អភិបាលខេត្តកំពត នាំយកអំណោយសប្បុរសធម៌ ដែលបានមកពីការចូលរួមឧបត្ថម្ភពីសប្បុរសជនក្នុងស្រុក ប្រគល់ជូនដល់គ្រួសារវីរៈកងទ័ព
កំពត៖ នៅរសៀលថ្ងៃទី៥ ខែសីហា ឆ្នាំ២០២៥ ឯកឧត្តម ម៉ៅ ធនិន អភិបាលខេត្តកំពត និង ឯកឧត្តម លោកជំទាវ សមាជិកក្រុមប្រឹក្សាខេត្ត គណៈអភិបាលខេត្ត មន្ទីរ-អង្គភាពជុំវិញខេត្ត បាននាំយកអំណោយសប្បុរសធម៌ ដែលបានមកពីការចូលរួមឧបត្ថម្ភពីសប្បុរសជនក្នុងស្រុក ប្រគល់ជូនដល់គ្រួសារវីរៈកងទ័ពដែលកំពុងឈរជើងនៅសមរភូមិមុខ ដែលមានទីលំនៅក្នុងស្រុកទឹកឈូ ខេត្តកំពត។
ចំពោះសម្ភារៈដែលទទួលបានពីសប្បុរសជន ត្រូវបាន ផ្គត់ផ្គង់ទៅសមរភូមិជួរមុខ និងផ្តល់ឱ្យគ្រួសារយុទ្ធជនដែលនៅសមរភូមិមុខ រស់នៅសមរភូមិក្រោយ។ ចំពោះថវិកា ដែលទទួលបានពីសប្បុរសជន គឺបានបែងចែកជូនទៅគ្រួសារកងទ័ពសមរភូមិជួរមុខ នៅតាមក្រុងស្រុកនីមួយៗ ស្មើៗគ្នា។
ថវិកានេះ មិនបានផ្ដល់ដោយផ្ទាល់ដល់យុទ្ធជននៅសមរភូមិជួរមុខទេ ប៉ុន្តែទុកជូនគ្រួសារក្នុងសមរភូមិក្រោយ។ ប្រសិនបើយុទ្ធជននៅសមរភូមិជួរមុខមានការទាមទារ ប្រើប្រាស់ថវិកា គ្រួសារអាចបញ្ជូនទៅឱ្យគាត់តាមរយៈ QR Code ធនាគារ ឬវិធីផ្សេងៗ៕
