌ្ឍនភាពការងារសាងសង់ ៖ ក្រុមហ៊ុន CRBC បានធ្វើបច្ចុប្បន្នភាពអំពីវឌ្ឍនភាពជាក់ស្តែងនៃការងារសាងសង់ ដែលនឹងត្រូវចាប់ផ្តើមដំណើរការនាចុងឆ្នាំ២០២៥នេះ។ គម្រោងនេះត្រូវបានរំពឹងថានឹងជំរុញសកម្មភាពសេដ្ឋកិច្ច និងដឹកជញ្ជូនក្នុងតំបន់ឱ្យកាន់តែប្រសើរឡើង។ទី២- កិច្ចសហការជាមួយអាជ្ញាធរ ៖ ភាគីក្រុមហ៊ុនបានលើកឡើងពីសារៈសំខាន់នៃកិច្ចសហការជិតស្និទ្ធជាមួយអាជ្ញាធរមូលដ្ឋាន ដើម្បីធានាថាដំណើរការសាងសង់ប្រព្រឹត្តទៅដោយរលូន និងគ្មានឧបសគ្គ។ ឯកឧត្តម វ៉ី សំណាង ក៏បានសន្យាថា នឹងផ្តល់ការសម្របសម្រួល និងការគាំទ្រពេញលេញដល់ក្រុមហ៊ុន។ទី៣- ការប្តេជ្ញាចិត្តលើគុណភាព ៖ ក្រុមហ៊ុន CRBC បានបញ្ជាក់ពីការប្តេជ្ញាចិត្តរបស់ខ្លួនក្នុងការសាងសង់ព្រែកជីកហ្វូណនតេជោប្រកបដោយគុណភាពខ្ពស់ និងរឹងមាំតាមស្តង់ដារបច្ចេកទេស ដើម្បីធានាបាននូវនិរន្តរភាព និងសុវត្ថិភាពយូរអង្វែង។ទី៤- កាលបរិច្ឆេទចាប់ផ្តើមគម្រោង ៖ ភាគីទាំងពីរ បានបញ្ជាក់អំពីផែនការក្នុងការចាប់ផ្តើមការងារសាងសង់ជាក់ស្តែងនៃគម្រោងប្រវត្តិសាស្ត្រនេះនៅចុងឆ្នាំ២០២៥ ដូចការគ្រោងទុក។ជាមួយគ្នានេះដែរ ឯកឧត្តម វ៉ី សំណាង ក៏បានគូសបញ្ជាក់បន្ថែមថា គម្រោងព្រែកជីកហ្វូណនតេជោ គឺជាគម្រោងផ្លូវទឹកដ៏ធំមួយដែលមានសារៈសំខាន់ជាយុទ្ធសាស្ត្រសម្រាប់ការដឹកជញ្ជូន និងពាណិជ្ជកម្មរបស់កម្ពុជា។ កិច្ចប្រជុំនេះ បានបង្ហាញពីការប្តេជ្ញាចិត្តរួមគ្នារបស់រដ្ឋបាលខេត្តតាកែវ និងក្រុមហ៊ុន CRBC ក្នុងការជំរុញឱ្យគម្រោងនេះ សម្រេចបានជោគជ័យ និងឆាប់រហ័ស៕
ព័ត៌មានគួរចាប់អារម្មណ៍
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត មានគំនិតផ្តួចផ្តើមដ៏ឈ្លាសវៃបំផុតលើចលនា «យើងរួមគ្នាដើម្បីជាតិ!» ដោយបំផុស សមាជិកកាយឫទ្ធិនារីកម្ពុជា រួមទាំងបងប្អូនខ្មែរទាំងអស់នាំគ្នាដាំបន្លែ ប្រមូលផលទុកជូនវីរកងទ័ព និងប្រជាជនភៀសសឹក ()
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បើកព្រឹត្តិការណ៍បោះជំរំសមាគមកាយឫទ្ធិនារីកម្ពុជា ឆ្នាំ២០២៥ នៅភ្នំគិរីរម្យ ក្រោមប្រធានបទ “ស្វែងយល់ខ្លួនឯង ដើម្បីអនាគតខ្លួនឯង”យ ()
កិច្ចប្រជុំពេញអង្គគណៈរដ្ឋមន្ត្រីបានអនុម័តលើសេចក្តីព្រាងច្បាប់ស្តីពីការអនុម័តយល់ព្រមលើពិធីសារទី៣ ស្តីពីការពង្រីកសិទ្ធិហោះហើរទី៥រវាងភាគីចុះកិច្ចព្រមព្រៀង ក្រោមកិច្ចព្រមព្រៀងដឹកជញ្ជូនតាមផ្លូវអាកាសរវាងរដ្ឋាភិបាលនៃរដ្ឋសមាជិកសមាគមប្រជាជាតិអាស៊ីអាគ្នេយ៍និងរដ្ឋាភិបាលនៃសាធារណរដ្ឋប្រជាមានិតចិន ()
ក្រសួងការបរទេស ចេញសេចក្តីប្រកាសព័ត៌មានអំពីការចុះហត្ថលេខាលើសេចក្តីថ្លែងការណ៍រួម ដោយនាយករដ្ឋមន្ត្រីកម្ពុជា និងនាយករដ្ឋមន្ត្រីថៃ នៅទីក្រុងគូឡាឡាំពួ ដោយមានប្រធានាធិបតីអាមេរិក និងប្រធានអាស៊ានជាសាក្សី ()
សម្តេចមហាបវរធិបតី ហ៊ុន ម៉ាណែត រួមជាមួយថ្នាក់ដឹកនាំ នៃបណ្តាប្រទេសជាសមាជិកអាស៊ានចុះហត្ថលេខាលើសេចក្តីថ្លែងការណ៍ ស្តីពីការចូលជាសមាជិកអាស៊ានរបស់ប្រទេសទីម័រឡេស្តេ ()
វីដែអូ