ភ្នំពេញ៖ កាលពីរសៀលថ្ងៃទី ០៦ ខែសីហា ឆ្នាំ ២០២៥ ក្រសួងព័ត៌មាន សហការជាមួយកាកបាទក្រហមកម្ពុជា បានរៀបចំសិក្ខាសាលារួមគ្នាស្តីពី ប្រវត្តិចលនាអន្តរជាតិ គោលការណ៍គ្រឹះ ច្បាប់មនុស្សធម៌អន្តរជាតិ ក្នុងបរិការណ៍សកលលោកបច្ចុប្បន្ន និងកាកបាទក្រហមកម្ពុជា ដែលមានការចូលរួមពីពិធីករ-ពិធីការនីទូរទស្សន៍ និងអ្នកសារព័ត៌មានមកពីស្ថាប័ននានាជាច្រើនស្ថាប័ន ។ក្នុងឱកាសនោះ លោក ជុំ កុសល រដ្ឋលេខាធិការក្រសួងព័ត៌មាន តំណាងលោក នេត្រ ភក្ត្រា រដ្ឋមន្ត្រីក្រសួងព័ត៌មាន មានប្រសាសន៍ថា សិក្ខាសាលានេះ ជាកិច្ចការមួយដ៏សំខាន់ដើម្បីផ្សព្វផ្សាយ និងបង្កើនការយល់ដឹងពីការប្រើប្រាស់ ការការពារបដិរូបកាកបាទក្រហម និងអឌ្ឍចន្ទក្រហម ដល់អ្នកសារព័ត៌មានមកពីស្ថាប័ន ប្រព័ន្ធផ្សព្វផ្សាយយ៉ាងច្រើនអង្គភាព ដើម្បីបានយល់ច្បាស់ពីចំណុចនានាទាំងឡាយដែលក្រុមការងារកាកបាទក្រហមកម្ពុជា នឹងធ្វើការពន្យល់បង្ហាញពីចំណុចសំខាន់នៃច្បាប់មនុស្សធម៌អន្តរជាតិ ក្នុងបរិបទសង្គ្រាម ជាពិសេសគោលការណ៍គ្រឹះទាំង០៧ និងតួនាទីភារកិច្ចរបស់កាកបាទក្រហមកម្ពុជា។លោករដ្ឋលេខាធិការបន្តថា ការរៀបចំសិក្ខាសាលានេះ ក៏សមស្របនឹងស្ថានភាពប្រទេសកម្ពុជាបច្ចុប្បន្នកំពុងរងនូវការឈ្លានពានទឹកដី ពីប្រទេសជិតខាងអមិត្តបង្កជាជម្លោះប្រដាប់អាវុធ ។លោក ជុំ កុសល បន្ថែមថា កាកបាទក្រហមគឺជាស្ថាប័នមនុស្សធម៌ដ៏ធំបំផុតនៅកម្ពុជា ក្នុងការជួយ សង្គ្រោះដល់ប្រជាពលរដ្ឋដែលជួបទុក្ខភ័យដោយមិនប្រកាន់ពូជសាសន៍ និងនិន្នាការនយោបាយឡើយ។ ក្រៅពីផ្តល់ជំនួយជាសម្ភារៈ កាកបាទក្រហមក៏មានតួនាទីជួយផ្សព្វផ្សាយពាក់ព័ន្ធលើបញ្ហាសុខភាពរបស់ មនុស្សគ្រប់រូប ក្នុងការរស់រានមានជីវិតប្រចាំថ្ងៃ។ទន្ទឹមនឹងនេះ កាកបាទក្រហម និង អឌ្ឍចន្ទក្រហមកម្ពុជា មានតួនាទីជាចម្បងក្នុងការផ្តល់ជំនួយមនុស្សធម៌ និងការពារសិទ្ធិជនរងគ្រោះក្នុងស្ថានភាពសង្គ្រាម គឺការពារជីវិត និង សិទ្ធិមនុស្សរបស់ជនរងគ្រោះ ក្នុងការធានាថាជីវិត និងសេចក្តីថ្លៃថ្នូររបស់មនុស្សមិនត្រូវបានរើសអើង ឬបំពាន ទោះបីជាមានសង្គ្រាមកើតឡើងក៏ដោយ។លោកស្រី ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា បានមានប្រសាសន៍ថា គណៈកម្មាធិការអន្តរជាតិនៃកាកបាទក្រហម (International Committee of the Red Cross) ដែលហៅកាត់ជាភាសាអង់គ្លេសថា ICRC ឬ ជាភាសាបារាំងថា CICR ត្រូវបានបង្កើតឡើងនៅឆ្នាំ១៨៦៣ ដោយប្រទេសស្វីស គឺជាអង្គការមិនលំអៀង អព្យាក្រឹត ឯករាជ្យ ។ គណៈកម្មាធិការអន្តរជាតិនៃកាកបាទក្រហម មាន បេសកកម្មមនុស្សធម៌ដ៏ថ្លៃថ្លាបំផុត គឺគាំពារអាយុជីវិត និង សេចក្តីថ្លៃថ្នូររបស់ជនរងគ្រោះដោយសារសង្គ្រាម, ជម្លោះប្រដាប់អាវុធ, វិបត្តិសល់ពីសង្គ្រាម និងផ្តល់ជំនួយមនុស្សធម៌ ដល់ជនរងគ្រោះទាំងនោះ។ទន្ទឹមនឹងនេះ គណៈកម្មាធិការអន្តរជាតិនៃកាកបាទក្រហម ជាអ្នកឃ្លាំមើលការអនុវត្តច្បាប់មនុស្សធម៌អន្តរជាតិ និងជាអ្នកតម្រង់ទិស សម្របសម្រួលសកម្មភាពមនុស្សធម៌ របស់ចលនាអន្តរជាតិ នៅក្នុងស្ថានភាពមានទំនាស់ជាដើម ។ជាមួយគ្នានេះ លោកស្រីអគ្គលេខាធិការងទី១ បញ្ជាក់ថា បដិរូបកាកបាទក្រហម ឬអឌ្ឍចន្ទក្រហម លើផ្ទៃពណ៌សសម្រាប់ប្រើជា ឧបករណ៍ការពារក្នុងប្រតិបត្តិការ ការងារមនុស្សធម៌ពេលមានសង្គ្រាម និងហាមយកបដិរូប យកមកបិទ ឬគ្រប់លើយន្តហោះចម្បាំង សព្វាវុធសម្រាប់ធ្វើសង្គ្រាមផងដែរ ៕
ព័ត៌មានគួរចាប់អារម្មណ៍
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បើកព្រឹត្តិការណ៍បោះជំរំសមាគមកាយឫទ្ធិនារីកម្ពុជា ឆ្នាំ២០២៥ នៅភ្នំគិរីរម្យ ក្រោមប្រធានបទ “ស្វែងយល់ខ្លួនឯង ដើម្បីអនាគតខ្លួនឯង”យ ()
កិច្ចប្រជុំពេញអង្គគណៈរដ្ឋមន្ត្រីបានអនុម័តលើសេចក្តីព្រាងច្បាប់ស្តីពីការអនុម័តយល់ព្រមលើពិធីសារទី៣ ស្តីពីការពង្រីកសិទ្ធិហោះហើរទី៥រវាងភាគីចុះកិច្ចព្រមព្រៀង ក្រោមកិច្ចព្រមព្រៀងដឹកជញ្ជូនតាមផ្លូវអាកាសរវាងរដ្ឋាភិបាលនៃរដ្ឋសមាជិកសមាគមប្រជាជាតិអាស៊ីអាគ្នេយ៍និងរដ្ឋាភិបាលនៃសាធារណរដ្ឋប្រជាមានិតចិន ()
ក្រសួងការបរទេស ចេញសេចក្តីប្រកាសព័ត៌មានអំពីការចុះហត្ថលេខាលើសេចក្តីថ្លែងការណ៍រួម ដោយនាយករដ្ឋមន្ត្រីកម្ពុជា និងនាយករដ្ឋមន្ត្រីថៃ នៅទីក្រុងគូឡាឡាំពួ ដោយមានប្រធានាធិបតីអាមេរិក និងប្រធានអាស៊ានជាសាក្សី ()
សម្តេចមហាបវរធិបតី ហ៊ុន ម៉ាណែត រួមជាមួយថ្នាក់ដឹកនាំ នៃបណ្តាប្រទេសជាសមាជិកអាស៊ានចុះហត្ថលេខាលើសេចក្តីថ្លែងការណ៍ ស្តីពីការចូលជាសមាជិកអាស៊ានរបស់ប្រទេសទីម័រឡេស្តេ ()
ឯកឧត្តមរដ្ឋមន្រ្តី សុខ សូកេន ដឹកនាំកិច្ចប្រជុំប្រចាំសប្ដាហ៍ ដើម្បីត្រួតពិនិត្យ និងតាមដានវឌ្ឍនភាពការងារអនុក្រុមការងារទាំងបី និងលេខាធិការដ្ឋានរបស់ក្រុមការងារតាមដាន និងត្រួតពិនិត្យការអនុវត្តយុទ្ធសាស្រ្ត «ព៤ជ៤» របស់ក្រសួងអធិការកិច្ច ()
វីដែអូ